news-inner
clock09:00 calendar-gray 13 May 2017 view-gray136 dəfə oxunub
view-gray136 dəfə oxunub

Sevgilisini atıb şaxtaçıya qoşulan jurnalist qız – AZƏRBAYCAN FİLMİ

Kulis.az “Naməlum kino” layihəsində Tofiq İsmayılovun 1986-cı ildə çəkdiyi “Xüsusi vəziyyət” filmini təqdim edir.

Süjet: Hadisələr əsasən Daşkəsən rayonunda dəmir filizi mədənlərində baş verir. Fəhlələr qəza vəziyyətində olan şaxtalarda işləyir. Üstəlik, köhnə texnologiyalarda iş rejimi təbiətə ziyan vurur, eyni zamanda nəticə məşəqqətli əmək və onların həyatı bahasına başa gəlir. Sahə müdirlərindən biri, ölkənin ən yaxşı mütəxəssislərindən sayılan Dəmir Şahbazov (Tofiq Mirzəyev) şaxtaların sökülməsini, yeni texnologiyalar əsasında tikilməsi üçün layihə təklif eləyir. Amma kombinatın müdiri Vələdzadə (Səyavuş Aslan) bu layihənin əleyhinə çıxır. Onun fikrincə, layihənin həyata keçirilməsi böyük vaxt aparacaq, üstəlik, nəticəsinin necə olacağı da bəlli deyil. O, isə dövlətə yüksək plan verməlidir.

Bakıda yaşayan gənc jurnalist Xalidə (İradə Akimova) Daşkəsənə dəmir filiz mədənləri haqda yazmaq üçün ezam olunur. O, qatarda tüdnməcaz, sərt təbiətli Dəmirlə tanış olur. Dəmirin mədəndə işlədiyini öyrənən Xalidə məlumat almaq istəyəndə onun kobud rəftarıyla qarşılaşır.

Xalidə kombinatın rəhbəri Vələdzadə ilə görüşür, mədən haqda məlumat toplayır. Prinsipial xarakterə malik Dəmiri yaxından tanıdıqca gənc qadın ona vurulur. Dəmir də ona laqeyd qala bilmir.

Xalidəni isə Bakıda gözləyən sevgilisi Zahid (Rəfael Dadaşov) var. Onlar tezliklə ailə qurmağa hazırlaşır. Reportajını hazırlayandan sonra Xalidə Bakıya qayıdır. Amma anlayır ki, onun Zahidlə münasibəti yanlışdır, çünki ortada sevgi yoxdur. O, Zahiddən ayrılır və Daşkəsənə Dəmirin yanına qayıdır.

Həmin vaxt isə şaxta daha da qəzalı vəziyyətə düşür. Və Dəmir işi dayandırır, şaxtaların bağlanmasına göstəriş verir. Onun qərarından qeyzlənən kombinat müdiri şaxtalara baş çəkir, oranın qəza vəziyyətində olmadığını sübut etmək üçün Dəmirlə birlikdə şaxtalara enir. Və az sonra şaxta tamamilə çökür. Onlar bütün umu-küsüləri kənara qoyub yeraltında həyat uğrunda mübarizə aparırlar. Onların uzun və çətin xilasetmə əməliyyatı başlayır...

Milli kinomuzda sənayedən, kolxoz fəaliyyətindən bəhs edən çoxsaylı filmlər çəkilib. Onların əksəriyyəti bədii cəhətdən keyfiyyətsizdir, təbliğat, plakat xarakteri daşıyır.

“Xüsusi vəziyyət” az aylı filmlərdəndir ki, burda sovet dövrünün ritorikası demək olar ki, yoxdur, varsa belə çox korrektdir. Bədii baxımdan da filmin keyfiyyət fərqliliyi var. Səbəblərindən biri filmin yenidənqurma illərində çəkilməsidirsə, digəri ssenari müəllifinin Ramiz Fətəliyevin olmasıdır.

Natura çəkilişlərində realist dəsti-xətt güclüdür. Şaxtada qəzaya düşən personajların mübarizəsi, onların axtarış səhnəsi təmkinlilik, dramatizmlə yüklənib və tamaşaçını gərginlikdə, nigarançılıqda saxlaya bilir.

Əhvalatın əsas xətti dəmir filiz mədənlərindəki iş şəraiti, Dəmirlə Vələdzadənin konfliktidir. Əsas xətdən əlavə, bir neçə yan xətt də var: Xalidə-Dəmir, Zahid-Xalidə və gənc qadının ailəsi ilə münasibətləri. Yan xətlər əsas süjetlə orqanik birləşir.

Filmin irəli sürdüyü əsas məsələ iki fərqli dünyagörüşünün qarşıdurmasıdır. Proqressiv, demokratik düşüncəli Dəmir və sovet düşüncəsi ilə işləyən, əsas məqsədi nə olursa olsun plan vermək olan Vələdzadə.

Rejissor bu qarşıdurmanın kulminasiyasını da, düyünün həllini də şaxtada təsvir edib.

Filmdə eyni zamanda ailə məişət münasibətləri də qoyulur. Anası (Firəngiz Şərifova) otuz yaşlı Xalidənin ərə getməsini təkid edir. Hamı Xalidylə Zahidi uyğun cütlük hesab edir. Dəmirlə rastlaşandan sonra Xalidə anlayır ki, onların münasibətində sevgidən başqa hər şey var.

Operator Kənan Məmmədov, bəstəkar Tofiq Quliyevdir. Film Manaf Süleymanovun “Zirvələrdə” romanının əsasında çəkilib.

news-inner-user
Sevda Sultanova

760 məqalə

Paylaş

Oxşar xəbərlər

Xəbər lenti

İngiltərə Elif Şafakın bu romanını ilin ən yaxşısı elan etdi
16:00 07 Dekabr 2019
Məşhur aktyor sətəlcəmdən dünyasını dəyişdi
15:00 07 Dekabr 2019
Tanınmış şairin qızı Qüdsdə konsert verdi - Foto
14:01 07 Dekabr 2019
Azərbaycanlı naşir: “Kitablarımız Fransanın 70 min kitab mağazasında satılacaq” – Müsahibə
13:28 07 Dekabr 2019
Əlil aktyorların iştirakı ilə "Solğun çiçəklər" nümayiş olundu - Foto
12:30 07 Dekabr 2019
Azərbaycanlı dramaturq 65 yaşında vəfat etdi
12:00 07 Dekabr 2019
Ermitaj Muzeyi Çingiz xan daş kitabəsini Monqolustana hədiyyə etdi
11:20 07 Dekabr 2019
"Bu şəhərdə" 200 minlik "Şabaş"ı təqdim etdi - Foto
10:40 07 Dekabr 2019
"Qaranlıqdan reportaj" təqdim olunacaq
10:00 07 Dekabr 2019
Arvadbaz, dəlisov, qadın düşkünü... - Yeni layihə
09:00 07 Dekabr 2019
Cəmi 1 saata həyatınız dəyişə bilər
21:00 06 Dekabr 2019
"Mələk" filmi nümayiş olunacaq
18:53 06 Dekabr 2019
"Audio Kitab" layihəsində Nəsiminin qəzəlləri səsləndirilib
18:20 06 Dekabr 2019
Bütün dualara əngəldi İsa - Rəşad Nağı şeirlərini oxuyur - Video
17:46 06 Dekabr 2019
Məktəbli qızın oğurlanmasından bəhs edən roman çap olunub
17:21 06 Dekabr 2019
“Sözlər və nəsnələr” kitabı təqdim edildi - Fotolar
16:51 06 Dekabr 2019
Kənan Hacı ABŞ-ın nüfuzlu mükafatını qazanıb
16:20 06 Dekabr 2019
Nizami Gəncəvinin türk dilində nəşr olunan "Xəmsə"si təqdim olundu - Foto
15:37 06 Dekabr 2019
Evin içində unudulan Məmmədbağır – Yeni hekayə
14:58 06 Dekabr 2019
“Oskar”a namizəd ola biləcək filmlər açıqlandı - Siyahı
14:28 06 Dekabr 2019