Kulis.az gənc şair Tural Turanın yeni şeirlərini təqdim edir.
Bir də var, həyasızca utanmaq
Gözlərin qolumdakı saatdan
On-on beş dəqiqə qabağa qaçır həmişə.
Hər gün doqquzun yarısı qarşılaşırıq metroda,
amma gözlərinin ürkək-ürkək sola zillənişi
Doqquza on beş qalmışı göstərir nədənsə.
Nə tərsdəndir, nə də tərslikdən, iti bucaq…
Göz qapağını təmiz aç, gözlərindən 10:10-u oxuyum
İkiəlli qucaqla məni…
Gözündəki duvağı aç, qarşıla ocaqla məni.
Bilirsən, utanmaq da gizli bir təşkilatdır,
Sirr verməz…
Çözülməz bir güllə atmadan
Şuşanı təslim etmək kimi gələr elələrinə.
İntihar etmək istəyərsiniz,
Sizi qürurlu düşünənlərə görə:
Amma tapançanızın barabanında
özünüzlə rus ruleti oynamağa
bir mərmi belə keçirməyi unudarsınız.
Bir də var, həyasızca utanmaq;
Məsələn, əla seks partnyorusunuz,
Üç-beş yoldaşınızın yanında
bunu qızara-qızara danışarsınız.
Belələrinin şevronunda
“dəniz pişikləri üçün” yazılır…
Sən də mənim kimisən, bilirəm,
Vaz keçdim bunları sənə yazmaqdan, silirəm…
İkinci çillə, 2017. Bakı
Tüstü salamı
Hər
bir gilə siqaret
ocağı, odu sönmüşlərdən
Tanrıya salam dolu tüstü,
Buğlu-buğlu, sac üstü...
...və bir ismarış:
“Məndən özünü istə tanrı,
Çıxarım içimdən verim.”
Bu nə üsyan, nə də devrim;
İmtahan öncəsi bir udumluq rüşvət –
Yerindəcə, isti-isti.
Tanrı, demə ki, sən də
Uşaqların anası kimi
siqaretin sonunu gözləyirsən.
Hər nə qədər yox desən də.
Öz aramızdı,
son qullabda şirin olur salamımız.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər