[b]Hüseyn Cavid:[/b] İştə Novruz! Yetişdi fəsli-bahar

[b]Hüseyn Cavid:[/b] İştə Novruz! Yetişdi fəsli-bahar
20 mart 2018
# 09:50

Kulis.az bayram münasibəti ilə hamınızı təbrik edir və böyük ustad Hüseyn Cavidin “Novruz bayramı” şeirini təqdim edir.

İştə Novruz! Yetişdi fəsli-bahar.

Gəldi işrət zamanı, qardaşlar!

Nə gözəl bayram… Ah, nə xoş fürsət!

Sayılır əhli-zövqə bir nemət!..

Böylə şad gün düşərmi bir də ələ?

Keçirin beş gün ömrü ləzzət ilə.

Yalınız hanki evdə yas varsa,

Bir onun borcudur ki, tutsun əza.

Birinin ölsə qardaşı naçar,

Qara bayram tutar… Bir adət var.

Hər kimin yoxsa böylə bir üzri,

Eyşü nuş eyləsin o… yox zərəri.

Gərçi “əlmömünün üxüvvə” demiş

Əmri-peyğəmbəri hekayə imiş.

Cümlə qardaş, - deyir Rəsuli-xuda,

Hanki islamədir bu söz əcəba?

Bəlkə bir başqa xəlqədir bu xitab?

Nəyə lazım, canım, sıxıntı, əzab.

Bütün İranda, cümlə Balkanda,

Çırpınır qardaşın qızıl qanda!

İştə bir qətlgahə dönmüş yer!

Məhv olan yüz deyil ki! Yüz mindir.

Ana! Həmşirə! Ey nişanlı gəlin!

Siz də əsla sıxılmayın, sevinin.

Əzilib məhv olursa ailələr,

Sizə aid deyil bu qəmli xəbər.

Getsə iffət, kəsilsə əmcəklər,

Sevinin!.. İstəməz düşüncə, kədər.

Bütün aləm dağılsa, od tutsa,

Bizə lazımdır imdi zövqü səfa.

Bir müsəlman ki, onda qeyrət var.

Sevinir, kef edər, çalar, oynar.

Sevinin! Zurna, toy çalın, sevinin,

Nə gözəl bayram! Of, gülün, sevinin!

Dinə, namusa küsdünüzsə, gülün!

Sevinin, həp gülün!.. Nə nəşəli gün?!

# 2035 dəfə oxunub

Oxşar xəbərlər

"Yaslarda yemək verməkdən imtina etmək lazımdır" - İlham Əziz

"Yaslarda yemək verməkdən imtina etmək lazımdır" - İlham Əziz

18:39 15 iyul 2025
Fraqmentar təfəkkür - Nizami Bayramlı

Fraqmentar təfəkkür - Nizami Bayramlı

19:00 14 iyul 2025
"Manipulyasiya halları özünü çox gözlətmədi..." - Elnarə Akimova

"Manipulyasiya halları özünü çox gözlətmədi..." - Elnarə Akimova

10:00 13 iyul 2025
Nizaminin "Sirlər xəzinəsi"ndə  ölüm məqamları - Fərid Hüseyn

Nizaminin "Sirlər xəzinəsi"ndə ölüm məqamları - Fərid Hüseyn

09:00 11 iyul 2025
Cenifer Lopezin konsert turu başlanıb

Cenifer Lopezin konsert turu başlanıb

17:30 10 iyul 2025
"Bu hekayə qarpız alverçilərinin etdiyi söhbətləri xatırlatdı mənə" – MÜZAKİRƏ

"Bu hekayə qarpız alverçilərinin etdiyi söhbətləri xatırlatdı mənə" – MÜZAKİRƏ

15:03 9 iyul 2025
#
#
# # #