Türkiyənin “Cümhuriyyət” qəzetinin yazarı Zeynəb Oral müsahibə aldığı dünyaca məşhur sənət adamları haqda ən yaddaqalan xatirələrindən ibarət kitab yayımlayıb.
“O sehrli insanlar” kitabı Oral 40 ilə yazdığı deyib və rəssam Salvador Dali ilə müsahibəsinin tarixçəsini danışıb: “Salvador Dali ilə bağlı həqiqətən də gülünc bir xatirəm var.
Parisdə tələbəliyimin son illəri idi. İngiltərəyə getməli idim. Bir fransız jurnalistlə kafedə nahar edirdik.
Qapı açıldı və Salvador Dali yanında bir neçə xanımla içəri daxil oldu. Çox təntənəli bir giriş oldu. Biz də yeməyimizi bitirib getmək üzrəydik.
Qarşımdakı jurnalist “Nə istərdiniz?” kimi bir şey soruşdu. “Həyatda tək istədiyim Dalidən müsahibə almaqdır”, - deyə cavab verdim. Biz qəhvəmizi içərkən ofisiantı çağırdı. Nəsə dedi. Ofisiant da Dalinin stoluna getdi...
Bir az vaxt keçdikdən sonra Dali qalxdı, yanıma gəldi. “Buyurun əmrinizdəyəm. Mənimdən müsahibə almaq istəmisiniz”, - dedi. Çox heyrətləndim, özümü itirdim, əlim ayağım əsdi. O halımı görüb: “Yaxşı. Sabah otelə gəlin danışaq”,- dedi.
Kafedən çıxdım. Yadıma düşdü ki, sabah Londona getməliyəm, biletim var. var. Nə edim nə edim...Kafeyə zəng vurdum. Dalini istədim. “Çox vacib işim çıxdı. Sabah Londona getməliyəm. Bu gün gəlsəm olar?”, - dedim. “Yaxşı, saat 4-də gəlin”, - dedi.
Dediyi vaxtda otelə getdim. Yuxarı çıxdım. Qapını döydüm, açıldı.
Salvador Dali anadangəlmə lüt idi.
O dahi bir rəssam, mən isə 19 yaşım vardı. Geriyə koridora doğru qaçmağa başladım. “Müsahibə almaq istəmirdiniz?”, - deyə arxamdan səsləndi. “İstəmirəm”, -dedim. “Niyə fikrinizdən döndünüz?”, - qışqırdı. “Çünki çılpaqsınız”, -dedim. O da: “Aaa! Üzr istəyirəm. Geyinməyi unutmuşam”, - deyə cavab verdi.
Getdi içəri, geyindi, yenə qapını açdı, oturduq, müsahibəni aldım”.
Məşhur jurnalist Zeynəb Oral Sarbon Universitetinin Teatr Araşdırmaları bölməsindən məzun olub. On beş kitab müəllifidir. 30 ildən çox “Milliyət”, daha sonra “Cümhuriyyət” qəzetində çalışıb.
Günel ƏSGƏRZADƏ
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Erməni müstəntiqə sərt cavab verən cümhuriyyətçi - O, niyə azad edilməsinə razı olmamışdı?
14:00
1 iyun 2026
"Artıq meydanda heç bir bəhanə qalmadı..." - Nəsib Bəy Yusifbəyli gənclərə müraicətində nə yazırdı?
12:00
31 may 2026
Mühacir mətbuatımızın fəallarından biri - O, niyə Tiflisdə həbs edilmişdi?
13:30
28 may 2026
Sinfi mübarizə, yoxsa dil soyqırımı? - Rəsulzadənin üzə çıxarılmayan məqaləsi
10:00
28 may 2026
Ailəsi Sibirə sürgün olunan bəy oğlu – Qiyas bəy Şıxlinskinin faciəvi həyat hekayəsi
10:00
13 may 2026
Faşizm üzərində qələbədə Azərbaycanın rolu - Mozdokdan Berlinəcən döyüş yolu keçən azərbaycanlılar kimlər idi?
12:00
9 may 2026
