Kulis.Az #bumənimhekayəm müsabiqəsində ikinci yerin sahibi Hacıağa Əliyevlə müsahibəni təqdim edir.

- Deyəsən, yazdığın ilk hekayə idi... Ümumiyyətlə, davam edəcəksənmi yazmağa? Yoxsa bu sadəcə müsabiqə üçün yazılmış hekayə idi?

- Çox yazılarım var, davamlı yazacam, bu da Niyazi həkimin (atası – red.) başına gəlmiş hadisə idi. Sadəcə mən sırf Kulis.az üçün yazıram. Kulis.aza görə qoşulmuşdum ki, ədaləti göstərək insanlara, o da sayələrində elə hekayələrdə qaldı, reallığa keçid edə bilmədilər. Nə Gülüstanı, Nə Mustafası, Nə də Gitaristi...

- Birinci yeri tutan hekayəsi haqqında nə düşünürsən?

- Tolga Örnekin filmində belə bir sitat var idi: “Dostum, biz prensip olarak düşünmüyoruz.”

- Müsabiqənin laykla keçirilməsinə münasibətin necədir?

- Bir var səhifənin aktivliyi üçün özümüz cibimizdən pul verək, bir də var hekayə müsabiqəsi ilə Markın cibini dolduraq. Əla fikirdir.

- Hekayənin plagiat olmağı ilə bağlı iddialar vardı. Bu haqda nə deyə bilərsən?

- Fantom ağrılarla bağlı dünyada 250 kitab, məqalə mövcuddur. Mən Qarabağ müharibəsindəki fantom ağrılarla bağlı olmuş hadisəni yazdım.

- Müsabiqədə səni narahat edən hansı məqamlar vardı?

- Bot qoşulmaq var idi, o da çox narahat etmədi. Lakin, botla bağlı da siz açıqlama verməmişdiniz əvvəlcədən. Bunu da sizə qarşı istifadə eləmək olardı.

- Hansı hekayələrin üçlükdə yer almağını istəyərdin?

- Seçim etmək fikrim yoxdur, çoxu tanış idi.

- Çap olunan digər hekayələrdən hansıları bəyəndin?

- Bu ölkədə Rafiq Tağıdan başqa heç kimin hekayəsini sevmirəm, ona görə də seçim etməyəcəm.

• Barokko klassisizminin ustası - O, niyə qadınlardan qorxurdu?
• Dilə gətirilməyən Əmin Abid həqiqəti - Niyə onun adını çəkməyə qorxurdular?
• Zərifə Salahova: "O şikayət məktubundan sonra atamı güllələdilər" - Müsahibə