Venesiya festivalı açıldı

Kino

Ana səhifə
Kino

Venesiya festivalı açıldı - AYRINTILAR

2 sentyabr 2011

11:26

Bu günlərdə İtaliyda 68-ci beynəlxalq Venesiya festivalının açılışı olub. Kulis.az-ın France-Presse agnetliyinə istinadən verdiyi xəbərə görə, festivalın tarixində ilk dəfə olaraq birdən-birə iki film nümayiş olunub.

Festivalı Corc Kluninin əsas proqrama daxil olan “The Ides of March” siyasi dramı açıb. Süjetin əsasında Amerikada prezident seçkiləri dayanır. Kluni filmdə həm də baş rollardan birini ifa edir.
Qeyd edək ki, bir çox kino mütəxəssisləri filmin kommersiya xarakterli olması səbəbindən onun festivala qəbul olunmasını düz hesab etmir.

Sonra isə rus rejissoru Viktor Kosakovskinin “Yaşasın antipodlar” sənədli lenti göstərilib.
Əsas proqram çərçivəsində 22 film təqdim olunacaq. Onların arasında məşhur rejissorlar A.Sokurovun, R.Polanskinin, D.Kronenberqin, F.Harrelin ekran işləri var.

Amma rejissor R.Polanski 30 il əvvəl törətdiyi seksual zorakılığa görə beynəlxalq axtarışda olduğundan festivala qatıla bilməyəcək. Onun bir çox Avropa ölkələrinə, həmçinin İtaliyaya girişi qadağandır.

Jürinin sədri 2008-ci ildə Venesyada “The Wrestler” dramına görə “Qızıl Şir” alan Darren Aranofskidir.

Rəna Nevzat