Fransalı heykəltəraş Elizabet Daynes Paleolit dövründə yaşamış bir qadının üzünü canlandırıb. Maqdalenalı Qız kimi tanınan skelet 1926-cı ildə Fransanın Dordon bölgəsində təsadüfən tapılıb.

Paleolit dövründən bizim dövrümüzə gəlib çıxan “ən salamat” insan skeleti olduğu üçün olduqca qiymətli hesab olunurdu. Skelet araşdırmalar aparmaq üçün Çikaqoya göndərilir.

Əvvəlcə çanaq sümükləri analiz edilərək qadın olduğu müəyyənləşdirilir. 18-20 yaş dişlərinin hələ əmələ gəlmədiyini görən araşdırmaçılar onun bu yaşlarda ola biləcəyini düşünürlər. Lakin skeletin dişlərinin basdırıldığı müəyyənləşdirildikdə qərara gəlirlər ki, Maqdalenalı Qızın yaşı 25-35 arasıdır.

2012-ci ildə bir qrup antropoloq Maqdalenalı Qızın zədə almış kəllə sümüyünü yenidən bərpa edirlər. Kələ sümüyü qazıntı zamanı zədələnmişdi.

İşlər tamamlandıqdan bir il sonra fransız heykəltəraş Elizabet Daynes onun üzünü düzəlmək qərarına gəlir. Daynes üz canlandırma mütəxəssisidir.

Maqdalenalı Qızın dərisini rəngi açıq, saçları mis rəngi, gözləri yaşıldır. Alimlər o dövrdə Dordon bölgəsində yaşamış insanların əsasən bu xüsusiyyətlərə malik olduğunu düşünürlər.

Maqdalenalı Qız Buz dövründən əvvəl yaşayıb. İti əhilləşdirən insanların müasiri olub. Böyük ehtimalla mamontları və qılınc dişli pələngləri (smilidonları) canlı görüb.

Heykəl Çikaqoda Field muzeyində nümayiş olunur.

• Azərbaycanlı rejissorun təhsil haqqının yubadılmasına aydınlıq gətirildi
• "Bacım haqqında həqiqətləri açıqlayacağam" - Şahzadə Diananın qardaşından yeni kitab
• "Həyat yoldaşınız üçün yaşayın..." - İsveçli yazıçıdan sitatlar