news-inner
clock11:31 calendar-gray 19 Sentyabr 2016 view-gray439 dəfə oxunub
view-gray439 dəfə oxunub

Xatirələrə toxunmaq yaş köynəyi elektrik xəttindən asmaq kimidi-YENİ ŞEİRLƏR

Bu gün gənc şair Aqşin Evrənin doğum günüdür. Kulis.az bu münasibətlə onu təbrik və yeni şeirlərini təqdim edir.

Çörək qırağı qadın

Çörək qırağı qadın,

indi səndən “Necəsən?” yox, “neçəsən?” soruşmaq istəyirəm
Bizim orta məktəb yaşımız deyil axı
İndi bizi 2 almaq deyil, iki ola bilməmək ağrıdır

İndi

- “Salam. NEÇƏSƏN?”
- “Salam. YOXAM”la başlayır bütün ayrılıqlar

Yalandı, “ayrılıq” sözünün yanında heç vaxt “başlamaq” sözü olmur
Ayrılıq elə sondu, bitməkdi
gecələr...
gecələr öz yatağının içində itməkdi

Yerdən götürüb daşın üstə qoyduğum tikələr haqqı,
bir xalqın çörəksizliyi qədər ağrıyıram

Çörək qırağı qadın, görəsən,

bir pencəyin altında iki can gəzdirənlər daha çox bədbəxtdi,
ya eyni yorğan altında bir-birini bezdirənlər?

Sən də bilirsən,
Sevgidə ayaqları yox, əlləri yorur gözləmək...

Çörək qırağı qadın,
Bu şiddətli ağrıların bir asta-asta öldürməyi var,
bir də gecə yarısı yuxudan oyatmağı
Səndən heç nə istəmirəm... bircə
Ayaqlarına qayıtmağı öyrət, qayıtmağı

Yaş köynəyin fotosu

İndi bütün gözləməklər qapında ölüb

Day o gəlmir deyə, pəncərən kor qalıb,

qapın da ölüb...

Elə bil saçın da onu tapmaqçün

uzanır harasa... harasa gedir

Sənin bədəninin yarsı evdədir,

geyinib yarısı harasa gedir

Köynəyin ütüləyirsən əlin üşüyür

Atıb getmək istəyirsən ağrıyır ayaqqabın

Bilirsən, ömürdən doğma biri gedəndə

Üşüyüb tez evə girər çöl qapın...

Hə, asandı qab yumaq... yemək bişirmək
Bircə həmişə oturduğunuz skamya indi bir az soyuq,

indi bir az kirlidi

İndi xatirələrə toxunmaq onun yaş köynəyini

elektrik xəttindən asmaq kimidi.

Durna qatarına son bilet


Bakının ağ buludları saçlarına ilişib, ata
Ciyərimdəki su hər “sənlə nəfəs alıram” dedikcə gözlərinə dolub
Gözlərin dolub
Sinoptiklər bildirir ki, taleyimə dolu gözlənilir

Ata ömrünün epiloqu
hər övladın “Göz TV”-sində üzüntüylə izlənilir.

Zəfər təxirə salındı, çünki şahım devrilib
İndi kadr önündə mat qalmışam
Bağışla ata, bu gün alın yazımdan 2 almışam.

Ölüm-itim dünyasıdı,
Ölüm olma, razıyam itin olaram
Deyirlər, itlərin sədaqəti daha güclü,
daha sağlamdı
Torpaq hamı üçün döşəmə olsa da
ölülər üçün damdı
Başımız o qədər daşdan-daşa dəyir ki,
sonda bizə başdaşı qoyurlar
Təkcə öləndə saflaşırıq, ata,
Onda da cəsədimizi bu dünyanın çirkli suyuyla yuyurlar…

Başına qarışqa yükü qədər dən düşür
saçların ağarır, sən heç qəm yemə…
Zənn et ki, bu bəyazlıq ağ undur:
Tanrı öz ruzisini başından tökür
Həyatın bir qanunu var:
“Torpaqdan yarananı yavaş-yavaş torpaq da özünə çəkir”

56 yaşında şəxsiyyətin 5 qiyməti alsa da,
belin 6 rəqəmi kimi bükülüb
Nəzərlərini yerə dikən həyat
səni torpağa öyrəşdirib
İndi dərs otağımda
sən adlı bir məqbərə sökülüb
Bütün riyazi hesablamaları həll etsəm də,
sənin qalan ömrünü hesablaya bilmirəm
Üçbucaqlar dodaq büzür,
Pifaqor məyusdur
Çünki hesab fənnindən sinifdə qalmışam
Bağışla ata,
bu gün alın yazımdan 2 almışam.

news-inner-user

19977 məqalə

Oxşar xəbərlər

Xəbər lenti

Vyetnam prezidenti ilə dostluq edən, 4 qardaşını vaxtsız itirən, Türkan Şorayı filmə çəkən Xalq artistimiz - Maraqlı faktlar
21:00 20 Sentyabr 2021
Qarabağda 15 tarix-memarlıq abidəsi pasportlaşdırılıb
18:59 20 Sentyabr 2021
Pikassonun əsərləri Fransa hökumətinə bağışlanacaq
18:31 20 Sentyabr 2021
Britaniya filmi beynəlxalq müsabiqədinin qalibi oldu
18:00 20 Sentyabr 2021
Uşaqları sevməyimizin sirri - Sahib Altay yazır...
17:16 20 Sentyabr 2021
Məmməd Əmin Rəsulzadənin nəvəsinin ölüm anı lentə alınıbmış - İlk dəfə - Video
16:38 20 Sentyabr 2021
Soyuq burnunla toxunursan üzümə - Rasim Qaracadan şeirlər
16:17 20 Sentyabr 2021
Səyyad Əlizadədən xəbər var
15:30 20 Sentyabr 2021
Ölkəmiz Tallində keçirilən festivalda təmsil olunub -Fotolar
15:20 20 Sentyabr 2021
Ramiz, Əkrəm, Seymur... – Oxucular kimi görmək istəyirlər? - Sorğu
14:41 20 Sentyabr 2021
"Emmy" mükafatının qalibləri bəlli olub - Siyahı
13:49 20 Sentyabr 2021
Tanınmış şairin Cıdır düzündə yazdığı şeir – Mətn
13:25 20 Sentyabr 2021
Atasını həbsxanada öldürdülər, haqqında Stalinə məruzə edildi, rus qızlara görə Sofi Loreni rədd etdi - Tolstoyun qohumu olan azərbaycanlı
12:28 20 Sentyabr 2021
Elçin Hüseynbəyli haqqında kitab nəşr olunub
11:27 20 Sentyabr 2021
Qəbrinin üstündə kitab rəfi yaradılan Nərminin hekayəsi
11:00 20 Sentyabr 2021
Çinarənin mahnısı qalmaqal yaratdı - Oğru kimdir?
10:31 20 Sentyabr 2021
Güllü Muradova: “Məni efirdə görüb, deyib, bu qızı alacam” – Müsahibə
09:00 20 Sentyabr 2021
Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021