news-inner
clock13:23 calendar-gray 26 Dekabr 2016 view-gray120 dəfə oxunub
view-gray120 dəfə oxunub

Öpuş izi üşüyür dodağımda… - ŞEİR

Kulis.az Elşad Ərşadoğlunun yeni şeirlərini təqdim edir.

***

Ayrılığı sevən qadın,

adamı belə atmazlar,

belə tənha qoymazlar,

qışın bu soyuğunda…

Belə getməzlər, xanım,

o qədər uzağıq ki:

sən sevincin başında,

mən qəmin ayağında…

Sən gedəndən,

bir körpə sənsizlik

böyüyür otağımda.

Hər gün bir az da çox

sənsizləşirəm.

Sevginin payız çağı

saçlarının qoxusu

sovulur yastığımdan,

bədəninin istisi

can verir yatağımda…

Bir qucaq isti yerin

soyuyur qucağımda.

Gecələri yoxluğun

uyuyur qucağımda…

Kim deyir xatirələr,

soyuğa davamlıdı?

Qaynar bir öpuş izi

səhərəcən səyriyir -

üşüyür dodağımda…

Hələ də bilmirəm ki,

eyni dünyada necə

bu qədər başqalaşdıq?..

Sən ayrılıq qadını,

mənsə sevgi adamı…

Sən nəyin həvəsində

mən nəyin sorağında…

Çox da ümidli olma

ötəri şad günlərə,

bil ki, qaynar nəfəsim

toxunmasa üzünə,

çiçəkləməz bir daha

gülüşün yanağında…

Ehh... getməyə nə var ki,

qayıtmamaq çətindi...

Məni unutmağı

asan bilmə sən…

Neyləsən də bir ömür

yaddaşını zəbt edər

xatirələr ordusu,

Adım kilsə zəngi tək

səslənər qulağında…

Adamı belə atmazlar,

belə tənha qoymazlar,

qışın bu sazağında…

***

Kök atmayıb puç olublar,

Boy atmayıb heç olublar,

Quruyub qaxac olublar,

Kim əkib bu adamları,

Bu dənizin sahilində?..

Şən dalğalar qalxır, yatır,

Xəyalları atır, tutur...

Darıxmaqla başın qatır

Hamı kimisə gözləyir,

Bu dənizin sahilində...

Burda sular dəmir yeyir,

Daşı xımır-xımır yeyir...

Vaxt çırtlayır, ömür yeyir

O adam da tum adıyla,

Bu dənizin sahilində...

Hərdənbir də xoş dəmində,

Gəmilərin yelkənində,

Körpə uşaq görkəmində,

Gəlib Allah günəşlənir,

Bu dənizin sahilində...

***

Sənsiz ölmək zülm, yaşamaq çətin,

Sənə toxunmaqdı tək səadətim...

Uzaqdan-uzağa nə məhəbbəti?

Gəl, əsl sevginin dadın çıxardaq.

Oturaq diz-dizə, qabaq-qabağa,

Nəfəsim od salsın o al yanağa...

Dil-dilə toxunsun, dodaq-dodağa,

Yanan qəlbimizin odun çıxardaq.

....... ........ …… saatlarında,

Çapaq məhəbbətin Qıratlarında,

Uçaq mələklərin qanadlarında,

Göylərin yeddinci qatın çıxardaq...

...Sönək, içimizdə bir köz öldürək,

Susaq, dilimizdə bir söz öldürək...

Beləcə, bir oğlan, bir qız öldürək,

Sonra bir kişi, bir qadın çıxardaq...

***

Ehh... bu qədər adanların içində,

adam tapmadın çəkməyə,

sən də gəlib mənə çəkdin,

mənə oxşayan taleyim.

Anamın üzündəki,

gəncliyini tora salmış qırışlara,

atamın saçlarındakı

dənə oxşayan taleyim...

***

Atama...

Bizim evdə bir cəfakeş kişi var,

rəsmi sənədə görə 58 yaşı var...

Di gəl, mən inanmıram,

ola bilməz!

Nə 58?!

Qat-qat çox olsun, gərək.

Bu kişi bir ömürdə

neçə ömür sürübdü.

Elə bizi götürək:

Ürəyinin 4 guşəsin

4 pay edib,

4 oğlunun arasında bölüşdürüb.

Gözlərinin nurunu da,

gəncliyin də,

rahatlığın,

dincliyin də,

görkəminin şuxluğun da,

qamətinin şaxlığında,

tellərinin qarasın da bölüşdürüb...

Bu kişi

illər boyu öz içində

neçə ömrün

sevincin, qəmin daşıyıb.

Nə 58?

Elə, 30 il mənim üçün,

28 bir qardaşım,

26 bir,

24 il bir qardaşımçün yaşayıb.

Bu elədi 108 il.

108 də son deyil.

Bu kişi 108 il

tək bizimçün yaşayıb.

Hələ nə qədər dost-tanış,

qohum-qardaş,

qonum-qonşu var...

Aman Allah,

bu kişinin neçə yaşı var...

news-inner-user

16143 məqalə

Oxşar xəbərlər

Xəbər lenti

Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020
Xalq rəssamı vəfat etdi
15:09 13 Avqust 2020
Nazirlikdən gedənlər və gələnlər
14:11 13 Avqust 2020
Mədəniyyət Nazirliyinin aparat rəhbəri vəzifəsindən azad olundu
13:24 13 Avqust 2020
Mahnılarını Niyaməddin Musayev oğurladı, rayonu işğal olunanda beyninə qan sızıb öldü – Bu gözəl musiqilərin müəllifini siz də tanıyın
13:19 13 Avqust 2020