news-inner
clock14:00 calendar-gray 28 Mart 2017 view-gray549 dəfə oxunub
view-gray549 dəfə oxunub

Uşaqlar deyirlər ki... – İlqar Rəsul yazır…

Uşaqlar deyirlər ki...

Lətifə


(bu, tərəfsiz və qərəzsiz bir zarafatdır)

- Nolub, yenə niyə küsmüsən, ay darvinçilərin ulu babası?

- Elə demə, xoşum gəlmir. Allah eləməsin insan bizdən əmələ gəlsin. Sən ki, bilirsən bu belə deyil.

- Bilirəm, bilirəm, zarafat elədim. Di de görüm, bu nə haldı də, kimdən küsmüsən yenə?

- Uşaqlarımdan küsmüşəm.

- Yoox, olmaz! Sənin uşaqların bir çox insanlardan daha insandırlar. Onlardan niyə küsürsən?

- Çünki uşaqlar mənə lağ eləyirlər.

- Nə deyirlər ki, uşaqlar?

- Uşaqlar deyirlər, o deputat var idi ey... Onun məntiqi ilə sənə pensiya düşür. Çünki o, deyir ki, pensiya ən qoca insanlara verilməlidir. Sən də ən qoca insansan.

- Düz deyirlər də. O təfəkkürlülərin məntiqi ilə tək sənə yox ey, hətta sənin uşaqlarına da pensiya düşür. Çünki onlar da ən qoca insan sayılırlar.

- Yaxşı də, mən sənə dərdimi deyirəm, sən zarafata salırsan söhbəti. Sən Allah burda dedin, başqa yerdə deyib ağıllarına salma barı. Bir də görərik kəsdirdilər qapını ki, milyon illərdi vergidən yayınırsınız. Zooparkımız yıxılar.

- Yaxşı demərəm, küsmə.

- Nə bilim ey, dərd bir deyil, iki deyil!

- Həll elədik də bunu. Başqa nə dərdin var ki? Yoxsa arvad da nəsə deyir?

- Yoox, arvad heç nə demir. Əksinə, o yazıq hər dəfə televizorda Nəsimi kinosu gedəndə sayğacdan işığı söndürür ki, mənim qanım qaralmasın.

- Nəsiminin sənə nə dəxli var ki?

- Əslində, dəxli yoxdu ey. Amma uşaqlar deyir ki...

- Yenə uşaqlar?! Əl çək bu uşaqlardan də!

- Mən əl çəkirəm ey, amma onlar deyirlər axı.

- Nə deyirlər axı uşaqlar?!

- Uşaqlar həm də deyirlər ki, sənin tüklərinin rəngi Hollandiyanın rəngindədir...

- ...Doğrudan aaa! Bu heç mənim ağlıma gəlmirdi. Əhsən uşaqlar! Həəə, bu artıq ciddi məsələdir!

- "Ciddi" də sözdü? "Təhlükəli məsələdi" desən?!

- Deyirsən yəni sənin də tutub d...

- Demə day, dalını demə, tüklərim daha da zambaqlaşır həyəcanlananda.

- Həəə, vəziyyət yaxşı deyil. Bu aralar facebooka girmə, məncə. Qanın qaralmasın yəni.

- Mən onsuz da Hollandiya müsibəti başlayandan girmirəm facebooka. Amma uşaqlar girirlər axı...

- Arvada denən uşaqlar facebooka girəndə işığı sayğacdan söndürsün.

- Bir dəfə söndürdü, uşaqlar elə hay-küy saldılar ki...

- Hay-küy salıb nə dedilər ki, uşaqlar?

- Dedilər, Strasburqa gedib Avropa Şurasının binası qarşısında erməni dəyirmanına su tökənlərlə birgə aksiya keçirdəcəyik. Dama çıxıb avropalı meymunlardan dəstək tələb etməyə hazırlaşırdılar ki, arvad tez işığı yandırdı...

- Həəə, demək sizdə də vəziyyət İrəvandakı kimi gərgindir. Məncə, sən arvada da de, elə özün də, o uşaqlarla ehtiyatlı olun bu aralar. Yəni çox üstlərinə getməyin bir müddət. Bir də gördün şəklini çəkib qoydular facebooka ki, - "eeeeyy, Hollanda" !

- Yoox, hələ ki, çəkə bilməzlər, çünki evdə palto ilə gəzirəm.

- Bəs havalar tamam qızanda neyləyəcəksən?

- Hələ ki, bilmirəm. Amma uşaqlar deyir ki...

- Hə, uşaqlar daha nələrsə də deyirlər?!

- Deməzlərmi? Əlbəttə deyirlər! O gün uşaqlar öz aralarında pıçıldaşırdılar ki, "bu yaxınlarda bir deputat təklif edib ki, bundan sonra hamı facebooka şəxsiyyət vəsiqəsi ilə girməlidir". Düzü bu söhbət məni bir az ümidləndirib. Əgər o alicənab deputatın dediyi kimi olsa, bizim uşaqların facebooku bağlanar, mən də yayı hamı kimi öz dərimdə keçirərəm...

- Birdən uşaqlar gedib ASAN xidmətdən şəxsiyyət vəsiqəsi alsalar necə olacaq?

- Yoox, inanmıram verələr.

- Niyə ki?

- Çünki onlara şəxsiyyət vəsiqəsi versələr, sənin məntiqinlə beşinə də pensiya düşür.

- Mənim yox ey, o deputatın məntiqi ilə.

- Əşşi sən, o, ya da özgəsi. Nə fərqi var, hamınız birsiniz. Gör babat like yığmısansa, yekunlaşdır verilişi, gedim görüm uşaqlar nə deyirlər...

Oxşar xəbərlər

Xəbər lenti

Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021
Məşhur İspan yazıçısı vəfat etdi
18:15 17 Sentyabr 2021
Azadlıq qılıncların oxuduğu nəğmədi – Rüstəm Behrudinin şeirləri
17:30 17 Sentyabr 2021
Təşəkkür edirəm ayaqlarımın səsinə - Yeni şeirlər
17:07 17 Sentyabr 2021
Sezen Aksudan yeni mahnı - Video
16:55 17 Sentyabr 2021
Məşhur tarzənə ev verildi
16:17 17 Sentyabr 2021
Bir sıra mədəniyyət işçilərinə fəxri adlar verildi - Siyahı
15:50 17 Sentyabr 2021
Deşikli daş pirinin möcüzəsi: İnanaq, yoxsa gülüb keçək?
15:30 17 Sentyabr 2021
Sənubər İsgəndərli yeni veriliş açır
14:10 17 Sentyabr 2021
Sevgilisi: "Vüqara yaraşmayan qadınlar qəbrinin üstündə hoqqa verir"
13:01 17 Sentyabr 2021
Narkotikaya qurşandı, cibindən 11 min manat oğurladılar, küçədə ağlaya-ağlaya pul diləndi – Oğlunun faciəsində Səyavuş Aslanın günahı
12:30 17 Sentyabr 2021