news-inner
clock14:19 calendar-gray 30 Dekabr 2016 view-gray369 dəfə oxunub
view-gray369 dəfə oxunub

Ağdan başqa bütün rənglər yalandı – Şəhriyardan YENİ İL ŞEİRİ

Kulis.az şair Şəhriyar del Geraninin “Yeni ilə ithaf şeiri”bi təqdim edir.


Nə olsun ki, bizim evə şaxta baba gəlmədi?
Nə olsun ki, sevgilim başqasıyla kefdədi?
Nə olsun uşaqlarım hələ doğulmayıblar?
Oturub məktub yazıram
doğulacaq uşaqlarımın adından
uzaq Laplandiyaya:
(bir az ucadan oxu)
“Şaxta baba şaxtacan,
hardasan bu vaxtacan,
bizə gəlsən qapını döymə,
atam evdə təkdi,
yəni təxminən - Yoxdu”...

Ağdan başqa bütün rənglər yalandı,
Qardan başqa yalandı ömrümüzdə
olan hər şey - bu qışda.
Bir azdan on ikini keçəcək saat,
heç nə dəyişməyəcək.
Adamlar bir az da böyüyəcək
bu aldanışla.
Bağışla Şaxta baba, bağışla,
bizim evdə sənə inanacaq bir kimsə yoxdu...

Niyə belə ucadandı gecənin səssizliyi?
Allaha da arzulamam bunca kimsəsizliyi.
Eh! Bu saxta kədərin göz yaşın sss...ilim!
Böyüklərdə heç nə həqiqi deyil.
Bu dünyada həqiqi olan bir Günəşdi,
bir də körpə gülüşləri...

Niyə mənə elə gəlir, Şaxta Baba,
illər öncə gizlənqaç oyununda
gözlərini yumub onacan sayan bütün uşaqlar mənəm?
Və gözlərini açıb heç kimi tapmayanam...

Niyə mənə elə gəlir, Şaxta Baba,
hamının gedənləri bir az da məndən gedib?
Və gözlərini ovuşdurub hamının əvəzinə ağlayanam...

Bizə “gəlmə”, Şaxta Baba, bizə “gəlmə”
Sənin Qar Qızın rolunda olan aktrisalar qədər
bədbəxtdi qadınlarımız, bilirik.

Bizə gəlmə, Şaxta Baba,
bizə gəlmə.
O evdə tək olan, yəni, təxminən yox olan Ata mənəm.

İndi hardasa bir qadın da baş-başa qalıb xoruz kuklasıyla,

Mən də götürüb badəmi toqquşdururam şərab butulkasıyla:
- Hamının sağlığına!

news-inner-user

18061 məqalə

Oxşar xəbərlər

Xəbər lenti

Mərhum şairin miras vəsiyyəti məhkəməlik oldu
18:56 01 Mart 2021
Türkiyə ilə mədəni əməkdaşlıq sənədləri imzalandı
18:21 01 Mart 2021
Tovstonoqovun kitabı ilk dəfə Azərbaycan dilində
17:49 01 Mart 2021
Hamı Onun axtarışındadır – Nizamidən yeni tərcümə - Mətn
17:01 01 Mart 2021
Mən səni sevəndən ikicanlıyam - Gənc şairdən yeni şeirlər
16:15 01 Mart 2021
Ölkəmiz xeyriyyə festivalında
15:29 01 Mart 2021
İki dəfə oğlu ilə sürgün olundu, ac qalmamaq üçün şahın qızıl saatını satdı, oxuya-oxuya öldü – Əməkdar artistin dram dolu həyatı
14:41 01 Mart 2021
Azərbaycanda yeni muzeyin açılışı oldu - Dünyada ilk dəfə
13:54 01 Mart 2021
Azərbaycan-Türkiyə Mədəniyyət üzrə Birgə Komissiyanın iclası keçirildi
13:06 01 Mart 2021
Gözəlliyinə görə vəzifəyə gedən qadınlar
12:17 01 Mart 2021
Sosial şəbəkələrdəki duyğu mazoxistləri
11:45 01 Mart 2021
"Qızıl Qlobus"un sahibləri bəlli oldu - Fotolar
11:20 01 Mart 2021
Azərbaycanlı yazıçı anasından roman yazdı
11:06 01 Mart 2021
Mədəniyyət naziri Türkiyəyə gedib
09:59 01 Mart 2021
Ürək cərrahı Rəşad Mahmudov: “Şairlərin ürəyi fərqli deyil” – Müsahibə
09:00 01 Mart 2021
Həkimlərin əməliyyat masasında qoyub qaçdığı Nəzakət Məmmədova: Əri onu hər gün döyürdü
12:37 28 Fevral 2021
Karvan dayandı - Ənvər Məmmədxanlının hekayəsi
16:47 27 Fevral 2021
Azərbaycanlı rəssamın əsəri Türkiyə Prezidentinə hədiyyə edildi - Foto
15:31 27 Fevral 2021
Azərbaycan yazıçıları Sankt-Peterburqun nüfuzlu ədəbiyyat müsabiqəsində - İlk dəfə
14:16 27 Fevral 2021
Məşhur klarnetçiyə ağır itki
13:04 27 Fevral 2021