Türk serialları “Ərəb baharı”nı yaratdı

Kino

Ana səhifə
Kino

Türk serialları “Ərəb baharı”nı yaratdı

6 sentyabr 2011

13:54

“Newsweek” jurnalı Türkiyənin istehsalı olan “Aşk-ı Memnu”, “Möhtəşəm Yüz il” kimi serialların ərəb cəmiyyətlərində sosial inqilabın səbəbi olaraq göstərib.

Yaxın Şərqdə sevilərək izlənən türk seriallarından bu dəfə amerikan jurnalı “Newsweek” yazıb. Yazar Ouen Metyu məqaləsində ərəb dünyasının türk cəmiyyətini özlərinə yaxın bildiklərindən bu seriallardan çox təsirləndiklərini bildirib.

Baxılma rekordları qıran “Gümüş”, ”Min bir gecə”, “Aşk-ı Memnu”, “Möhtəşəm Yüz il” kimi serialların əsas izləyici kütləsi ev qadınlarıdır.

Evdar qadınlar müsəlman cəmiyyətində modern türk qadınlarına baxmaqdan zövq alırmışlar. Hətta “Gümüş” serialı ərəb ölkələrinin bir neçəsində qadağan olunub. Bunun səbəbi isə qadınların serialdan təsirlənərək ərlərindən daha çox diqqət və sevgi tələb etməsi olub. Bu vəziyyətdən narazı kişilərin şikayətlərdən sonra “Gümüş” serialı ekranlardan yığışdırılıb.

Bundan başqa, müasir müsəlman qadınlarının iş və ailə sahibi olması və hər ikisini uğurla davam etdirmələri ərəb qadınlarına daha çox təsir göstərir.

Yazar Metyu ərəb cəmiyyətlərindəki sosial inqilabın səbəblərindən biri kimi məhz serialları göstərib.

Günel ƏSGƏRZADƏ