news-inner
clock11:08 calendar-gray 05 Yanvar 2017 view-gray249 dəfə oxunub
view-gray249 dəfə oxunub

Dəysin başınıza on, on beş manat – Məmməd İsmayılın yeni şeiri

Şair Məmməd İsmayıl özünün Facebook səhifəsində “Qan pulu” adlı yeni şeirini paylaşıb. Kulis.az həmin şeiri təqdim edir.

Yaşyarımımdan, atamı müharibədə itirəndən 16 yaşıma qədər adıma hər ay bir miqdar pul gəlirdi, dövlət o pula nə ad vermişdi, bilmirəm, amma el arasında amansız bir adı vardı: Qan pulu!

Pulun hər ay başı gələrdi, ata
Özünün yerinə pulun gələrdi.
Bir ömür bədəlmi, beş-on manata
Səni gözləyərdik, yolun gələrdi.

Biz piyada idik, xoşbəxtlik atlı
Piyada atlıyla baş edərdimi?
Əlimizə keçən beş-on manatdı
Bir canın bədəli bu qədərdimi?

Dil deyib ötərdim hər şeyə inad
Çəksəm də qəhrini dərdin, azarın:
Dəysin başınıza on, on beş manat
Siz mənə atamı geri qaytarın…

Başıma gəlməzdi qəlbimə daman
Dünya bazarında bu nə qumardı.
Qansızlar var idi, ata, o zaman
Sənin qan pulundan qazanc umardı.

Arada Hitleri söyərdi anam,
Bəlli ki, yığvalı yana dönürdü.
Ruzun qana dönsün deyərdi anam
Beləcə can pulun qana dönürdü.

Yollarda arzuya çatmaq qalırdı
Bəxtin arxasınca qaçdım, yüyürdüm.
Pulun azaldıqca dərd çoxalırdı
Dərdin çoxaldıqca mən böyüyürdüm.

...Elə ki, güc verər dərd sarı simə
Tutaram ucundan yolçusuz yolun:
Yetim uşaqlığım gələr fikrimə
Bir də ki, bir də ki, sənin qan pulun...

Çanaqqala-Ankara yolu


04.01.2017

news-inner-user

18048 məqalə

Oxşar xəbərlər

Xəbər lenti

Karvan dayandı - Ənvər Məmmədxanlının hekayəsi
16:47 27 Fevral 2021
Azərbaycanlı rəssamın əsəri Türkiyə Prezidentinə hədiyyə edildi - Foto
15:31 27 Fevral 2021
Azərbaycan yazıçıları Sankt-Peterburqun nüfuzlu ədəbiyyat müsabiqəsində - İlk dəfə
14:16 27 Fevral 2021
Məşhur klarnetçiyə ağır itki
13:04 27 Fevral 2021
Özünü efirə satmaq istəyən Xatirə İslam
12:30 27 Fevral 2021
Yazıçımızın Fransada romanı çıxdı
11:29 27 Fevral 2021
"Washington Post" Azərbaycan mətbəxindən yazdı
10:32 27 Fevral 2021
Cəfər Cabbarlı bu filmdə nəyə etiraz edirdi? – “Sevil”in kadrarxası
09:00 27 Fevral 2021
Çağırdım bir qadını qızlıq familyasıyla - Akif Əhmədgildən şeirlər
21:00 26 Fevral 2021
Rübabə Muradovanın qızı vəfat etdi
18:12 26 Fevral 2021
Rəmişdən xəbər var
18:07 26 Fevral 2021
Xocalı soyqırımına həsr olunmuş sərgi keçirildi
17:46 26 Fevral 2021
Bu filmlərə ağlamadan baxmaq olmur - Siyahı
17:01 26 Fevral 2021
58 illik türmə muzeyə çevrildi - Foto
16:21 26 Fevral 2021
Qadın obrazı olmayan əsər
15:40 26 Fevral 2021
Sevgilisi damarlarını doğradı, xanımı ona görə intihar etdi – Azərbaycanlı yazıçının film kimi həyatı
15:00 26 Fevral 2021
Xocalıdan olan yazıçının faciə ilə bağlı hekayəsi - Mətn
14:10 26 Fevral 2021
Okan Bayülgen həbs olunur
13:25 26 Fevral 2021
"Xocalı fəryadı" kompozisiyası təqdim olunacaq
12:37 26 Fevral 2021
Baş qərargah rəisi Xocalıdan yazan jurnalisti niyə güllələmək istədi? – Faciənin gizlinləri
12:10 26 Fevral 2021