news-inner
clock16:47 calendar-gray 14 Mart 2017 view-gray48 dəfə oxunub
view-gray48 dəfə oxunub

Pianonun qapağını ömrümə endir - ŞEİR

Kulis.az Aysel Səfərlinin şeirlərini təqdim edir.

Hey, pianist

Nə çalırsan?

Yenə həzin dillənir

Toxunduğun səslər.

Barmaqların öpdükcə

Ağ qara notları

Qopur ayrılıq naləsi

Qəlbindən pianonun

Xatirələr küllənir.

Üşüyür indi

Bir vaxt alovunda

Qızınan kəslər.

Mənim taleyimin

Matəm musiqisini

Səsləndirə bilərsən?

Üz-üzə danışdığın

Bax, o piano kimi

Heykəl duruşlu

Ağ-qaradır həyatı,

Rəngsizdir onun.

Varmıdır şən notların?

Üzə təbəssüm

Qəlbə ümid gətirən

Varmıdır bir musiqin?

Mənim qismətimə də

Öyrətsənə birini?

Ömrümün notlarını

Yazan bəstəkarıma

Bildiyin şən səslərin

Söyləsənə sirrini?..

Pianist,

Barmaqların

Məni qəmli oxuyur.

Yaz notlara dərdimi

Mənə ümid bəstələ...

Didərgin arzuların

Vurma son akkordunu.

Nədənsə hiss edirəm

O ağ-qara notlar

İtkin şansım kimi

Otağıma dolub

Yenə həsrət qoxuyur.

Baxışım təzələyir

Durmadan

Yoxluğuna baxan

Anların rekordunu...

Pianist,

İfa et,

Mən də zümzümə edim

Buludlarla gözümün

Yarışını.

Qəbul et

Ruhumun bu son sifarişini...

Ordan bir not səsləndir,

Vur son akkordları

Qismətsiz bir sevgiyə...

Deyəsən bitdi mahnı,

Təşəkkürlər,

Durdu qəlbim kimi

Bitdi vüsal inamı...

Pianonun qapağını

Bağla,

Ömrümə endir!..

Mənim taleyim

Mənim taleyimdə yağışlı hava,

Hönkürər, çığırar dəli şimşəklər.

Əzər varlığımı soyuqluğuyla,

Ruhumu dağıdar azğın küləklər.

İçimdə bir ömrün xarabalığı,

Dağıntısı altda yetim bir ürək.

Sənin gücün yetməz bu viranədən,

Qoparıb atasan dərdimi tək-tək.

Mənim taleyimin od şimşəkləri,

Sənin qismətini dolaşa bilər.

Bu xəstə ruhumun sənsizlik dərdi ,

Qorxuram, sənə də bulaşa bilər.

Mənim taleyimdə payız var, qış var,

Yazına aldanma, yazı çox qısa.

Sevgini qalın gey, burda yox günəş,

Çəkin qismətimdən, donarsan yoxsa.

Qopar sahilindən əli dalğanın,

Mənim qasırğamdan yorulub dəniz.

Üzünü gizlədib ləpələrində,

Beləcə taleyim ağlayar sənsiz...

news-inner-user

12846 məqalə

Paylaş

Oxşar xəbərlər

Xəbər lenti

Mənim sevmədiyim futbol - Şərif Ağayarın yazısı
20:44 16 Oktyabr 2019
“Danışır Bakı: 1900-1940-cı illər” adlı sərgi açılıb
18:21 16 Oktyabr 2019
Şabanın oğlunun ata uğursuzluğu – “Hərəkət səkkiz” filminin pərdəarxası
17:44 16 Oktyabr 2019
Əmir Pəhləvanın 60 illiyi qeyd olunub
17:11 16 Oktyabr 2019
Sən günahkar deyilsən, Zeynəb – Yeni İmza
16:30 16 Oktyabr 2019
“Bir şeir” yarışmasının qaliblərinə mükafatlar təqdim olunacaq
15:53 16 Oktyabr 2019
Yarışmanın 10-luğu açıqlandı – Siyahı
14:38 16 Oktyabr 2019
Bakı Beynəlxalq Animasiya Festivalının proqramı bəlli oldu
14:01 16 Oktyabr 2019
Kukla Teatrında ustad dərsləri davam edir
13:21 16 Oktyabr 2019
Koko Şanel haqqında yeni film çəkildi
12:40 16 Oktyabr 2019
Akif İslamzadənin atasının intiharı
12:10 16 Oktyabr 2019
Yoldaşım bu yazını oxuyub dava salacaq
11:34 16 Oktyabr 2019
Azərbaycanlı yazarın Türkiyədə kitabı nəşr olundu
11:08 16 Oktyabr 2019
Özünü pəncərədən aşağı atacaqdı – Buker qalmaqalı
10:35 16 Oktyabr 2019
Salvador Dalinin əsəri oğurlanıb
10:02 16 Oktyabr 2019
Qadınlarla bir yerdə işləmək olmur – Günel Natiq yazır...
09:01 16 Oktyabr 2019
Filmlərimiz Seulda nümayiş olunacaq
18:44 15 Oktyabr 2019
Yarışmanın layk qalibi Sonuncu Orxan oldu
18:01 15 Oktyabr 2019
Cetonia Aurata Mənəm! – Şamxal Həsənovdan hekayə
17:30 15 Oktyabr 2019
Xalq Mahnıları Festivalı başa çatıb
16:39 15 Oktyabr 2019