news-inner
clock18:00 calendar-gray 02 Mart 2017 view-gray419 dəfə oxunub
view-gray419 dəfə oxunub

Gətir sevgindən öpüm... – YENİ ŞEİRLƏR

Kulis.Az gənc şair Turan Kəpənək Bağdadovanın yeni şeirlərini təqdim edir.

***

Böyük bir dənizdə üzən məktub kimiyəm...

***

Ən gözəl həyat sənsən.
Qəlbini işə qarışdır.
Ən gözəl möcüzə sənsən.
Gözlərini köməyə çağır.
Nurlanan qəlbin nuru damarlarınla bədəninə yayacaq.
Ruhun işıqlanacaq.
Kainat səni hədiyyəsi kimi yenidən qəlbinə qəbul edəcək...

***

Gətir sevgindən öpüm...

***

Qadın bu dünyanın tanrının özündən ən çox hədiyyə verdiyi sakinidir.
Qadın digər canlılardan fərqlənir.
Bu fərqi yaradan sevgidir.
Onu isti, yaradıcı, rahatlıq gətirən, fədakar, qarşılıq gözləməyən, yumşaq, həlim, zərif, dərin, gözəl edən sevgidir.
Sevgiylə halələnmiş istənilən canlı dirilik suyuna bulaşmışdır.
Qadının rəngi, ətri, rayihəsi sevgidəndir.
Qadın Onun bu dünyaya göndərdiyi məktubdur, içində ən gözəl xəzinə - sevgi gizlədilmiş.
Bəlkə də dünya boşluqda itməsin deyə...
Qadın sevməyə səni tapacaq.
Sən olmasan sevgiylə bu dünyaya qonaq çağırdığı övladını sevəcək.
Övlad yoxdursa, bu dünyanı sevəcək.
Sevəcək, o, sevgiylə yoğrulub.
Ən azı tanrını sevəcək.
Onun tanrıdan hədiyyəsi var.
O, həyata səndən 1 qələbə öndə başlayır.
Sevgi rəngdir.
Həyatın rəngli tərəfidir qadın.
O, sevgisini ürəyində və əllərində o biri sahilə də aparacaq.
Yaranan, görünən və görünməyən hər şey tanrının sifətləridir.

Qadın tanrının ən isti sifətidir.
Qadın yaradılışa kömək edən varlıqdır.
O , sevgiyə sevgiylə xidmət edir.
O, yolda əlindən tutacaq.
Əllərin çirkli olsa da.
O, ürəyini sənin üçün işıq edəcək.
Sən kor olsan da.
O, sevgisini verdikcə, sevgisi çoxalacaq.
Çünki sevginin məbədidir qadın.
Sevgi məhv olmağa qoymur.

***

Qəlbinin ləzzətli rayihəsi qaranlığı yarır...

***

Xoşbəxtlik səhər oyanıb bütün kainata sevgi dolu salam göndərib, eyni sevgi cavabını alıb xoşbəxt bir sükutda ona qarışmaqdır...

***

Bu qədər məktub olar?!
Bir beyin dolusu məktubum var.
Ürəyimin cibləri məktub dolu.
Yuxularımdan məktub yağır.
Kirpiklərimdən məktub tökülür.
Bu qədər pay olar?!
Bir helikopter lazım mənə, kainata paylamam üçün...

***

Kainat böyük rəngli xalça kimi toxunur.
Kimsə oturub toxunuşlarda oynayır sanki.
Sonra qaldırıb baxır və gülümsəyir.
Aralarından sevgi süzülən rəsmdə özünü görür...

***

Əsrlərdir küsdüyümlə elə bir barışdım ki, cəhənnəmlərim cənnət oldu...

***

Qaranlıq yuxularda gözlərin ulduzlu-ulduzlu...

***

Yanında bol-bol susmaq olursa, əsl dostlasan deməkdir.

***

Musiqi ətri gəlir qəlbindən...

***

Bir yol yumağı daha vermə, ömür toxumağa...

***

Ürəyim tutqun.
Bir nağıl başlayacaq...
Qəlbində kədərin islanar.
Ruhum yaşlı, ömrünə sığmaz.
Ömrün qəfəsim olar.
Beşiyə qaytarma məni, qatarımı gözləyirəm.
Yollar tanıyır izlərimi, yorma yolları...

***

Kəpənək qurşağı ruhum...

***

Dünyada hərəkət edən nə varsa, sevgidəndir.
Sevgi-hərəkətdir.
Sevgi oynadır dünyanı yerindən.
Sevgi döndürür göydə olanları.
Sevgi varolma səbəbidir.
Olmamaq olmayacaq heç vaxt.
Sevgi susmayacaq.
Əbədiliyə məhkumuq.
Sevgiyə məhkumuq.
Xoşbəxtliyə məhkumuq.
Sabahlara məhkumuq.
Sevgisiz dayanıb çürüyərdi həyat.
Həyatın kod adı sevgidir.
Həyat böyük bir sevgi sükutunun ortasında cücərib baş qaldırır.
O özü yağır olduğu yerdən sevgi kimi.
Bitmir.
Yuxu kimi.
Xoşbəxtdir.
Bu sevginin xoşbəxtliyidir üstümüzə yağan.
Bu yuxunu anlayan xoşbəxtdir.
Elə Oyanan da.

***

Səni itirmərəm...
Dünya da qəlbimdən qopub getsə, itirmərəm.
Hədiyyəm elə gözəldir ki, bütün kainatı xoşbəxt edə bilərəm...
Elə bir sevgiyə bulaşmışam ki, ölüm belə silə bilməz.
Ətrini yuxularımda belə hiss edirəm.
Məktublarını əllərinin izindən tanıyıram.
Bu qəlb başqa yerə baxarmı?
Bu qəlbi dünyanın başı üstə şam kimi ehsan edəcəm, düşən kölgələrdə səni görsün deyə.
Qəlbim yandıqca həzin, titrək işığından yayılan ətrin dünyanın ruhunda əbədi qalacaq...

***

Ağacın bircə yarpağının rəqsindən belə həyat süzülür.
Hər gün Günəşdən eşitdikləri sevgi etiraflarıdır onları rəqs etdirən.
Hələ də həyatı axtarırsan?

***

Sənin ürəyindən yaranmışam mən.

***

Ulu bir kimsəsizlik içində bir dost hiss edirəm...

news-inner-user

18103 məqalə

Oxşar xəbərlər

Xəbər lenti

“Baku” jurnalı “Yandeks dzen” platformasında təqdim olunur
18:55 05 Mart 2021
Qadınlar Gününə həsr olunmuş sərgi keçiriləcək
18:01 05 Mart 2021
Qadına görə özünü yandıran məşhur meyxanaçı - Məşədibaba Elçini niyə öldürmüşdü? - Video
17:09 05 Mart 2021
“Oyaq gözəl” tamaşası onlayn nümayiş ediləcək
16:22 05 Mart 2021
Yanlış tanıdığımız Amerika – Cavid Ramazanov yazır
15:30 05 Mart 2021
Qodar kinodan gedir
14:40 05 Mart 2021
Türkiyəli yazıçı vəfat etdi
13:50 05 Mart 2021
Dahi şairin çap olunmamış şeiri tapıldı
13:01 05 Mart 2021
Ona qarşı “vnimatelni” olmadılar - Yaşar Nurinin fəxri ada həsrət qalan atası - Maraqlı faktlar
12:30 05 Mart 2021
Nənəsi şal örtən, qızı şort geyinən dostum – Şərif Ağayar yazır...
11:44 05 Mart 2021
Lal deyil, amma ömrü boyu danışmır...
11:01 05 Mart 2021
Berlin Film Festivalında Azərbaycan düzəlişi
10:14 05 Mart 2021
Erməni generalını boğan şəhid haqqında roman - İlk hissə
09:00 05 Mart 2021
Acından kirpikləri tökülən, evlənməkdən qorxan, mənzilində yiyəsiz ölən Əməkdar artist
21:00 04 Mart 2021
O, ölümə qaçdığının fərqində deyildi – Cavanşir Yusifli yazır…
18:11 04 Mart 2021
İsa peyğəmbər öldürülməyib: Bunu Quran da təsdiq edir
17:34 04 Mart 2021
Xalça Muzeyi fəaliyyətini dayandırır
16:47 04 Mart 2021
Milli Dram Teatrının mart repertuarı
16:08 04 Mart 2021
Tağıyevin gənc arvadının soyadını götürdü, Nağıyev evini əlindən aldı, bığını qırxdığı üçün nəsli ilə düşmən oldu - Ərəblinskini kim güllələyib?
15:02 04 Mart 2021
Cavanşir Məmmədovun çırtması, pampersli quzu
13:10 04 Mart 2021