Amerika film Akademiyası, digər adıyla Oskar Akademiyası, film mükafatlarını verildiyi 89 illik həyatında ən böyük qalmaqala görə üzr istəyib və baş verənləri izah edib.

Bu haqda Oskar Akademiyası açıqlama yayıb.

Fevralın 26-sı axşamı Oskar Akademiyası Oskar mükafatlarının təqdimetmə mərasimində "Ən yaxşı film" nominasiyasında mükafatı seçilmiş film "Moonlight" (Ay işığı) əvəzində "La La Land" filminə verib. Bu yanlış az sonra düzəldilsə də böyük qalmaqal yaranıb və Oskar Akademiyası bir neçə gün sonra buna görə üzr istəyib.

Akademiya yaydığı açıqlamada səhvə görə dərindən mütəəssir olduqlarını bildirib. ""La La Land" və "Moonlight" (Ay işığı) filmlərinin yaradıcı heyətlərindən, Faye Dunaway və Warren Beatty'dən və dünya boyu bizim təqdimetmə mərasimini televiziya başında izləyən tamaşaçılardan üzr istəyirik" - deyə məktubda bildirilir.

83 ildir Oskar mükafatlarının səsverməsini və təqdimetmə mərasimini təşkil edən PricewaterhouseCoopers (PwC) da yaydığı açıqlamada baş verənlərin əməkdaşların səhvi ucbatından olduğunu bildirərək üzr istəyib.

Əslində nə baş vermişdi...

Fevralın 28-i Los-Anceles şəhərində 89-cu Oskar Mükafatı təqdimetmə mərasimində "İlin ən yaxşı filmi"ni elan etmək üçün səhnəyə iki aktyor Warren Beatty və aktrisa Faye Dunaway dəvət olunub. Warren Beatty'yə səhv zərf verildiyi üçün o zərfdə yazılanı oxumazdan əvvəl bir az tərəddüd edib, zərfdə ən yaxşı qadın aktrisa "La La Land" filmindən Emma Stone yazılmışdı. Ancaq Faye Dunaway bunun həm də "Ən yaxşı film" nominasiyasında seçilən filmin "La La Land" olduğunu düşünərək beləcə də elan etmişdi. Filimin yaradıcı heyəti minnətdarlıq çıxışını etmək üçün səhnəyə gələndən az sonra "Ən yaxşı film" nominasiyasında seçilən filmin əslində "Moonlight" olduğu aydınlaşıb./azadliq.org/

• "Tanıya bilmərəm tənhalığın rəngini..." - Yunan Nobel mükafatçısından şeirlər
• Milli Kitabxanada Beynəlxalq Sülh Gününə həsr olunan kitab sərgisi açıldı
• Səhnədə üsyan, mağazada moda – Qranj necə özünə xəyanət etdi?