news-inner
clock14:58 calendar-gray 02 Dekabr 2016 view-gray490 dəfə oxunub
view-gray490 dəfə oxunub

Dünya qəpik kimi ikiüzlüdür! – Qismətin yeni şeirləri

Kulis.az Qismətin yeni şeirlərini təqdim edir.

Yataqxana alliterasiyası

Gurultudan göylərin pərdəsi parçalandı.

Köhnə körpü yavaşca yırğalandı.

Körpə kirpi kimi büzüşdü Bakı!

Dəlisov dənizin

dizinin

dibində

ağ-ağ qağayılar çığırdı,

dağ kimi dalğalar çağladı.

Bir cüt cığara ağardı

qaçqın qadının qapısında…

Ayıq, astagəl, ağırçəkili

miləmil köynəkli millət vəkili

arıq, astma… adamların arasından keçdi,

açıq qapının ağzındakı ana-balanı seçdi.

Uşağın saçını qarışdırdı,

yalandan ananı danışdırdı,

sonra məşq edilmiş səslə,

dünəndənqalma həvəslə

çıxışına başladı.

Ürəyində özünü alqışladı.

Birdən balaca başladı

vəkilin çəkməsini

pal-palçıqdan qoruyan

cağbacağ cığaraları dartışdırmağa.

Vəkilsə vecinə almırdı,

inamla addımlayırdı

öz nitqinin içində “işıqlı sabahlara…”

2016, fevral

Mötərizə

Səhərə az qalır.

Utancaq sübhün yanaqları qızarır.

Unutmalı şeylər var:

bir: ilan kimi qıvrılan almasifət küçələr,

iki: bir dişləyə çılpaqlaşan gecələr…

Səhərə az qalır.

Dan yeri ağarır.

Cavab çırpıları atıram sual sobasına.

Aynadakı əksim susur inadla:

dodaqları tərpənir, dünənki pantomima!

Sükut – o ki, həmişə bilgimizdən böyükdür.

Dan yeri ağarır.

Gülümsəyir günəş.

Çox şey dəyişib, keçmiş sevgilinin soyadı kimi…

Yavaş-yavaş hüznlər stabilləşir.

Amma hələ ki, titrək küçə fənərləri

ancaq gecələr təqlid edə bilir günəşi.

Gülümsəyir günəş.

Dünya qəpik kimi ikiüzlüdür!

Mənimsə sözlərlə qırışır alın yazım:

bəzən qədim bir qəsidənin rədifində

söndürürəm susuzluğumu,

bəzənsə nağıllara yedirirəm yuxusuzluğumu.

Dünya qəpik kimi ikiüzlüdür!

2016, mart

Qızım Dəfnə üçün (I)

Ultrasondakı görüntülərə baxanda

çaşıb qalmışdıq ananla,

izaholunmaz bir sevinc bürümüşdü bizi.

Bu səndin, qızım,

zülmətin içində işaran

çeçelə barmaq boyda bir işıq gilizi…

Günü-gündən böyüyən,

ürəyi döyünən bir işıq!

Sən doğulan gün

bumeranq kimi öz üstümə qayıtdım,

duaların ətəyindən yapışdım,

və üzündəki ilahi cizgilərə baxıb

növbədənkənar göz yaşları axıtdım.

Qızım, indi elə əl-qol atırsan ki,

üzməyi öyrənirsən sanki.

Havanı təpikləyirsən,

elə bil, dünyada özünə yer eləyirsən…

Amma sən doğulan gün mən də böyüdüm,

o qədər böyüdüm ki,

indi sənin təsbeh dənəsi gözlərindəki

əksim boydayam.

2016, oktyabr

Ev haqqında bop

Pəncərələr içərdən pərdəylə hicablanıb,

çöldən dəmir barmaqlıq taxılıb azadlığa.

İndi hamı bu evdə özünün polisidi,

indi hamı bu evdə məyus və məhbus…

Bu evdə nəfəs almaq çətinləşir get-gedə,

tükənir günü-gündən oksigen ehtiyatı…

Ağacların tarixi kağızlara yazılır!

İç-içə yığılmış boşqablardan

ən altdakı kimidi indi bu evin sakinləri

qonaq gələndən-gələnə süfrə üzü görürlər.

Bu ev köhnə fotoları yamsılayır,

sarışınların da qaraşın düşdüyü köhnə fotoları…

Dırnağını mayasınacan tutan nevrotiklərsayağı

hara toxunsan ağrıyırsan. Hər yer ağrıdır.

Burda tarix vaxtı keşmiş təqvim yarpaqlarıdır.

Yarpaqların tarixi səkilərə yazılır!

Neyləməli, “günəş” sözünə isinmək olmursa,

“çörək” sözü qarın doyurmursa, neyləməli;

hər gün çay kimi dəmlənir bu evdə sıxıntı,

qonşuda nəsə bişir, ac pişiklər çığırır;

Nəfəsliklər açılmasa, bu boğanaqda

bir azdan sonuncu otaq da qürbət olacaq.

2016, noyabr

news-inner-user
Qismət

191 məqalə

Oxşar xəbərlər

Xəbər lenti

Azərbaycanlı bəstəkar vəfat etdi
20:48 26 Sentyabr 2021
Anım gününə yeni mahnı hazırlanıb – Video
14:44 26 Sentyabr 2021
Vurğun Əyyubun son anları
12:46 26 Sentyabr 2021
Alman casusu, inqilabdan yan keçən fırıldaqçı və homoseksual – Lenin haqqında qan donduran faktlar
11:00 26 Sentyabr 2021
Vərəmə yoluxdu, amerikalı ilə evləndi, Hollivudda güllələndi - Azərbaycanlı müğənninin faciəsi
16:36 25 Sentyabr 2021
İngilis müğənni "Gəl, ey səhər"i oxudu - Video
15:17 25 Sentyabr 2021
Oğlundan imtina edən, işə pijamada gedən, iki dəfə dəfn olunan azərbaycanlı alim
13:59 25 Sentyabr 2021
Yazıçı "Qanun" nəşriyyatını qanunsuzluqda ittiham etdi: "Bu hadisə Şahbaz Xuduoğlunun adına ləkə salır"
13:12 25 Sentyabr 2021
“Traviata” operası nümayiş olundu
12:09 25 Sentyabr 2021
Azərbaycan beynəlxalq kitab yarmarkasında iştirak edir
10:55 25 Sentyabr 2021
Sevginin intihara apardığı qadın
09:00 25 Sentyabr 2021
“Yusif Vəzir Çəmənzəminli və Şumer qaynaqları” kitabı çapdan çıxıb
18:07 24 Sentyabr 2021
Teatr və kinoteatrlar açılır - Qərar
17:53 24 Sentyabr 2021
Yağış düşdü sahildəki daşlara - Musa Yaqubdan seçmə şeirlər
17:30 24 Sentyabr 2021
Fərid Hüseynin yeni kitabı çap olundu
16:49 24 Sentyabr 2021
“Səs Azərbaycan” başlayır: Münsiflər kim olacaq? - Foto
16:05 24 Sentyabr 2021
Akademikin yeni kitabı təqdim olundu
15:20 24 Sentyabr 2021
Dükanlara borclu qalan Xalq artistimiz: O, yerişini də itirmək üzrədir...
14:30 24 Sentyabr 2021
Yazıçımızın kitabı Sankt-Peterburqda çıxdı
13:45 24 Sentyabr 2021
Qızları güldürməkçün sənin kimi xaç çəkərdik - Azərbaycanlı şair Roma Papasına şeir yazdı
13:01 24 Sentyabr 2021