news-inner
clock09:00 calendar-gray 06 Mart 2017 view-gray178 dəfə oxunub
view-gray178 dəfə oxunub

Onlar hansı dahilərlə görüşmək istərdilər? - SORĞU

Hamımız hansısa dahi ilə görüşməyi arzulayar, onunla uzun-uzun söhbət etmək istəyərik. O dahiyə verəcəyimiz suallar da var. Bəs yazarlarımız hansı dahi ilə görüşmək arzusundadırlar? Ona verəcəkləri ilk sual nə olardı?

Kulis.azın bu barədə sorğusunu təqdim edirik.

Fikrət Qoca

- Mən mücərrəd işlərə baş qoşmuram. Heç bir dahi ilə görüşmək istəməzdim. Allah hamısına rəhmət eləsin! O biri dünyaya gedəndə orda onlara sual verərəm. Amma hələ ki, o suala hazır deyiləm.

Aqşin Yenisey

- İmaddədin Nəsimi ilə görüşüb eksklüziv bir müsahibə almaq istəyərdim və ilk sualım da yəqin ki, redaktorun tapşırığına uyğun bu olardı: “Dünyaya yenidən gəlsəydiniz şair olardınızmı?”

Nəriman Əbdürrəhmanlı

- Şəms Təbriziylə görüşmək istəyərdim. Dərhal da soruşardım ki, Ustad, adi bir fars mollasından Mövlananı necə yaratdın, bunun hikməti nədir?

Murad Köhnəqala

- Açığı, hansısa dahi ilə görüşmək barədə düşündüyüm yadıma gəlmir. Çünki xəyalpərvərliyin dalından çoxdan dəymişəm. Sizin sualdan sonra xeyli fikirləşdim. Baxdım ki, belə bir irreal imkan daxilində görüşmək istədiyim adamlar çoxdur. Məsələn, Diogen, Basyö, Nəsimi, Ömər Xəyyam, Hüqo, Volter, Dostoyevski, Puşkin, Janna Dark, Kurasava, Əziz Nesin, Mirzə Cəlil, Maykl Cekson, Brüs Li, Bertran Rassel... Amma söhbət yalnız bir nəfərdən gedirsə, indiki şəraitdə məni daha çox narahat edən problemlə bağlı Atatürklə görüşüb ona bu sualı verərdim: “Türkiyəni bu vəziyyətdən necə çıxarmaq olar?”

Xalid Kazımlı

- Markeslə görüşmək istəyərdim və ondan soruşardım ki, Santyaqo Nasarın əvəzinə öldürülməli olan yaramaz kim idi?

Aqşin Evrən

- Bütün zamanların ən nəhəngi Nizami Gəncəvi ilə görüşüb, ondan soruşardım ki, Şeyx, əgər həyat varsa və buradadırsa, bəs, yoxluğun nəhayətsiz varlığında həyat haradadır? İndi ağlımda olan budur. Amma, bəlkə də soruşardım ki, Şeyx, 21-ci əsrdən gəlmişəm, üst-başım tozludur, yorğunam, əl-üzümü harda yuya bilərəm?

Rəbiqə Nazimqızı

- Bütün suallar kimi buna da cavabım situativ olacaq, sabah dəyişə də bilər, hərçənd bütün həyatım boyu məni narahat edən suallar dəyişmir. Müqəddəslərlə görüşmək istərdim. Davudla, Yaqubla, Yusiflə, İsmayılla, İbrahimlə, Musayla, İsayla və əlbəttə Məhəmməd Peyğəmbərlə. "Necə bacardınız? Yaşamağı deyirəm. Necə oldu ki, ağrıları aşdınız, özünüzü aşdınız?". Təxminən bu motivdə olardı söhbətim: necə bağışlamalı? Adamları, həyatı, özünü. Əzab vermədən və əzab çəkmədən necə yaşamalı? Və istərdim mənə, kitablardan danışmasınlar. Bəlkə də, onları görsəm, heç bu suallara ehtiyac qalmayacaq, özüm anlayacam. Bilmirəm.

Kənan Hacı

- Həsən bəy Zərdabiylə görüşmək istərdim. Bir də Hacı Zeynalabdin Tağıyevlə. Onu da dahi hesab edirəm. Çünki çar Rusiyası dövründə Bakıda Qızlar Məktəbi açmışdı. Millətin kasıb balalarını öz hesabına oxudurdu. Ziyalılara qiymət verməyi bacarırdı. Onlara sual verərdim ki, bizə yol göstərin, daha neyləmək lazımdır ki, insanlar kitab oxusun və mesenatlıq ənənələrinin Azərbaycanda kökü kəsilib. 20 dəfə Həccə gedən adam bir acın qarnını doydurmağa can çəkir, bir istedadlı adamı himayəsinə götürmür. Niyə belədir? Xalqdan qazanılan pullar niyə xalqın dəyərli övladlarına xərclənmir?

Günel Natiq

- Mən Füzuli ilə görüşmək istərdim və ona sualım bu olardı ki, qəzəllərini ayrı-ayrı qadınlara həsr edib, ya həyatında ömür boyu sevdiyi bircə qadın olub?

Alpay Azər

- Məktəbdə oxuyanda, Şah İsmayılla görüşmək istəmişəm o dünyada. Belə baxanda, elə indi də görüşmək istərdim onunla, primitiv və sadəlövh səslənsə də ilk sualım belə olardı: “Necə oldu ki, o cür imperiya yarada bildin?”

news-inner-user

16146 məqalə

Oxşar xəbərlər

Xəbər lenti

Xurşudbanu Natəvana layihə həsr olundu - Video
12:20 15 Avqust 2020
Tanınmış bəstəkar koronavirus peyvəndinin sınaqlarında könüllü oldu
11:01 15 Avqust 2020
Məşhur gitara ifaçısı vəfat etdi
10:28 15 Avqust 2020
Bu filmə görə 400 nəfər işdən çıxarılacaqdı – Rejissorların boyun qaçırdığı Azərbyacan filmi
08:57 15 Avqust 2020
Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020