news-inner
clock15:28 calendar-gray 13 Fevral 2017 view-gray559 dəfə oxunub
view-gray559 dəfə oxunub

Danışmaq ən böyük səhvidir insanlığın - Ulucay Akifdən YENİ ŞEİRLƏR

Kulis.Az gənc şair Ulucay Akifin şeirlərini təqdim edir.

A-LE-LUU-YAAA...

Bir qız addımlayır
Bakının küçələrində...
Boyu balaca,
Ümidlərisə böyük bir qız...

Bir qız addımlayır
Bakının küçələrində...
Heç kəsi dinləmədən,
Ətrafa boylanmadan,
Buludları seyr edərək...

Qonur saçlarına qar dənələri,
üşümür, üzündə saf bir təbəssüm.
Açır əllərini, açır səmaya,
Ovcuna göylərdən xoşbəxtlik düşür.

Bir qız addımlayır,
həm də qorxmadan
O qızçün bu dünya şirin bir röya
Sakitcə bir mahnı zümzümə edir


Aleluuyaaaa!
Aleluuuuyaaaaaa!

Beatriçe...

Biz kiçik dərdlərdən xilas olub,

Böyük bəlalara düşəcəyimizi bilsək,

yəqin, böyüməzdik,

Böyüməzdik, Beatriçe...

90-cı illərin toz-dumanı

hələ də ciyərimizdədir,

ciyərimizdədir, Beatriçe...


Sənin çiynində ağ göyərçin,

saçlarında sünbül,

bizimsə bir ayağımız

hələ də cəbhədədir,

ayağını müharibədə itirmiş yaşlı veteran kimi.


İldırım dünyanı döyəcləyən kimi

döyəcləyir başımızı o qocanın əsası.

Qulağımızda orta əsr cəngavərlərinin

qılınclarının cingiltisi...

Xaç yürüşlərinə işarəydi,

Küçə itlərinin zingiltisi.

İndi "hər şey yaxşı olacaq" cümləsidir

təsəllilərin ən pisi.

Çünki biz böyümüşük,

böyümüşük, Beatriçe...


Qoca palıdın üstündə oturan

yaşlı qarğa qarıldayır:

"Hər kəs ölür, ancaq hamı yaşamır"

Hər kəs ölür, ancaq hamı yaşamır, Beatriçe...

Hə, Beatriçe...

İndi mən də ölməkdən yox,

Yaşamamaqdan qorxuram.

Yaşamamaqdan.

Depressiya qurbanı

Kaş,
37-də yaşayardım.
Müşfiq kimi,
qurban olardım
repressiyaya...
Təki görməzdim
Üçüncü minilliyi,
Düşməzdim depressiyaya.

Kaş,
Qandallayıb qollarımı,
Çatmamış
Otuz yaşıma,
Bir güllə sıxardılar başıma,
"Atəş!" əmrindən sonra,
Nargin adasında.

***

Uşağam,
Balaca uşaq.
Ona görə bu qədər
səliqəsizdir misralarım,
sözlərimsə bu qədər uzaq.

Sus...
Danışmaq
Ən böyük səhvidir insanlığın.
Bacarsan
Gözlərimdən kədəri sil,
Əllərimdən ayrılığı.

Arzularım
Uçmağı unudub.
Ümidlərimsə iməkləyir.
Bacarsan
Ürəyimdən ağrıları sil
Beynimdən də təkliyi...

Uşağam,
Balaca uşaq.
Ona görə bu qədər
səliqəsizdir misralarım,
sözlərimsə bu qədər uzaq.

Qapılar

Əvvəl hasarlar ucaltdıq,

evlərin,

həyətlərin,

şəhərlərin,

ölkələrin arasında.

Sonra hasarları keçmək üçün

çıxış yolu tapmış kimi,

qapıları yaratdıq,

evlərin,

həyətlərin,

şəhərlərin,

ölkələrin arasında.

Qəddarlıq etdik biz,

Özümüzü hasara aldıq.

Və heç zaman anlamadıq ki,

Qapının hansı tərəfində dursaq da,

Hər zaman arxasında qalırıq.

Elə də olur, belə də...

Dərd eləmə,

Elə də olur, belə də...

İmzaladığımız sənəd yox,

nə də sövdələşdiyimiz bir kəs.

Elə də olur, belə də...

“Getmərəm” deyənlərdən ayrılığı,

“Gələrəm” deyənlərdən gözləməyi

Öyrənirsən vaxt keçdikcə...

Həyatdı da, fikir vermə...

Elə də olur, belə də,

Bunlara da öyrəşirsən...

Amma bir ümid olur həmişə,

bir ümid sabaha, bir ümid Günəşə.

Çox ümid bağlama ümidə də,

çünki... elə də olur, belə də...

news-inner-user
Ulucay Akif

107 məqalə

Oxşar xəbərlər

Xəbər lenti

Biz tərəflər – Şərif Ağayardan hekayə
16:30 31 İyul 2021
"Memati" yeni serialda rol alacaq
15:00 31 İyul 2021
Aydın Xırdalanlı ölüm anında hansı videoya baxıb – Maraqlı Faktlar
13:30 31 İyul 2021
ADU-da Pakistan Mədəniyyət Mərkəzinin açılışı olub
12:52 31 İyul 2021
Flora Kərimova "Şərəf" ordeni ilə təltif olundu
11:48 31 İyul 2021
Ayaz Salayev: "O Ittifaqın başında bizə yaraşmayan insan dayanıb" - Müsahibə
11:33 31 İyul 2021
Tünzalə Ağayeva Türkiyəyə yardım göndərdi
10:26 31 İyul 2021
Ən başıbəlalı mahnımız: Onu Fatimeyi-Zəhraya, Şah İsmayıla və Cəfər Cabbarlıya nə bağlayır?
09:02 31 İyul 2021
Facebookda tənha insanları necə tanımaq olar?
21:00 30 İyul 2021
Ssenaristlər üçün Yay Məktəbi təşkil olunur
19:00 30 İyul 2021
Şəhidlərə həsr olunmuş kitab işıq üzü görüb
18:05 30 İyul 2021
Ürək dil acır ki, sönməmiş odum - Səməd Vurğundan şeir çələngi
17:30 30 İyul 2021
Qısa hekayə: Yanğın
16:23 30 İyul 2021
Hüquqşünas teatra rəhbər gəldi
15:30 30 İyul 2021
Xalqı efirdən partizan hərəkatına çağıran Xalq artisti - O, İlhamə Quliyeva ilə eşq yaşamışdımı?
14:26 30 İyul 2021
Türkiyə evimizdir - evimiz yanır
13:51 30 İyul 2021
Rejissorumuz beynəlxalq festivalda jüri sədri oldu
13:06 30 İyul 2021
İçimizi yanır! – Türk sənətçilərin yanğın harayı
12:20 30 İyul 2021
Yazıçımız Beynəlxalq ədəbiyyat festivalında qalib gəldi
11:41 30 İyul 2021
Ssenarimiz Ukraynada ən yüksək balı topladı
11:05 30 İyul 2021