news-inner
clock10:12 calendar-gray 23 Sentyabr 2016 view-gray153 dəfə oxunub
view-gray153 dəfə oxunub

Fərid Hüseyn Kladovo şəhərində poeziya gecəsində iştirak edib

Gənc şair Fərid Hüseyn Serbiyanın Kladova şəhərində keçirilən poeziya axşamında iştirak edib. Kulis.az ın məlumatına görə tədbir 22 sentyabr, saat 18:00-da Kladova Mədəniyyət Evində keçirilib.

Bu il Dünya Yazarlarının 53-cü Belqrad Görüşünün iki gününü şairlər qruplar halında ölkənin müxtəlif şəhərlərinə göndərilib. Tanınmış serb şairi, tərcüməçi, akademik Adam Puslyoviç, fransız şair Florentin Palagiya və gənc şair Fərid Hüseyn Kladova şəhərinə gəliblər.

Tədbirin aparıcısı xanım Danjila Barac Konstandinovic qonaqları salamladıqdan sonra, onlar haqda məlumat verib və Dünya Yazarlarının 53-cü Belqrad Görüşünün önəmindən danışıb.

Tədbirdə Serbiyanın milli musiqiləri səsləndirilib, məktəblilər şairlərin serb dilinə tərcümə edilmiş şeirlərini oxuyub. Həmçinin, kladovalı şair Mixail Vasileviç, digər yerli ziyalılar və mədəniyyət evinin məsul şəxsləri çıxış ediblər.

Poeziya gecəsində serb şairi, akademik Adam Puslyoviç Azərbaycan ədəbiyyatından danışıb, Fərid Hüseynin serb dilinə tərcümə etdiyi “Şairlər” adlı şeirini səsləndirib və əlavə olaraq bunları deyib: “Fərid Hüseyn modern poeziyanın təmsilçisi kimi diqqətimi cəlb edib. Belqrada gəlməmişdən əvvəl mən onun serb dilinə çevrilmiş şeirləriylə tanış oldum, fikirlərimi bir neçə həmkarımla bölüşdüm. Onun şeirlərinin fəlsəfi yükü, ideya təlqini və fikrin çatdırılma üsulu məni qane etdi. Bura gələndə özündən şeirlərini aldım və ondan xəbərsiz bir neçə şeirini dilimizə çevirdim. Tərcümələrin surətini özümdə saxlayaraq əlyazmalarımı ona hədiyyə edəcəyəm. F.Hüseynin repressiya, terror, yaradıcı insanın həyatı, inam, sevgi və s. mövzularda şeirləri var. Mövzu müxtəlifliyinin uğuru şairin başlıca üstünlüyüdür və fərqli mövzular şair yaradıcılığının uzunömürlülüyü deməkdir”.

Daha sonra çıxış edən Fərid Hüseyn Azərbaycan Serbiya ədəbi əlaqələrindən, Nobel mükafatçısı İvo Andiriçin Nizami Gəncəvi yaradıcılığı haqqındakı yazısından, Azərbaycanın Serbiyadakı Səfirliyinin fəaliyyətindən, “Kitabçı” jurnalının serb ədəbiyyatına həsr edilmiş xüsusi sayından, uzun illər Azərbaycan-serb ədəbi əlaqələrinin yaranmasında xidmətləri olan şəxslərdən, görülən işlərdən, AZTM-in bu ölkəylə bağlı 2 nəşrindən, müasir Azərbaycan şeirinin durumundan danışıb və şeir oxuyub.

Tədbirin sonunda şairlər şeirləri çap olunan antologiyanın Kladovalı oxucular üçün imzalayıblar.

Xatırladaq ki, Gənc şair Fərid Hüseyn dünyanın nüfuzlu ədəbiyyat tədbiri sayılan, vaxtı ilə Nobel mükafatı laureatları İosif Brodski, İvo Andriç, Çeslav Miloş və s. kimi dünya şöhrətli qələm əhlinin qatıldığı, böyük ənənəyə malik Dünya Yazarlarının 53-cü Beynəlxalq Belqrad görüşündə (18-23 sentyabr) iştirak edir. O, bu tədbirə Bədii Tərcümə və Ədəbi Əlaqələr Mərkəzinin xətti, şair-tərcüməçi Səlim Babullaoğlunun tövsiyə və təqdimatıyla qatılıb.

news-inner-user

17126 məqalə

Oxşar xəbərlər

Xəbər lenti

Ukrayna Milli Kitabxanasında Azərbaycan guşəsi açılacaq
18:31 27 Noyabr 2020
Qayıtdı gülləri yığıb başına, vətən gülşəninin Xarı bülbülü! – Yeni şeirlər
17:44 27 Noyabr 2020
Tələbənin universitetdən qovulması haqlı qərardırmı?
17:09 27 Noyabr 2020
"Qarabağ Azərbaycandır" adlı kitab nəşr olundu
16:34 27 Noyabr 2020
Rejissorumuzun da iştirak etdiyi festivalın qalibləri elan olundu - Siyahı
15:53 27 Noyabr 2020
Nənəsini yemək üstündə ağlatdı, xəstəliyinə görə yardım istədi, işdən çıxarılan gün həyat yoldaşı öldü – Məşhur diktordan maraqlı faktlar
15:11 27 Noyabr 2020
Məşhur Meksika filmlərinin ssenari müəllifi vəfat etdi
14:31 27 Noyabr 2020
İşğaldan azad olunan Xanabert qalası
13:53 27 Noyabr 2020
"Anamın kitabı" filmi gəlir - Yaxında
13:11 27 Noyabr 2020
Mənə ölümümdən yol verin... - Ötən gün dünyasını dəyişən şairin şeirləri
12:31 27 Noyabr 2020
Onlayn dərsdə gülməli vəziyyətə düşən müəllimlər
11:50 27 Noyabr 2020
Qorxu bilməyən işçimiz - Elçin yazır...
11:10 27 Noyabr 2020
Lalə Məmmədovadan duyğu dolu etiraf yazısı: “Hamınızı aldatdım!”
10:28 27 Noyabr 2020
Mirzə Cəlil haqda yeni kitab çıxdı – Dərs vəsaiti kimi təsdiq edildi
09:54 27 Noyabr 2020
Onsuz yaşaya bilmərəm - Bircənin romanı
09:00 27 Noyabr 2020
Tanınmış şairə vəfat etdi
21:10 26 Noyabr 2020
Pənahəli xanın dağıdılmış imarəti
18:37 26 Noyabr 2020
Müvəqqəti komendantlıqlar üzrə iclas keçirildi
17:49 26 Noyabr 2020
Nə yaxşı görüşdük, nə yaxşı yenə - Ən gözəl Kəlbəcər şeirləri
17:01 26 Noyabr 2020
Döyüşçü oğlunu ağladan səbəb - Hekayə
16:17 26 Noyabr 2020