news-inner
clock13:47 calendar-gray 15 Dekabr 2016 view-gray193 dəfə oxunub
view-gray193 dəfə oxunub

Ramiz Rövşәn məni necə aldatdı – Məmməd İsmayıl yazır...

Kulis.az şair Məmməd İsmayılın "Ramiz Rövşәnin 70 illiyinә dost ismarışı" yazısını təqdim edir.

Körpüsüz kәnd çaylarını keçmәk üçün adamlar addım aralıqlarıyla bu taydan o taya daşdan addamaç salırlar. Bu cümlәnin vәzifәsi sözlüklәrdә arasanız bulamayacağınız elә bu “addamaç” sözünün izahı üçündür.

Gözәgörünmәz sәnәt tanrısı da әbәdi boşluqları doldurmaq üçün addamaçsız keçinmir, keçinә bilmir. Bu “addamaçları” salan sәnәt karvanının әbәdiyaşar tәmsilçilәri onlara bәlkә heç özlәrinin dә xәbәri olmadan verilәn görәvi yaşadıqları zamanlardan yaşayacaq zamanlara daşıyırlar. Vә çox zaman dәyәri bilinmәyәn bu dәyәrbiçilmәz “addamaçlar”dan neçә-neçә sәnәt fәdaisi keçib gedir. Yadıma bir sәnәt adamının sözü düşür: Әdәbiyyat çәmәnlik deyil, ormandır vә bu orman ağaclarının boyu da eyni deyil, böyüyü var, kiçiyi var.

Böyük olanların misyonu da böyük olur. Torpaq dәrd-sәrini yarpaq dillәriylә dünyaya yaymaq üçün o ormanda çox yox, bir-iki ağacı seçib böyüdәr. Seçilәn ağacdır (bәndәdir), seçәn Allahdır.

Şübhәsiz, bu günlәrdә 70 illik yubileyini qeyd etdiyimiz Ramiz Rövşәn o nadir seçilәn bәndәlәrdәn biridir. Yaşımız arasında bir xeyli fәrq olsa da, bu yaş fәrqi dostluğumuza әsla әngәl olmadı. Moskvada mәn ali әdәbiyyat kurslarında oxuyanda, Ramiz dә ali ssenari kurslarında oxuyurdu. Tez-tez bizim Dobrolyubov küçәsindә yerlәşәn yataqxanamızda görüşәr, bir-birimizә yeni şeirlәrimizdәn oxuyardıq. Belә görüşlәrimizdәn birindә Ramiz mәnә o zamankı üslubuna uymayan bir şeir oxuyacaqdı:

İlahi, öldü bu adam

Gözlәri bağlıdır daha.

Onu nә sevmәk qorxudur,

Nә ölmәk qorxudur daha.

Kimi var salsın yada ki…

Bu gün, sabah, dünyada ki,

Bir yaşıl otdur, ya da ki

Bir quru qarğıdır daha.

Ağlamağa bir kәsi yox,

Ağacı yox, kölgәsi yox.

Nә evi, nә ölkәsi yox,

Allahın oğludur daha…

Şeir ilk oxunuşda yaddaşıma necә qazınıbsa, elәcә dә qalıb, ola bilsin, orijinaldan bir qәdәr fәrqli dә xatırlamış olaram,mәsәlә bunda deyil.O zamana qәdәr mәn Ramizin yalnız sәs gәtirәn ilk kitabını - “Bir yağışlı nәğmә”sini oxumuşdum vә o kitab müәllifinin nә zamansa, belә bir şeirin yazılacağına kiçik bir ipucu olmadığından mәnә oxuduğu “Daha” ilahisinin müәllifini soruşacaqdım. Ramiz, görünür mәnim türklük sövdalısı olduğumu bildiyindәn adını söylәmәdәn - bir türk şairinindir, cavabını verәcәkdi. Vә bәlkә dә mәnim şeir zövqümlә yaradıcılığında yeni başlayacağı şeir ovqatını sınaqdan keçirirmiş. Belәcә günün günortası aldanmış olacaqdım.

Füzulu dәdәmiz “Aldanma ki, şair sözü әlbәttә yalnadır” demәmişdimi? Vә belәcә, yeri oldu, olmadı sonralar Ramizin kitabında yer alacaq әzbәrimdә qalan o şeri bir türk şairinin şeiri kimi tez-tez söylәyәcәkdim…

Qumsalda batan su, әslindә batmayıb başqa bir yerdәn çıxa bildiyi kimi on üçüncü yüzilin Yunus Әmrә ruhu Ramiz Rövşәn şerindә başqa bir biçimdә yeni vә fәrqli çalarlar qazanaraq şahlanacaqdı. Şahlanmağı ilә dә qalmayıb R.Rövşәn “addamaçından” yüzlәrlә cığırdaşın keçmәsinә vәsilә olacaqdı. Çünki;

Adilәr illәrә qoşulub itәr,

Zamandan zamana dahilәr qalar…

Uzun sözә nә hacәt uzaqdan uzağa da olsa, Azәrbaycan şerini fәrqli ritmlәr, fikirlәr vә ruhi hallarla zәnginlәşdirәn vә tam fәrqli bir yolun yolçusu olan dostumu 70 illik yubileyi münasibәti ilә canı könüldәn tәbrik edir vә bağrıma basıram.

Bәlkә bağrıma basmaq üçün qollarım vücuduna çatmayacaq, zarafatyana özü demişkәn o kökәldikcә mәn arıqlayıram, amma olsun, kim bilir bәlkә bu da, bir tür keçid vә yerdәyişmәdir.

news-inner-user

18126 məqalə

Oxşar xəbərlər

Xəbər lenti

“Komandir” romanı ikinci dəfə nəşr olundu
14:50 09 Mart 2021
Feministlərin küçə tamaşası - Bu qadınlar nə istəyir?
14:16 09 Mart 2021
“Xarıbülbül”ə yeni mahnı yazılıb - Video
13:23 09 Mart 2021
Nizami Gəncəvi ilə bağlı virtual sərgi
12:53 09 Mart 2021
Atasına həsrət qaldı, ölənə qədər Bakı deyib ağladı, nəvəsi İraqda şəhid oldu - Kasıblıqdan nəşi yandırılan müğənnimiz
12:11 09 Mart 2021
Kulisin yazısı Monqolustanın ən böyük qəzetində - Foto
11:35 09 Mart 2021
Əməkdar artist Zeynəb Xanlarovadan danışdı: “Ağzıgöyçəklər danışırlar...”
10:40 09 Mart 2021
Türk aktyor vəfat etdi
10:01 09 Mart 2021
Rusiyanın "Avroviziya-2021" təmsilçisi bəlli oldu
09:32 09 Mart 2021
Kartof
09:00 09 Mart 2021
İspaniyanın ictimai-siyasi portalında Nizami Gəncəvi haqqında məqalə yerləşdirilib
01:39 09 Mart 2021
Dovşanın ölümü - Afaq Məsudun hekayəsi
16:30 08 Mart 2021
Qadınlar bayramı faciədən doğuldu – 8 Mart haqqında 8 fakt
12:30 08 Mart 2021
Gülay Hüseynova: “Mənə seksist suallar verirsən” - Müsahibə
09:00 08 Mart 2021
Qızı tərəfindən tərk edildi, kirayələrdə yaşadı, küçədə dünyasını dəyişdi – Xalq artistindən maraqlı faktlar
15:30 07 Mart 2021
Bəzənib, qurşanıb sеyrə çıxan yar... – Aşıq Ələsgərdən qoşma çələngi
11:00 07 Mart 2021
Məşhur müğənni kitabxanada striptiz klip çəkdi – Video
18:00 06 Mart 2021
Xalq artisti “Ay laçın” mahnısına klip çəkdirdi - Video
17:05 06 Mart 2021
Papaq - Cəfər Cabbarlının hekayəsi
16:32 06 Mart 2021
“Digitalart-lab” layihəsi çərçivəsində ustad dərsi keçirilib
16:10 06 Mart 2021