writer1

Ayxan Ayvaz

Məqalə sayı

525
clock12:03 calendar-gray 21 Oktyabr 2016 view-gray280 dəfə oxunub
view-gray280 dəfə oxunub

İlhan Mansızın ayaqları

İlhan Mansız var idi. Xatırlayırsınız? Əfsanəvi futbolçu. Türkiyənin Ronaldinyosu.

Mən onu 2002-də keçirilən Dünya Çempionatında tanımışdım. Yaraşıqlı, boy-buxunlu, uzun saçlı, qıyıq gözlü İlhan Mansız...

Yadınızdadır, Braziliya ilə oyunda nə möhtəşəm görünürdü. Roberto Carlos kimi müdafiəçinin başının üstündən topu rahatlıqla atıb keçdiyi həmin əfsanə səhnəni kim unudar ki?

İlhan Mansızdan sonra futbolun idman deyil, sənət olduğunu anlamışdım. Necə ki sonradan Messidə bunu görəcəkdim. İlhan Mansız topla oynamırdı, topu müqəddəs bir əşya kimi əl üstündə saxlayırdı. İlhan Mansıza baxandan sonra anladım ki, ayaqlar təkcə əzab çəkmir, həm də o ayaqlar milyonları xoşbəxt edə bilir.

Ayaqlar da müqəddəs imiş, sən demə!

Bəs Beşiktaşda oynadığı oyunlar? Yadınızdan çıxıb, yoxsa? Qol kralı olmuşdu. Əziz Nesin sağ olsaydı, bir “Qol kralı” da İlhan Mansızdan yazardı. Həmin dövr Beşiktaşın heyəti nə idi, İlahi?! İlhan Mansız, Ahmet Dursun, Paskal Numa...

Zeki Demirkubuzun ən çox bəyəndiyi futbolçudur İlhan Mansız: “Bu qədər saf, amma qürurlu, özünə qapanmış, namuslu olduğu üçün… Beşiktaşa düşkün olduğu üçün. Gənclər birliyi oyunu var idi və çempionat yarımfinalı keçirilirdi. Yağışlı bir gündə 4-3 uduzduq və turniri tərk etdik. O cür uduzmağı və yoldaşlarının uğursuzluğunu özünə sığışdırmadı. Yağışın altında ağlaya-ağlaya ağlasığmaz dərəcədə mübarizə apardı, qol vurdu. Onda ağlamışdım. Bax elə o gün “Bu oğlan Beşiktaşın tarixidir” dedim”.

Və Zeki Demirkubuz “Bulantı” filmindəki Beşiktaş formalı uşağın adını da İlhan qoyur...

Türkiyə tarixinin ən acımasız matçı deyə bilərik həmin oyuna. Yağış yağırdı, Beşiktaş uduzurdu, üstəgəl iki qırmızı kart almışdı. Doqquz nəfərlə oynayırdı... Amma elə bil İlhan Mansız tək başına oynayırdı həmin oyunda, üç qolu da o vurmuşdu. İki qırmızıdan sonra yəqin ki, uduzduq dedik. Ancaq İlhan Mansız bərabərlik qolunu vurdu. Əlavə hissələrə keçən oyunda Beşiktaşın qapısı qol gördü. Və İlhan Mansız diz çöküb ağladı...

Qürurlu, namuslu, özünə qapanmış və saf. Zeki Demirkubuz əfsanəni belə təqdim edir. Almaniyadan gəlmiş, yeni ümidlərlə dolu bir gənc. Aktyorluq da edir, buz yarışlarına da qatılır və sonra futbola gedir. Gələn kimi fırtınalar əsdirir meydanda və hamını mat qoyur. Türklərin dediyi kimi, gəldi bir boran, getdi bir tufan.

Avtomobil qəzasından sonra tərk etdi futbolu.

O gündən sonra futbolun saflığı, qüruru sarsıldı. İlhan Mansızsız futbolun sənəti getdi. İndi elə baxmaq olmur futbola. Hər an adama elə gəlir ki, o qıyıq gözlü, saf uşaq çıxacaq qabağına.

Bir serialda oynamışdı İlhan Mansız. Canlandırdığı qəhrəman ürək köçürmə əməliyyatından sonra gözlərini yummuşdu həyata. Bilmirsən, özününmü taleyini oynadı, yoxsa başqasınınmı? Amma həqiqət budur: İlhan Mansızın ayaqlarının olmadığı futbol mənə kədərli bir filmi xatırladır.

Sonu faciə ilə bitən filmi...

REKLAM

Yazarın digər yazıları

Xəbər lenti

Nizamiyə həsr olunan müsabiqənin qalibləri bilindi
14:02 16 İyun 2021
Dayısı Rəşid Behbudov onu səhnəyə həsrət qoydu, küsüb Azərbaycandan getdi, anası ölənəcən yolunu gözlədi – Qürbətdə can verən müğənnimiz
13:11 16 İyun 2021
Tarix bizi Şuşada gözləyirdi – Aqşin Yenisey yazır...
12:39 16 İyun 2021
Vaqif İbrahimoğlunun 32 il sonra reallaşan xahişi
12:30 16 İyun 2021
Fərid Hüseyn Nizamidən mühazirə oxuyub
11:59 16 İyun 2021
Aləmi bürüyən ədəbiyyat ətri - İlham Əziz yazır...
11:30 16 İyun 2021
Seda Sayan Mehmet Ali Erbili təcavüzdə ittiham etdi
10:56 16 İyun 2021
Anar, Çingiz Abdullayev, Vaqif Səmədoğlu Monteneqro dilində…
10:05 16 İyun 2021
İlhamiyyə Rza: “Həmid efirdə lap ağ eləmişdi” – Müsahibə
09:01 16 İyun 2021
SSRİ-də yay istirahəti - Nostalji fotolar
21:00 15 İyun 2021
Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021
Gənc rejissora görə Kürdəxanı həbsxanasına getdi, ən açıq səhnələrə çəkilən aktrisa kimi tarixə düşdü - Onu Təhminə roluna niyə layiq görmədilər?
12:15 15 İyun 2021
Saçım sığalının dadını bilməz...
11:46 15 İyun 2021