Kulis.Az gənc şair Ulucay Akifin yeni şeirini təqdim edir.
Qızcığaz,
bu qədər böyük danışmağıma fikir vermə,
mən sadəcə, sadəcə
sənə dondurma almaq istəyirəm.
mən sadəcə, sadəcə
uşaqlığımızı yada salmaq istəyirəm.
qarşıdan çətin günlər gəlir, bilirəm.
Bilirəm, hələ də rəngli parçalara görə ölür
heç iyirmi yaşına çatmamış gənclər,
hələ də atəş səsləri gəlir Yaxın Şərqdən.
amma biz, biz...
bütün silahları susdura bilərik
inansaq günəşli günlərə, xoşbəxt olsaq bərkdən.
Buludlar yağışa çevrilir,
islanır şıltaq küləklər də bu yerlərdə
Günəş daha böyük ümidlə gülümsəyir bizə.
Bir uşaq qışqırır tanklara, qışqırır:
- Gəlməyin üstümüzə!
Qorxutmaz bizi mərmilər!
Atom bombası, səndən də qorxmuruq!
Ölməz bu ruhumuz, ölməz sənin tüstündə!
İndi sən də,
sən də əlini ver, qızcığaz,
əlini ver, qaçaq bu göy qurşağının üstündə.
- Gəl gedək, sənə dondurma almışam.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər