news-inner
clock12:13 calendar-gray 29 Dekabr 2016 view-gray220 dəfə oxunub
view-gray220 dəfə oxunub

Kukla Teatrının 85 illiyi qeyd olunub

Dekabrın 28-də A.Şaiq adına Azərbaycan Dövlət Kukla Teatrının yaranmasının 85 illiyi münasibətilə təntənəli tədbir keçirilib. AZƏRTACxəbər verir ki, Mədəniyyət və Turizm Nazirliyi və Azərbaycan Teatr Xadimləri İttifaqının təşkilatçılığı ilə baş tutan tədbirdə teatrın keçdiyi zəngin sənət yoluna nəzər salınıb.

Tədbirdə mədəniyyət və turizm naziri Əbülfəs Qarayev çıxış edərək bütün yaradıcı heyəti təbrik edib və teatrın keçdiyi tarixi yoldan, qazandığı uğurlardan və gələcək planlarından söhbət açıb.

Bildirilib ki, zəngin kukla teatrı ənənəmizin davamçısı olan Azərbaycan Dövlət Kukla Teatrının əsası 1931-ci ildə Molla Ağa Bəbirli tərəfindən qoyulub. Bu sənət ocağı müxtəlif illərdə müstəqil teatr kimi, müəyyən dövrlərdə isə Azərbaycan Gənc Tamaşaçılar Teatrı və Azərbaycan Dövlət Filarmoniyasının nəzdində fəaliyyət göstərib. Azərbaycan və rus dillərində tamaşalar təqdim edən teatra 1964-cü il aprelin 15-də dövlət statusu verilib.1975-ci ildən teatrda böyüklər üçün də tamaşalar göstərilir.

Yarandığı gündən bu günədək teatrda yüzlərlə tamaşa hazırlanıb. Teatrın kollektivi müxtəlif illərdə Rusiya, Hindistan, Yəmən, İran İslam Respublikası, Türkiyə, Hollandiya, Türkmənistan, Gürcüstan, Yunanıstan, Misir, Mərakeş, İtaliya, Finlandiya kimi ölkələrdə keçirilən beynəlxalq teatr festivallarında ölkəmizi layiqincə təmsil edərək mükafatlarla təltif olunub.

Kukla Teatrının daim axtarışda olan və peşəkar kollektivə malik mədəniyyət ocağı olduğunu söyləyən nazir deyib: “Bu teatrın əsas məqsədi uşaqlarda teatra sevgi və məhəbbət oyatmaqdır. Mədəniyyət ocağının vəzifəsi həm də ondan ibarətdir ki, Azərbaycanın tarixini, ədəbiyyatını, nağıllarını yaşatsın və təbliğ etsin”.

“Azərbaycan teatrı 2009-2019-cu illərdə” Dövlət Proqramı çərçivəsində reallaşan layihələrdən söz açan Ə.Qarayev vurğulayıb ki, proqrama əsasən ilk olaraq Kukla Teatrının binası əsaslı təmir olunub və burada yaradıcı kollektivin hərtərəfli inkişafı üçün yüksək səviyyədə lazımi şərait yaradılıb.

Nazir Azərbaycan Dövlət Kukla Teatrının təşəbbüsü ilə Bakıda keçirilən beynəlxalq kukla teatr festivallarının əhəmiyyətini yüksək qiymətləndirib və dünyada bu festivala böyük maraq yarandığını söyləyib.

Əbülfəs Qarayev fürsətdən istifadə edərək bu gün yaranmasının 30 illiyini qeyd edən Gəncə Dövlət Kukla Teatrının da kollektivini təbrik edib.

Sonra A.Şaiq adına Azərbaycan Dövlət Kukla Teatrının əməkdaşlarına nazirliyin “Fəxri mədəniyyət işçisi” döş nişanı və Fəxri fərmanları təqdim olunub.

Azərbaycan Teatr Xadimləri İttifaqının sədri, Xalq Artisti Azərpaşa Nemət Kukla Teatrının Azərbaycan teatr məkanındakı mövqeyindən danışıb, kollektivə işlərində uğurlar arzulayıb.

A.Nemət bildirib ki, ilk dəfə Azərbaycan teatr tarixində xarici qastrol səfərlərinə Kukla Teatrı gedib. Bu teatrın bazası əsasında Gəncə, Salyan və Qaxda kukla teatrları yaradılıb.

Sonra Kukla Teatrının əməkdaşlarına Teatr Xadimləri İttifaqının Fəxri fərmanları təqdim olunub.

Yubiley mərasimi teatrın repertuarında yer alan tamaşalardan ibarət “Konsert-tamaşa - 85” adlı proqramla davam edib.

news-inner-user

18736 məqalə

Oxşar xəbərlər

Xəbər lenti

Anar Şuşadan danışdı: “Dostluq, qardaşlıq mesajları verilirdi” - Fotolar
12:01 16 May 2021
Qocalmaqdan qorxub intihar edən qadın - Günel Natiq yazır
11:05 16 May 2021
Şagirdimiz beynəlxalq müsabiqədə qalib oldu
10:55 16 May 2021
Şuşadakı Bayatı-Şirazla itirdiklərimiz
10:19 16 May 2021
Aşıq Ələsgərin nəticəsi bütün sirləri açdı: “Səhnəbanu başqası ilə ailəli olsa da...” - Müsahibə
09:00 16 May 2021
Qapılarda nökərçilik etdi, həbsə düşdü, qızına görə Siyavuş Aslanı döymək istədi – Məşhur aktyorun həyatından maraqlı faktlar
17:30 15 May 2021
Sevdiyi qız ona gizlincə tort bişirtmişdi - Gülsatan qız bu gün ad günü olan şəhiddən danışır...
15:49 15 May 2021
“Xarıbülbül” beynəlxalq musiqi festivalı Fransa mətbuatında
14:24 15 May 2021
Havalandı Xanın səsi, Qarabağın şikəstəsi: “Xarıbülbül” festivalından qeydlər – Vüsalə Mahirqızı yazır...
13:15 15 May 2021
"Nizaminin evi" bərpa olunur
12:31 15 May 2021
Biabırçı, rüsvayçı, faciəvi vəziyyət
11:23 15 May 2021
Gel sevişək, qəşəng qız! - Süleyman Rəhimovun hekayəsi
10:33 15 May 2021
Sağlığında özünə ehsan verən, lənətlənmiş evdə yaşayan Xalq artisti...
16:27 14 May 2021
Həsrət nəğməsi bitdi - "Qarabağ bülbülləri" Şuşada...
14:01 14 May 2021
Ədəbi mühit ölüb - Gənc yazardan sərt tənqid
12:35 14 May 2021
Qusarlı Əzizə xalanın böyük sirri
11:40 14 May 2021
Səid Rüstəmov haqqında videoçarx hazırlanıb
11:09 14 May 2021
Nə murdar adammışlar, yahu?! - Cəbrayıl Dövlətzadə haqqında roman
09:01 14 May 2021
Tanınmış aktrisa vəfat etdi
17:44 13 May 2021
Amerikalı rəssamın əsəri 93 milyon dollara satıldı - Foto
15:46 13 May 2021