Süni intellekt hər keçən gün bir az daha inkişaf edir. Bundan əvvəl film ssenarisi yazan aparat, indi roman yazıb. Kulis.Az türk mətbuatına istinadən xəbər verir ki, yaponların hazırladığı cihaz qısa roman yazaraq ədəbiyyat dünyasına daxil olub.
Aparatın yazdığı “Bir kompüterin roman yazdığı gün” adlı qısa roman Yaponiyanın keçirdiyi beynəlxalq ədəbiyyat mükafatında finala çıxıb.
Yaponiyanın “Hoşi Şiniçi” ədəbiyyat mükafatı bir neçə ildir insanın yaratmadığı yaradıcı işlərin də müsabiqəyə iştirakına razılıq verib. Ancaq ilk dəfə müsabiqəyə süni intellekt tərəfindən yazılan roman göndərilib. Yarışmaya qatılan 1450 əsərin 11-nin ən azı bir bölümü aparatlar tərəfindən yazılıb. Bunlardan biri də Hitoşi Matsubaranın təkmilləşdirdiyi və finala qalmağı bacaran yazar robotdur. Hitoşi Matsubara işçiləri ilə birlikdə bəzi kəlimə və cümlələr seçərək romanın strukturunu hazırlamış, davamını yazmağı üçün isə işi süni intellektə həvalə etmişdir.
Xatırladaq ki, Hitoşi Matsubara finalda qalib gələ bilməyib. Robotun yazdığı romanın heyrətləndirici dərəcədə gözəl olduğunu deyən yapon fantastik yazıçısı Satoşi Haşe yalnızca personajların təsvirinin zəifliyi ucbatından birinciliyin əldən verildiyini açıqlayıb. Yazıçı düşünür ki, robotun insan duyğularından uzaqlığını nəzərə alsaq, bu heç də təəccüblü deyil.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər