news-inner
clock21:10 calendar-gray 24 Aprel 2017 view-gray211 dəfə oxunub
view-gray211 dəfə oxunub

Baxardım adamların ağrılarına - Sevinc Elsevərin yeni şeirləri

Kulis.az Sevinc Elsevərin yeni şeirlərini təqdim edir.

Küsmüşəm çiçəyimdən

küsmüşəm çiçəyimdən

səbəbini bilmirəm özüm

çiçəyim qırmayıb qəlbimi

küsməyimin səbəbi

haçandı çiçəkləməməsi deyil

yarpaqlarının əvvəlki kimi

yamyaşıl olmaması da

əksinə içimdəki sevgini tərpədir bunlar

götürüb su verirəm ona

yarpaqlarını silirəm nəm əsgiylə...

qəlbimdə yeri daraldığına görə

çiçəkmi günahkar

qəlbimmi

bilmirəm gerçəkdən

yorulmaq olarmı sevməkdən?

sevgidə ara varmı?

atıb gedirsən

bəlkə qayıdırsan

bəlkə də heç qayıtmırsan

məndən çox bağlıdı

çiçəyim dibçəyinə

dibçəyini bir pəncərədən

başqasına keçirərək

rəngləndirirəm həyatını

başqa mənzərələr açıram

gözləri önündə

günəş başqa cür oxşayır onu

amma mən yenə çiçəyimi

əvvəlki kimi sevmədiyimi anlayıram

çiçəyin günahı yoxdu

bilirəm

və mən qəlbimə

söz keçirə bilmirəm

çiçəyimi atsammı, a dostlar?

satsammı, əcəba?

bəlkə biri onu

məndən çox sevəcək

bəlkə çiçəyim də

məni sevmədiyindən

çiçəkləmir

yaşıllaşmır?!

Yamyaşıl qan

dərman qutularına

dizayn düşünən adam

qırmızı rəngi çox

işlətmiş

qanyaradan dərmanın üstündə

mənimsə qanım

qara olur çox zaman

istəyirəm

hərdən çəhrayı qan axsın

damarlarımdan

hərdən göy üzü kimi mavi

hərdən dəniz üzü kimi ağ köpüklü

bahar gələndəsə yamyaşıl olsun

içimdən axan qan...

***

əlində iynə

başım üstündə dayanan

tibb bacısı

bir anlıq

əlində qılınc başım üstündə dayanan cəlladı

xatırladır mənə

tərslikdən hər ikisi səbirsiz

və tələsir...

biri əzablarıma davam edə bilməyim üçün

əzablı həyatımın bitməməyi üçün əlləşir

xəyalımdakı isə

kökündən həll etmiş olur məsələni

canımı qurtarır bütün ağrılardan

qorxulardan birdəfəlik

***

hər sabah

tər içində oyanır

yaşlı qadın

gördüyü qorxulu yuxular

çin çıxmasın deyə

çiyninə şal atıb çıxır eşiyə

xırda pul salır evinə ən yaxın dördyol ayrıcına

o yoldan məktəbə gedən uşaqlar

xırda pulları tapıb sevinirlər

şirni alıb yeyirlər...

Balaca əsgər

atasıyla müharibə filmi

izləyən balaca oğlan

hər an döyüşə hazır əsgər kimi

oyuncaq avtomatını

qucaqlayıb yatır

səksənir anası avtomatı

çəkib alanda...

Aygün Bünyadzadənin sınıq barmağına ithaf

sınıqçı idi nənəm

evimizə ağrılı adamlar gələrdi

axsaya-axsaya

kiminsə qolundan yapışaraq

ya qolunu boynundan asaraq

nənəm sınmış sümükləri yerinə saldıqca

sümüklər şaqqıldadıqca

dəli bağırtılar qopardı adamların bağırlarından

diksinərdim otağın bir küncünə qısılaraq

gözlərimi bərəldib baxardım adamların ağrılarına

yalvarışlarını eşitməməkçün

tutardım qulaqlarımı

“bir hovur əl saxla” deyə yalvarardılar

dua edərdim tanımadığım adamlara

ağrıları azalsın deyə...

gözümün qabağında ağrıyan

o adamlar öyrətdi mənə

başqalarının dərdlərinə biganə qalmamağı

o vaxtdan bəri ağrıyan adamları

tanıyıram uzaqdan

içlərində nə yaralar var bilirəm

əlimdən heç nə gəlməsə də onlar üçün

qəlbimin dərinliklərində

dualar edirəm

uzaq uşaqlığımda

otağın küncünə sıxılıb

qorxu içində

dilinin altında tələsik dualar

pıçıldayan

ağrını beşikdən tanıyan o uşaq kimi...

Tıxac və uşaqlar

pərvanə özünü işığa atan kimi

atılır bahalı maşınların qabağına

əlində yaş əsgi tutmuş

balaca oğlan

şəhərdə tıxac yaranan küçələrdə

tıxaclar çörək yeri...

elə cəld tərpənir ki

adam bir anlıq qorxur

uşağın maşın altına düşəcəyindən

batıb-çıxdıqca rəngbərəng maşınların arasında

düşünürsən “sağdırmı hələ?!”

kimsə vecinə də almır onu...

tıxacdan çıxmağın hayında

deyinir, söylənir hamı

bir əsəbi adam da

acığını balaca oğlanın üstünə tökür

şüşəni aşağı endirərək

təpinir ona

dəli bir acıqla

şəhərin tıxac yaranan küçələrində

başqa bir uşaq gül satır

ürəyi sevgiylə dolu bir adamın

rastına çıxacağı ümidiylə...

bəlkə biri gül alıb

bağışlayacaq sevdiyi qadına

daha güllər yoldan çıxarmır heç kimi

sevgisiz bu şəhərdə...

Laxlayan diş

dilinlə oynadırsan ağzında laxlayan dişi

buna alışırsan

sonra elə dilin səbəb olur

laxlayan dişinin kökündən qopmağına

onda dilini dişinin qanayan yerinə basırsan...

sonra xeyli vaxt

axtarır həmin o laxlayan dişini dilin

darıxır ağzında

möhkəm dişlərin dibinə vurur

amma heç biri yerindən tərpənmir

oynamırlar

ərköyün dilinin qabağında

elə adamlar var

o laxlayan diş kimi qəfil gedir həyatından

və sən darıxırsan

ondan qalan boşluğa oturaraq...

***

uzun, dar

pillələrlə ağır-ağır enən

yaşlı qadını

ürəyi gəlmir ötüb keçə

gənc qızcığaz

ört-basdır eləməyə çalışır

aralarındakı fərqi

hətta qadına köməyini

təklif etməməyi də

bu səbəbdəndi...

gecikdirir qızcığazı yaşlı qadın

sevgilisinin görüşünə

oğlana nə deyəcəyini fikirləşir ürəyində:

“evdən çıxmağını gözləyirdim atamın...”

“anamı zorla razı saldım...”

çoxlu səbəblər sadalayır beləcə

sözü yaşlı qadının üzərinə

gətirmədən.

Bahar gəlincə

bahar gəlincə

qızlar saçlarını

günəşə

küləyə

ulduza-aya

yağışa verdilər

biri öpdü

biri sığalladı

biri qoxladı

biri yoxladı...

biri ağladı, gözünə çəkdi

rəngbərəng lentlər düzdülər saçlarına

yaşıdları

al-əlvan bağça kimi

ətir saçdı

tellərinin ucları

baş örtüyünün rəngini dəyişdi tez-tez

on beş yaşlı Sənəm

bir gün yaşılını

bir gün alını

bir gün yaylığını

bir gün şalını taxdı

o da qoşuldu bahara gülə-gülə

günəş

ulduz-ay

yağış, yel

həsrət qaldı Sənəmin saçlarına

öpmədən, qoxlamadan

oynatmadan

durub baxdılar bütün yazı...

Oxşar xəbərlər

Xəbər lenti

Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020
Xalq rəssamı vəfat etdi
15:09 13 Avqust 2020
Nazirlikdən gedənlər və gələnlər – Sərdar Amin yazır...
14:11 13 Avqust 2020
Mədəniyyət Nazirliyinin aparat rəhbəri vəzifəsindən azad olundu
13:24 13 Avqust 2020
Mahnılarını Niyaməddin Musayev oğurladı, rayonu işğal olunanda beyninə qan sızıb öldü – Bu gözəl musiqilərin müəllifini siz də tanıyın
13:19 13 Avqust 2020
Mühacirətdə olan yazıçı vəfat etdi
12:34 13 Avqust 2020
Sərdarın atası və əlləri
11:52 13 Avqust 2020
Bizə əl atan qoca müəllim
11:07 13 Avqust 2020
Britaniyalı jurnalistin Xocalıdan yazdığı ssenariyə film çəkildi
10:43 13 Avqust 2020
"Qarabağ hekayələri" özbək dilində nəşr olundu
10:04 13 Avqust 2020
Stalin Rəsulzadəni bu yolla qaçırdı, Səməd Vurğun yaralıları apardı – Ayxan Ayvazın reportajı
09:00 13 Avqust 2020
Türkiyəli şair vəfat etdi
18:30 12 Avqust 2020
Məhəllə futbolu - Hekayə
17:58 12 Avqust 2020
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
17:04 12 Avqust 2020
Məşhur "20th Century Fox" fəaliyyətini sona çatdırır
16:14 12 Avqust 2020
İtaliyada vəfat edən müğənnimizin nəşi vətənə gətiriləcək? - Açıqlama
15:30 12 Avqust 2020
Səfər Alışarlının "İşıq" hekayəsi
14:42 12 Avqust 2020