writer1

Şərif Ağayar

Məqalə sayı

495
clock14:19 calendar-gray 15 May 2017 view-gray186 dəfə oxunub
view-gray186 dəfə oxunub

Üzeyir bəyi sintezator çalmağa məcbur edənlər

Kulis.az Şərif Ağayarın “Dünən” yazısını təqdim edir.

Dünəntaksidə gedirdim, gənc sürücü Elnarə Abdullayevanın ifalarına qoydu üstünə. Ha istədim özümü saxlayam, bacarmadım, axırı dedim, qardaş, gün-güzəranımız onsuz da ağırdır, bu ağıçı qadınla qanımızı niyə ikiqat qaraldırsan.

Adam o yandan qayıtdı ki, düz deyirsən, əslində, mən buna çox qulaq asmıram, müştərilər istəyir.

Dilim-ağzım qurusun, özümü yenə saxlaya bilmədim, dedim, bəs kimə qulaq asırsan?

Başladı saymağa: Əlikram, Yusif, Baloğlan, İsrail...

Dedim, saxla... Saxla!

Və elə dedim, yazıq sürücü saydığı həmcins üzvləri də saxladı, sürdüyü maşını da!

Dünən məhəllədə təsadüfən qatıldığım çay süfrəsində Elmlər Akademiyasında işləyən yaşlı, nurani bir ağsaqqal Manaf Ağayevdən sitat gətirməzmiola? Özü də həyat, yaşamaq, yaratmaq və yaxşılıq etmək haqqında. Elə bil qazan qapağı ilə arxadan başımın ortasına çırpdılar: “Danq!”

Dedim, saxla...

Və başladım, əsl sənətin manıslıqdan fərqi, yüksək sənətin ecazı, insanlıq tarixində oynadığı rol haqqında uzun-uzadı danışmağa.

Birdən hiss elədim ki, adamlar mənə bambılı kimi baxır. Düşünürlər, bu avara kimdir, o boyda Manaf Ağayevi bəyənməsin.

Kişi yaşamağın da, yaratmağın da, kasıb-kusuba beşdən-üçdən yardım eləməyin də canlı abidəsidir. Kim Manaf müəllimi qoyub mənə oxşamaq istəyər?

Vallah, heç özüm də istəmərəm!

DünənFacebookda gənc şair Emin Akifin bir şeirini oxudum. Düşündüm, bu hisslə, bu incə duyğuyla bu cavan oğlan hara gedəcək, nə edəcək, necə yaşayacaq?

Bir anlıq Manaf Ağayevin yerində olmaq istədim.

Olsaydım, əməlli-başlı kömək edərdim ona.

Əvvəla, kitabını buraxardım, sonra normal yaşaması üçün şərait qurardım.

Heç olmasa bir təmiz istedadı, əlacsız gənci bu namərd zəmanənin əlindən xilas etməklə hər iki dünyada rahatlıq tapardım.

Dünən bir daha anladım ki, bizim bir toplum olaraq Nizami Gəncəvi, Hüseyn Cavid, Üzeyir Hacıbəyov kimi böyük insanlara tamam yiyələnmək haqqımız yoxdur.

Belə kişilər tarixən hansısa böyük əcnəbi mədəniyyətə söykənərək pərvəriş tapıblar.

Nizami ərəb, Cavid türk, Mirzə Cəlil rus mədəniyyətinə...

Nizamini bizə tapşırsaydılar, uzaq başı Gəncə aşıqlarına qoşulub qoşma-gəraylı yazacaqdı.

Cavid Türkiyəyə getməsə, Naxçıvan və Bakı toylarında tamadalıq edəcəkdi.

Üzeyir bəy “Şuşa” restoranında “ştatnı” sintezator çalan işləyəcəkdi.

Dünənçox pəjmürdə idim, yaxşı ki, keçib getdi.

İndi yaxşıyam.

Paylaş

REKLAM

Yazarın digər yazıları

Xəbər lenti

“dOM” teatrının direktoru: “Elə oynamalısan ki, tamaşaçı oyuna qatılmaq istəsin” –Müsahibə
11:59 19 Noyabr 2019
Qadınların məğlub olduğu yer - Kişilər
11:41 19 Noyabr 2019
Bu əlyazma 780 min avroya satıldı
11:20 19 Noyabr 2019
"Çox narahatam" - Qorxmaz Quliyev Nəsimidən yazır...
10:50 19 Noyabr 2019
Xalq artisti xəstəxanaya yerləşdirildi
10:12 19 Noyabr 2019
Vyanada Vaqif Mustafazadənin xatirəsinə konsert
09:50 19 Noyabr 2019
Yaxşılığın peşman elədiyi adam - İsi Məlikzadədən hekayə
09:00 19 Noyabr 2019
Yazıçımızın kitabı erməniləri qəzəbləndirib - Foto
20:08 18 Noyabr 2019
Alim Qasımovun qızından Nəsimi sürprizi - Video
18:42 18 Noyabr 2019
O viranə yuxu - Xəyyam Rəfilinin şeirləri
18:20 18 Noyabr 2019
Aydın Talıbzadə yazır: Onun adı Gülşad...
17:41 18 Noyabr 2019
Mirzə Cəlilin nəticəsi danışdı: "Onunla fəxr edirəm"
17:00 18 Noyabr 2019
Mirzə Cəlilin 150 illik yubileyinə həsr olunmuş konfrans keçirilib
16:15 18 Noyabr 2019
50 yaşda eşqə düşən, işə içkili gələn, jurnalistləri aldadan Xalq artisti
15:33 18 Noyabr 2019
Şövkət Ələkbərovanın xatirə gecəsi keçirilib
14:40 18 Noyabr 2019
Ahmet Kayanı bu aktyor canlandıracaq - Foto
14:01 18 Noyabr 2019
Elməddin Cəfərov: "Söyüş intellektuallıqdırsa, Cem çox intellektualdır"
13:14 18 Noyabr 2019
Ayaz Salayevin çəkilməyə qorxduğu AzTV verilişi – Sevda Sultanova yazır...
12:40 18 Noyabr 2019
Nəticəsi Mirzə Cəlilin ev-muzeyinin açılışında - Fotolar
11:57 18 Noyabr 2019
Məhəmməd Hadinin müasiri Bakıda kitab satır
11:38 18 Noyabr 2019