news-inner
clock17:30 calendar-gray 10 May 2017 view-gray301 dəfə oxunub
view-gray301 dəfə oxunub

Tanrı gözəlliklər yaradır bir qadın əlləriylə - YENİ ŞERİLƏR

Kulis.az gənc şair Turan Kəpənək Bağdadovanın yeni şeirlərini təqdim edir.

***

Uzaq evlərin pəncərələrindən baxan doğmalıq kimiyik...

***

Uzaq bir küncdə Tanrı gözəlliklər yaradır bir qadın əlləriylə...

***

Əlini uzat, sən məndən qopan arzusan...

***

Alıb yağışlarımı başıma, bir yol başladım dərinlərə.
Göyərdi səhralarım.
Qəlbimdən azadlıq axır.
Dayandığım yol, axtardığım yer imiş.
Görünən hər şey çaşqınlıq aldatmacasına qapılmış ruha xatırlatma imiş.
Xoşbəxtlik və azadlıqda da itmək olurmuş...
İtən ruhun tapdığı azadlıqda itməsi,

tanrının gözlərini yumub ayılmasına bənzəyirmiş.
Ərimək gözəllikdə,

azadlığa çevrilmək,

mərkəzdə dayanıb yox olmaq,

özünü varlığın qəlbinə olduğun yerdən buraxmaq,

genişlik qədər böyümək,

sərhədləri təbəssümlə yıxıb kainatdan daşmaq,

içəridə sovrulanla çöldə sovrulanlar arasında yox olmaq,

yamaq şəxsiyyəti bir nəfəsdə üfürüb mahiyyətə bürünmək!
Əbədilik geyinmiş tanrı gülümsəyir...

***

Göylər fikirlərimə dolaşır...

***

Donmuş ürəyinə çilənən od həyat başlada bilər.
Ağrıdan yaranan həyat sancısına izin ver.

***

İçəridə yoxsansa, dünyanı da yığsan o boşluq dolmayacaq.

***

Bir ürəyim var, bu qədərdən.
Bir yerim belə yox.
Bir yolda oyandım.
Əvvəli və sonu görünməyən.
Tanımadım özümü.
Axtardım.
Dolu ətrafda boş bir “mən” tapdım.
Boşluğuma yıxıldım.
Bir kədərli mehdən arzularım dalğalanmış ürəyimdə,

sevgimi oyatmış kimsə keçərkən.
Kimsə axtarır məni hər gecə.
Hər gün evdəyəm.
İşıqdan asıram qaranlıqları.
Çirklənən ürəyimi kədərimlə yuyub yerinə asıram.
Gözləyirəm.
İşıqdan asılan qaranlıqlar və ürəyim - ünvanım.

***

Qəlbimdə dirilən Tanrı indi bağrımı yarıb kainata axır...

***

Xoşbəxtlik liman olmaqdır,

gəmilər gəldi gedərdir.

***

Ətrin alıb aparır həyatımı...

***

Həm susursan, həm musiqin ruhumu oyadır hər gecə.
Həm gizlənirsən, həm gizləndiyin yerdən baxırsan işıqlı-işıqlı.
Həm qaranlıqda çəkilib itirsən, həm işıqda coşub tökülürsən.
Həm göylərdən təvazökar minnətdarlıqla tökülürsən,

həm yerdə şükran dolu minnətdarlıqla qəbul edirsən.
Həm yüzlərlə ömür uzaqlığında gizlənirsən,

həm bir saniyə yaxınlıqda olan anlıq bir gülümsəmədə parlayırsan.
Həm bir vəhşi sükutda gizlənmiş qorxulu beyin qədər uzaqsan,

həm bir ananın nəvaziş dolu barmaqları qədər yaxınsan.

***

Ürəyim beynimdə güllər yetişdirir.

***

Özünü sonsuzluğa səpələyən və bundan sərxoş olan gözəllik kimiyəm...

Qadın və Tanrı.

Ağlamaqlı könlüylə,
gecə və gündüzün rəqsi saçlarıyla dayanmış üzü qəlbinə sarı...
Hər şeydən vazkeçmiş.
Yoxluqlarla dolu.
Tökmüş bu dünyanı,
qaranlıqdan başlayıb işıqda azmış qəlbindən.
Yoxsul varlığıyla uzaqlardan gəlmiş.
Görməyən gözlərindən almış hər şeyi.
Uzaqda oyanıb nə etməli olduğunu bilməyən kor kimi
doğmalığın ünvanına tutmuş üzünü, təslim...
Ruzigar və...
Qadının saçları xoşbəxt...

***

Yaradanda yarandım dedi Tanrı

***

Mövcudluq - hər ana yağmaq sevincidir

Görüntünün olası içeriği: 1 kişi

news-inner-user

19451 məqalə

Oxşar xəbərlər

Xəbər lenti

Boşanmadan ikinci qadınla evləndi, ölümündən sonra oğlu meydana çıxdı, müəmmalı qəzada öldü – Səxavət Məmmədovdan 10 maraqlı fakt
13:30 28 İyul 2021
Səməd Səmədovun dəfninə gəlmədilər - Giley
12:40 28 İyul 2021
İşıqları keçirib yazanlar
12:00 28 İyul 2021
Dərnəgülün qansoranları – Vüsal yazır…
11:20 28 İyul 2021
“Fəryad 2” filminə kişi axtarırlar – 15 manata
10:40 28 İyul 2021
Müğənni 56 yaşında öldü
10:05 28 İyul 2021
Votsapda beş roman yazan xanım: “Mənim davam internetdəki əxlaqsız kişilərlədir” - Müsahibə
09:00 28 İyul 2021
Homoseksual kralın aşiq olduğu bəstəkar
21:00 27 İyul 2021
Özbək şairi 44 günlük müharibədən kitab yazdı
18:51 27 İyul 2021
Adam öldürmək istəyirəm - Yeni hekayə
18:01 27 İyul 2021
Bakıda caz müsabiqəsi elan olunub
17:09 27 İyul 2021
Taleh Yüzbəyovdan yeni film gəlir - Fotolar
16:13 27 İyul 2021
7 il nişanlı qaldı, tələbəsi ona aşiq oldu, rus qızına görə oğlunu evdən qovdu – Xalq yazıçısından 10 maraqlı fakt
15:30 27 İyul 2021
Seyran Səxavət “Nizami Gəncəvi” mükafatına layiq görülüb
15:27 27 İyul 2021
Ermənilər yazıçımızın ailəvi fotosunu oğurladılar – Nadir fakt - Foto
14:45 27 İyul 2021
Əməkdar mədəniyyət işçisi vəfat etdi
13:52 27 İyul 2021
Nərimanovun 5 yaşlı oğluna yazdığı o məktubdan sonra… – Çingiz Hüseynov yazır
13:30 27 İyul 2021
Buker mükafatının uzun siyahısı açıqlanıb
12:29 27 İyul 2021
Anar: “Əkrəm Əylislini qəbul edərəm, ancaq bir şərtlə...” – Müsahibə
12:01 27 İyul 2021
El Romandan hekayə: Pomada dadı
11:30 27 İyul 2021