Tom Henks filmini bəyənməyənlərin pulunu qaytarır

Kino

Ana səhifə
Kino

Tom Henks filmini bəyənməyənlərin pulunu qaytarır

18 avqust 2011

14:37

Tom Henks filmini bəyənməyən cütlüyə kinoteatr biletinin pulunu geri qaytarıb.

Tanınmış amerikan aktyor Tom Henks baş rolunu Culia Robertslə paylaşdığı “Larri Kraun” filmini bəyənməyən cütlüyə kinoteatr biletlərinin pulunu geri verib.

Los Ancelesdəki yanacaqdoldurma məntəqəsində aktyora yaxınlaşan bir cütlük filmi bəyənmədiklərini deyiblər. İfadələrinin sərt olduğunu sezən cütlük: “Gözləntimiz çox böyük idi. Ona görə çox təəssüfləndik yəqin”, - deyə vəziyyəti düzəltməyə çalışıblar.
“Böyük”, “Kod da Vinci” kimi filmlərdə oynayan Tom Henks cütlükdən üzr istəyib və cibindən 25 dollar çıxararaq kinoteatr biletinin pulunu geri qaytarıb.

“Larri Kraun” filmi bu ilin iyul ayından kinoteatrlarda göstərilməyə başlayıb. Henks filmin baş rol ifaçısı olmaqla bərabər, həm də ssenaristi və rejissordur. 30 milyon dollar büdcə ilə çəkilən film indiyədək 52,4 milyon dollar gəlir gətirib.

Günel ƏSGƏRZADƏ