“Unutmağa kimsə yox...” Türkiyədə çap olunub

“Unutmağa kimsə yox...” Türkiyədə çap olunub
15 dekabr 2016
# 13:45

Kamal Abdullanın “Unutmağa kimsə yox...” (Kemal Abdulla. “Unutmağa kimse yok...”, Ankara 2016.) adlı kitabı Türkiyədə nəşr olunub. Kulis.azın məlumatına görə kitab “Bengü” nəşriyyatında çap edilib.

Bir müddət əvvəl Moskvada işıq üzü görən roman indi türk oxucusuna təqdim nəfis tərtibatda təqdim edilib. Romanın türk dilinə çevirən və ön sözün müəllifi İstanbul Yedditəpə Universitetinin dostenti Arif Acaloğludur.

“Unutmağa kimsə yox...”dan əvvəl bu trilogiyanın “Yarımçıq əlyazma” və “Sehrbazlar dərəsi” romanları da Türkiyədə nəşr edilmişdi.

Kitabın ön sözündə roman müxtəlif aspektlərdən təhlil olunur, oxucuya romanı daha dərindən anlaması üçün ipucları verilir. Arif Acaloğlu bu romanı dil sərhədlərini aşan və yalnız alternativ təhlillərlə qavranıla bilən kitab kimi dəyərləndirir.

Kitabın üzündə Azərbaycanın ən uca zirvəsi olan Bazardüzünün şəkli yer alıb. Kitabın arxa üzündə Kamal Abdullanın ədəbi və elmi fəaliyyəti, əsərlərinin tərcümə olunduğu dillər, nəşr olunduğu ölkələr haqda məlumat öz əksini tapıb.

# 273 dəfə oxunub

Oxşar xəbərlər

# # #