Kulis.az gənc şair Əlvin Bakiroğlunun yəni şəirlərini təqdim ədir.
1.
burda soyuqlar çevrilir mətnə
yağışlar tərcümə olunur şeirə
köhnə bir dostun yazdığı yeni şeir bağlayır insanı həyata
bir də doğulmamış körpələrin gülüşü
burda bir ömür yaşayır başqa bir ömrün tərkibində
bir qızın üzü solur bir oğlanın cibində
hər gecə düşünür ki
neçə şəkil çürüyəcək bu səvgi albomunda
bir də onun adını hansı qız yazar görən çılpaq ayaqlarıyla bir dənizin qumunda
niyə bir sevgi ömrü bir insanın ömründən daha uzun olurmuş
niyə ən böyük arzun elə arzun olurmuş
ancaq arzun olurmuş
hansı daha ağırdı
insan kimi unudulmaq yoxsa şair kimi
bir ürəyi öz evin bilib yaşamaqmı ya
öz evindən qovulmaqmı üzsüz müsafir kimi
hələ bu harasıdı
burda xatirələr əlil arabasıdı
birtəhər yaşayırsan bir tərəfindən tutub
adını deyə bilməsən də
ürəyində öpürsən baş hərfindən tutub
burda bir adam var
adını sayıqlayar deyə hamıdan sonra yatır
2.
məni tutan gic gülmək də
bir gün buraxdı getdi
hamı üçün darıxırdım
hamı darıxdı gətdi
dişimlə çəkdiyim qatarı
sürüb apardılar
bu adamlar hamısı
hamısı qatardılar
olan qalan səvgimi də
hər kəsdən qorumuşam
it kimi islanmışam
çöp kimi qurumuşam
məndə ağac qalmayıb
ta qovrulub yanası
saçları duman
gözləri odun sobası
kimsə bilmir bu mənim
ən səvimli ağrımdı
bir bədəndə
kütləvi soyqırımdı
mən elə sevirəm ki
orda sevgi xırdadı
sevgi balaca hissdi
sevgi ən axırdadı
mən sevgidən yuxarı
hisslə sevirəm səni
həm səvgini səvirəm
həm səni
3.
tapmasam da hələ xeyir
ürəyimdən bir hiss deyir
sənə yazdığım bu şeir
sənin xoşuna gələcək.
bilməzdim belə olacaq
mən ayrıyam sənsə uzaq
dünən səni sevən uşaq
otuz yaşına gələcək
dərd quşdu hər kəsə uçur
sənə də dəyər bir ucu
nə gülürsən ay oxucu
gülmə başına gələcək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər