news-inner
clock11:44 calendar-gray 07 Dekabr 2016 view-gray287 dəfə oxunub
view-gray287 dəfə oxunub

Ələddinin sehrli alması - Şərif Ağayar yazır...

Yaddaşımın hansınsa küncündə Ələddin adlı bir kişi yaşayır.

Balacaboy, sarıyanız, kvadratbaş, mırıq dişli adamdır.

Boz kostyumu süzülüb, arxasından sap sallanır...

Əlləri də kvadratdır.

Ələddin hansısa toyda gülümsünə-gülümsünə oynayır.

Oynamır eee... süzür...

Gözünü ləzzətlə yumub mahnının bütün melodiyalarını bədəninə hopdurur və təzədən mütənasib hərəkətlərlə çölə çıxarıb büruzə verir.

Mahnını bədəniylə hərəkətə çevirir.

Ahəngdar səsi canına yığıb atmaqla yüngülləşir, qanadlanır, uçmaq istəyir...

Çox xoşbəxtdir.

Nimdaş əyin-başını, tozlu, əyri ayaqqabılarını, mazutlu əllərini tamam unudub.

Mahnının dalğasına elə düşüb ki, dayandırsalar yıxılar.

İlahi, bu nə gülüşüdür, bu necə xoşbəxtlikdir?

Bu, kimin toyudur ki, Ələddin belə ürəkdən oynayır?

Adamların heç birini tanımıram.

Bu camaat bizim camaat deyil, biz bura təzə gəlmişik...

Ələddini də ilk dəfədir görürəm.

Adını kimsə pıçıldayıb qulağıma.

Bəs niyə bu qədər doğmadır?

Bəlkə, doğma olan Ələddinin özü yox, kasıblığı, tənhalığı və bu kasıblığın, tənhalığın içindəki mübhəm xoşbəxtliyidir?

Mən bu kişini indən belə heç vaxt görməsəm də çətin ki, unudam.

Axı indiyədək nə belə oynamaq görmüşəm, nə belə tənhalıq, nə belə xoşbəxtlik...

Ələddin niyyətimi başa düşür elə bil, yaddaşımda daha dərin iz buraxmaq üçün əlini cibinə soxub, ordan güc-bəla ilə iri, qırmızı bir alma çıxarır.

Kvadrat əlinin içində havaya qaldırıb oynadır, havada tutduğu almanın altında çevrə cızır, onun başına dolanır...

Almanın ətəyinə dolana-dolana ayaqlarını inanılmaz gözəlliklə oynadıb bir də gülümsünür, tütündən qaralmış mırıq dişlərini göstərib təkrar o yana çevrilir...

Bir də bəri...

Bir də o yana...

Ancaq almanı başının üstündən aşağı salmır.

Camaat da əl çala-çala Ələddindən çox bu iri, qırmızı almaya baxır.

Mən yerimdə donub Ələddinlə alma əhvalatının necə bitəcəyini gözləyirəm.

Ələddin oynadıqca oynayır, məşəl kimi başının üstünə qaldırdığı almanın başına dolandıqca dolanır...

Gödək, yoğun barmaqların ucu qırmızı alma boyda gül açır.

Ələddinin qolu uzanır, uzanır, yana əyilir və qəfil qırmızı almanı elə almanın özü kimi al-əlvan geyinmiş qızların-gəlinlərin ortasına atır.

Qızlardan-gəlinlərdən xoşbəxt bir qaqqıltı qanadlanır...

Qızların-gəlinlərin xoşbəxt gülüşü daha aydın eşidilsin deyə, musiqi səsini kəsir...

Ələddin ortalıqdan yox olur...

Oxşar xəbərlər

Xəbər lenti

Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında - Fərid Hüseyn yazır...
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021
Leonardo da Vinçinin çəkdiyi rəsm hərraca çıxarılacaq
13:45 10 May 2021
Məşhur yazıçı vəfat etdi
12:30 10 May 2021
Allah üçün bənna kimdir? - Şəhriyar Del Gerani yazır...
11:30 10 May 2021
Türkiyəli bəstəkar Qarabağ Zəfərinə mahnı bəstələdi - Video
10:20 10 May 2021
Kimi Kreml xəstəxanasına müalicəyə göndərdi, kimi "KQB"-nin qəzəbindən qorudu? – Heydər Əliyevin ədəbiyyatımıza verdiyi töhfələr
09:30 10 May 2021
Zöhrə Abdullayeva xəstəxanaya yerləşdirildi
19:45 09 May 2021
Ədəbiyyatımızın ən gözəl müharibə şeirləri - Mətnlər
14:28 09 May 2021
9 May qələbəsində rus arağının rolu - “Tamamilə məxfi” sənədlər
10:30 09 May 2021
Paşinyan Cıdır düzündə “Yallı” gedəndə – Bircə yazır...
09:01 09 May 2021
Şuşa haqda məşhur şeirin müəllifindən Qələbə Şeiri
08:01 09 May 2021
Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021