Roman Viktyukun mətbuat konfransı

Kino

Ana səhifə
Kino

Roman Viktyukun mətbuat konfransı

23 avqust 2011

13:28

Avqustun 22-də “İnterfaks-Azərbaycan” mətbuat mərkəzində Rusiyanın məşhur teatr xadimi, rejissor Roman Viktyukun mətbuat konfransı keçirilib.
Tədbir zamanı Viktyuk bildirib ki, Azərbaycana “Üns” teatrı ilə yeni birgə layihənin başlaması ilə əlaqədar gəlib.
Layihənin məqsədi məşhur ispan dramaturqu Alexandro Kasonanın “Ağaclar əyilmədən ölür” adlı pyesi əsasında tamaşa qoymaqdan ibarətdir.
Rejissor qeyd edib ki, layihədə ən mühüm məqamlardan biri tamaşaya səhnədən uzaqlaşmış aktyorların cəlb edilməsindən ibarətdir.
“Bu barədə Leyla Şıxlinskaya ilə danışmışam, o, özünü yenidən səhnədə sınamaq imkanı əldə etməkdən çox şad idi. Şəfiqə Məmmədovanın da layihədə iştirak etməsini çox istərdim”, – deyə Viktyuk bildirib.
Rejissor tamaşanın təkcə “Üns” teatrında deyil, Rus Dram Teatrında və ya Azərbaycan Dram Teatrında da göstəriləcəyini deyib.
Mətbuat konfransında həmçinin məşhur Azərbaycanlı dirijor Yalçın Adıgözəlov da iştirak edib. O, sözügedən tamaşanın musiqi tərtibatına görə məsuliyyət daşıyır. “Biz tamaşanın musiqili müşaiyəti ilə bağlı bir çox variantlara baxırıq, amma düşünürəm ki, bu, hər-halda ispan musiqisi olacaq, belə ki, ispan musiqisi ruhən bizə çox yaxındır”, - deyə Adıgözəlov bildirib.
Roman Qriqoryeviç Viktyuk 28 oktyabr 1936-cı ildə Lvovda (Ukrayna) anadan olub. 1956-cı ildə Moskvada Dövlət Teatr İncəsənəti İnstitutunun aktyorluq fakultəsini bitirib.