news-inner
clock10:40 calendar-gray 20 Sentyabr 2016 view-gray331 dəfə oxunub
view-gray331 dəfə oxunub

Rəqs Ansamblının 80 illik yubiley tədbiri keçirilib

Sentyabrın 19-da M.Maqomayev adına Azərbaycan Dövlət Filarmoniyasında F.Əmirov adına Azərbaycan Dövlət Mahnı və Rəqs Ansamblının 80 illiyinə həsr olunan yubiley tədbiri keçirilib. Kulis.az ın Azərtaca istinadən verdiyixəbərə görə,tədbir Heydər Əliyev Fondunun və Mədəniyyət və Turizm Nazirliyinin təşkilatçılığı ilə keçirilənÜzeyir Hacıbəyli VIII Beynəlxalq Musiqi Festivalı çərçivəsində reallaşıb.

Gecədə ansamblın arxiv fotolarından ibarət slayd nümayiş etdirilib.

Mədəniyyət və Turizm nazirinin müavini Ədalət Vəliyev çıxış edərək musiqi mədəniyyətimizin tarixində 80 illik yol keçmiş, əsası dahi Üzeyir Hacıbəyli tərəfindən qoyulmuş Azərbaycan Dövlət Mahnı və Rəqs Ansamblının yubileyinə toplaşdıqlarını deyib. Bildirib ki, böyük Üzeyir bəy Azərbaycan musiqi mədəniyyətinin xəzinəsini zənginləşdirmək və milli musiqini təkmilləşdirmək, nota köçürərək geniş xalq kütləsinə çatdırmaq, gələcəkdə Avropa musiqisinə inteqrasiyasını təmin etmək məqsədilə 1938-ci ildə belə bir kollektivi yaratdı. Müxtəlif dövrlərdə kollektivə Ü.Hacıbəyli ilə yanaşı, tanınmış bəstəkarlardan Səid Rüstəmov, Cahangir Cahangirov, Vasif Adıgözəlov, Hacı Xanməmmədov, Telman Hacıyev və Ramiz Mirişli rəhbərlik edib. Ansamblın xoreoqrafiya qrupunda Əminə Dilbazi, Tutu Həmidova, Böyükağa Məmmədov, Roza Cəlilova, Aliyə Ramazanova, Afaq Məlikova, Kamil Dadaşov, Əlikram Aslanov, Nadir Məmmədov və başqa görkəmli rəqs ustaları yetişib. Ansamblın repertuarını Azərbaycan və dünya xalqlarının mahnı rəqsləri, xor əsərləri təşkil edir.

Qeyd edilib ki, Azərbaycan musiqi mədəniyyətinin təbliğində müstəsna xidmətlərinə görə ansambl 1958-ci ildə “Əməkdar kollektiv” fəxri adına layiq görülüb. 1992-ci ildə kollektivə böyük bəstəkarımız Fikrət Əmirovun adı verilib.

Nazir müavini vurğulayıb ki, Azərbaycan mədəniyyətinin və yaradıcı insanların böyük hamisi ulu öndər Heydər Əliyevin 1995-ci ildə imzaladığı Fərmanla Üzeyir Hacıbəylinin doğum günü ölkəmizdə “Üzeyir musiqi günü” kimi qeyd edilir. Bu gün Prezident İlham Əliyev və Heydər Əliyev Fondunun prezidenti Mehriban Əliyeva Azərbaycan musiqisinə böyük diqqət və qayğı göstərirlər.

Vurğulanıb ki, ötən illər ərzində ansambl təkmilləşərək bugünkü səviyyəyə gəlib çatıb. Xarici ölkələrdə keçirilən Azərbaycan günlərində bu ansambl çıxış edir.

Azərbaycanın TÜRKSOY-dakı nümayəndəsi Elçin Qafarlı təşkilatın baş katibi Düsen Kaseinovun adından ansambla təbriklərini çatdırıb. O, TÜRKSOY-la Azərbaycan Dövlət Mahnı və Rəqs Ansamblının əməkdaşlığından söhbət açaraq təşkilatın xətti ilə kollektivin UNESCO səhnələrində çıxış etdiyini diqqətə çatdırıb. Elçin Qafarlı ansamblın türk dünyasında yaxşı tanındığını vurğulayaraq onun bədii rəhbəri Ağaverdi Paşayevə TÜRKSOY-un plaketini, kollektivin veteranlarına isə təşəkkürnamələr təqdim edib.

Yubiley tədbirində Milli Məclisin mədəniyyət komitəsinin sədri Rafael Hüseynov, Ü.Hacıbəyli adına Bakı Musiqi Akademiyasının və Azərbaycan Milli Konservatoriyasının rektorları, Xalq artistləri Fərhad Bədəlbəyli və Siyavuş Kərimi, Azərbaycan Bəstəkarlar İttifaqının sədri, Xalq Artisti Firəngiz Əlizadə, Xalq Artisti Azərpaşa Nemətov, Milli Məclisin deputatı Aydın Mirzəzadə və Xalq Artisti Roza Cəlilovanın video təbrikləri təqdim edilib.

Kollektivi təbrik edənlər arasında Konstantin Moskoviç (Moldova), “Günay” milli rəqs ansamblı (İran), “Qulbanu” rəqs ansamblı, “Səhər” milli rəqs ansamblı (İran), Türkiyə Dövlət Xalq Rəqsləri Ansamblı, Azərbaycan Dövlət Akademik Opera və Balet Teatrının balet truppası, Azərbaycan Dövlət Rəqs Ansabmlı, “Cəngi” estrada folklor ansamblı da yer alıb.

Gecədə, həmçinin Azərbaycan Dövlət Mahnı və Rəqs Ansamblının ifasında mahnı və rəqslər təqdim edilib.

news-inner-user

19042 məqalə

Oxşar xəbərlər

Xəbər lenti

Məşhur şairin qızı: “Atamın ölümünü məndən gizlədilər, amma...” - Müsahibə
21:00 16 İyun 2021
Pakistanda prospektlərdən birinə Nizami Gəncəvinin adı verilib
19:00 16 İyun 2021
Azərbaycan və Gürcüstan arasında ədəbi memorandum imzalandı
18:30 16 İyun 2021
Kamal Abdullanın romanı Almaniyada çap olunub
17:40 16 İyun 2021
Hansı kitabları oxumamalıyıq? - Vacib məsləhət
17:01 16 İyun 2021
Ərdoğan Milli Məclisdə Bəxtiyar Vahabzadənin şeirini dedi - Video
16:24 16 İyun 2021
Stalinin əlindən qaçdı, Məkkədə yaşadı, üç arvad aldı - Leninin müsəlman qardaşı
15:33 16 İyun 2021
Rüşvət alan kişilərin arvadları haqda 10 cümlə
14:45 16 İyun 2021
Nizamiyə həsr olunan müsabiqənin qalibləri bilindi
14:02 16 İyun 2021
Dayısı Rəşid Behbudov onu səhnəyə həsrət qoydu, küsüb Azərbaycandan getdi, anası ölənəcən yolunu gözlədi – Qürbətdə can verən müğənnimiz
13:11 16 İyun 2021
Tarix bizi Şuşada gözləyirdi – Aqşin Yenisey yazır...
12:39 16 İyun 2021
Vaqif İbrahimoğlunun 32 il sonra reallaşan xahişi
12:30 16 İyun 2021
Fərid Hüseyn Nizamidən mühazirə oxuyub
11:59 16 İyun 2021
Aləmi bürüyən ədəbiyyat ətri
11:30 16 İyun 2021
Seda Sayan Mehmet Ali Erbili təcavüzdə ittiham etdi
10:56 16 İyun 2021
Anar, Çingiz Abdullayev, Vaqif Səmədoğlu Monteneqro dilində…
10:05 16 İyun 2021
İlhamiyyə Rza: “Həmid efirdə lap ağ eləmişdi” – Müsahibə
09:01 16 İyun 2021
SSRİ-də yay istirahəti - Nostalji fotolar
21:00 15 İyun 2021
Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021