news-inner
clock12:30 calendar-gray 06 Dekabr 2016 view-gray7275 dəfə oxunub
view-gray7275 dəfə oxunub

“...məni bərk-bərk qucaqla” – CƏLİL CAVANŞİRİN YENİ ŞEİRLƏRİ

Kulis.az Cəlil Cavanşirin yeni şeirlərini təqdim edir.

***

ikimiz də gileyliyik – taledən, sevgidən, adamlardan

bir daha bataq günaha, sonra tövbə edərik

insanlar unutqansa, biz niyə ruhdan düşək?

Gəl yenidən ağlayaq, əzab çəkək,

gəl bir daha aldanaq, doktor

sonra yenə yorulaq,

sonra bezsək gedərik...

gəl bir də bataq günaha, sonra tövbə edərik....

səni sadəcə gözəl gülüşlərinə görə sevə bilərəm,

və bəlkə də

səni sadəcə gözəl gülüşlərinə görə sevirəm...

bilmirəm

səndən sonra nə olacaq,

düşünmürəm

səndən öncə kim varsa unutmuşam,

özüm də yaddan çıxmışam, doktor

özüm də unudulmuşam...

Mən indi üzgünəm və ruhum paramparçadı

İndi o dərin baxışlarının dolanbacında aza bilərəm.

Sənin oyaq qaldığın, ağladığın bütün gecələrə,

keşik çəkə bilərəm, doktor.

Sənə şeir yaza bilərəm...

Bu gün anladım ki, doktor

Məni bu sərsəri ömrün sonuna sən ötürə bilərsən...

Heç vaxt mənim olmayan xoşbəxtliyi

gətirə bilərsən...

Mənə bir az ümid ver, yaşamaq yox, yaşlanmaq üçün...

Bircə sözün bəs edər

Həyata bərk-bərk tutunmağa,

Bircə gülüşün bəs edir,

Hamını sevməyə...

Səni sevdim ki dəyişim,

Sevdim ki, ümidim olsun həyata bağlanmaq üçün...

***

Mənə çoxdan tanışdı bu sərsəri duyğular

Ruhun cəzası sevgi, ötəsi dəlilikdi.

Bir gecədə doğulub, sonra ölən arzular

Bu da ki, tale yolum...

Cırılmış gündəlikdi.

Bir avarsız qayığam, sevdalar dənizində

Yenə sovurur məni çılğın, dəli küləklər.

Özünlə aparırsan xoşbəxt gülüşlərimi…

Getdi sənli günlərim

Geri gəlməyəcəklər…

Bir yandan da havalar…

Üşüyürəm, donuram…

Heç olmasa sən getmə, nolar, sən getmə hələ…

Mənə əlvida demə, vidalardan qorxuram

Məni belə unutma, məni tərk etmə belə…

Bu şəhərin ən qərib adamıyam bəlkə də

Gəl məni köksünə sıx, məni bərk-bərk qucaqla

Hamıdan getmək olar, hamıyla yola çıxma

Məni ən son tərk elə, məni axıra saxla...

***

Və mən sonra xatırladım ki,

Payızdı,

və mən

aşiq ola bilərəm payızda...

Və mən çox sonra xatırladım ki,

xəzəldi hər tərəf

və mən

Ölə də bilərəm...

***

Olmadı, alınmadı

Parçalandım, dağıldım

Öz içimdə yurd saldım

Yüz ürəkdən qovuldum...

Olmadı, alınmadı

Parça-parça bölündüm

Misralara çevrilib

Yad dillərdə deyildim...

Olmadı, alınmadı

Yerim səhv düşdü nəsə

Öz içimə qısıldım,

Əl açmadım heç kəsə...

Olmadı, alınmadı

İndi əlim boşdu, boş

Gecələrim hüznlü

Sabahlar yarısərxoş...

Olmadı, alınmadı

Bacarmadım, gecikdim

Guya, çox çalışırdım

Guya, dəyişəcəkdim...

Olmadı, alınmadı

Yaş keçdi, ömür ötdü

Dərdlərim doğmalaşdı

Dərdlər məni böyütdü...

Olmadı, alınmadı

Yollar dumanda itdi

Əl etdiyim qatarlar

Hamısı çıxdı, getdi...

Olmadı, alınmadı

Bir çiçək də dərmədim,

Ya dərməyə gecikdim,

Ya da dərə bilmədim...

Olmadı, alınmadı

Beləymiş, bəxtim, belə

Deyin üzü bərk imiş,

Deyin, yaşayır hələ...

Olmadı, alınmadı...

Oxşar xəbərlər

Xəbər lenti

Vərəmə yoluxdu, amerikalı ilə evləndi, Hollivudda güllələndi - Azərbaycanlı müğənninin faciəsi
16:36 25 Sentyabr 2021
İngilis müğənni "Gəl, ey səhər"i oxudu - Video
15:17 25 Sentyabr 2021
Oğlundan imtina edən, işə pijamada gedən, iki dəfə dəfn olunan azərbaycanlı alim
13:59 25 Sentyabr 2021
Yazıçı "Qanun" nəşriyyatını qanunsuzluqda ittiham etdi: "Bu hadisə Şahbaz Xuduoğlunun adına ləkə salır"
13:12 25 Sentyabr 2021
“Traviata” operası nümayiş olundu
12:09 25 Sentyabr 2021
Azərbaycan beynəlxalq kitab yarmarkasında iştirak edir
10:55 25 Sentyabr 2021
Sevginin intihara apardığı qadın
09:00 25 Sentyabr 2021
“Yusif Vəzir Çəmənzəminli və Şumer qaynaqları” kitabı çapdan çıxıb
18:07 24 Sentyabr 2021
Teatr və kinoteatrlar açılır - Qərar
17:53 24 Sentyabr 2021
Yağış düşdü sahildəki daşlara - Musa Yaqubdan seçmə şeirlər
17:30 24 Sentyabr 2021
Fərid Hüseynin yeni kitabı çap olundu
16:49 24 Sentyabr 2021
“Səs Azərbaycan” başlayır: Münsiflər kim olacaq? - Foto
16:05 24 Sentyabr 2021
Akademikin yeni kitabı təqdim olundu
15:20 24 Sentyabr 2021
Dükanlara borclu qalan Xalq artistimiz: O, yerişini də itirmək üzrədir...
14:30 24 Sentyabr 2021
Yazıçımızın kitabı Sankt-Peterburqda çıxdı
13:45 24 Sentyabr 2021
Qızları güldürməkçün sənin kimi xaç çəkərdik - Azərbaycanlı şair Roma Papasına şeir yazdı
13:01 24 Sentyabr 2021
Rusdilli olmaq başqa, rus dilini bilmək başqa: Özünə hörmət etməyən kimlərdir?
12:15 24 Sentyabr 2021
Ana dilini bilməyən nankorlara - Günün şeiri
11:38 24 Sentyabr 2021
Musa Yaqub xanımının məzarı üstündə şeir oxuyur - Video
11:01 24 Sentyabr 2021
Qızı ilə rusca danışan Elgiz
10:30 24 Sentyabr 2021