Kulis.Az şair İmir Məmmədlinin “Qatarı yan keçən sərnişin” şeirini təqdim edir.
Bir dəfə intihar etmək istədim,
Yavaşca uzanıb başımı qoydum
Qılınc tək parlayan dəmiryoluna.
Bəxtə bax, onda da qatar gecikdi.
Bezdim gözləməkdən, durmaq istədim,
Elə həmin anda göründü qatar.
Pıçıltıyla oxudum Həmd-surəni.
Qatar böyüyərək yaxınlaşırdı.
Böyrümü dəyişdim, dedim, qoy onun
Ölüm boyda olub lap şişdiyini
Görməyim barı.
Duyurdum arxadan gələn ölümü,
Bu daha çətindi. Göz-gözə olmaq, -
Qatarın gözünün içinə baxmaq
Xeyli asandı.
Odur ki böyrümü bir də dəyişdim.
Lap azca qalmışdı, inan lap azca,
Qəflətən qatarın yolu dəyişdi.
Sən demə vağzala ikinci yolla daxil olurmuş...
Beləcə qaldım mən fani dünyada
Qatara gecikmiş... (üzr istəyirəm)
Qatarı yan keçmiş sərnişin kimi.
Burdan qatar keçmir, qoyun uzanım
Həsrət ilə baxım göyün üzünə.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
