news-inner
clock09:30 calendar-gray 20 Avqust 2016 view-gray338 dəfə oxunub
view-gray338 dəfə oxunub

Sevgilisi zorlanan milis - “NAMƏLUM KİNO”

Kulis.az “Naməlum kino” layihəsində Tofiq Tağızadənin 1982-ci ildə çəkdiyi “Evin kişisi” filmini təqdim edir.

Süjet: Hadisələr kənddə baş verir. Rövşən (Fərhad İsrafilov) Əntiqə (Elza Beaşimova) ilə uşaqlıqdan bir-birini sevir. O, əsgər gedir, Əntiqə isə məktəbi bitirib, imtahan vermək üçün Bakıya yola düşür. Burda o, həmkəndlisi Pənahla (Ömür Nağıyev) rastlaşır. Pənah imtahandan kəsilən Əntiqəni qaldığı otelə aparır, o, qızı inandırır ki, tanış professoru vasitəsilə onun instituta qəbul olunmasına kömək edəcək. Otel otağında Əntiqəyə şərab içirdərək onu zorlayır. Sonra Pənah onunla evlənmək istədiyini deyir. Əntiqə onun təklifini rədd eləyir, kəndə geri dönür. Rövşən əsgərlikdən qayıdandan sonra milis orqanlarına işə düzəlir, Əntiqəylə görüşmək istəsə də qız ondan qaçır. Evdə isə onun başqa qayğıları var. Bacısı Səyyadı (Sevil Rəsulova) ərə vermək üçün anası (Barat Şəkinskya) cehizin pulunu tapmağı, toy eləməyi onun öhdəsinə qoyur. Çünki o, evin kişisidir. Rövşən onun üzərinə düşən məişət qayğılarının öhdəsindən gəlməyə çalışır.

“Evin kişisi” İsi Məlikzadənin eyni adlı povesti əsasında ekranlaşdırılıb, ssenari müəllifi də yazıçının özüdür.

Janrına görə film daha çox lirik sosial dramdır. Və bu günümüz üçün də son dərəcə aktual olan, zaman-zaman ailələrdə konfliktlərə səbəb verən məsələləri önə çəkir.

Əhvalatda qabardılan əsas problemlərdən biri yeni ailə institutuna köhnə, əhəmiyyətini itirmiş baxışdır. Zira yaşlı nəsil bununla barışmaq istəmir.

evin kisisi.jpg görüntüleniyor

Rövşənin anasının bütün qayğısı nə olursa-olsun qızına yaxşı cehiz vermək, təmtəraqlı toy eləməkdir. Rövşən əsgərlikdən gələn gün, ana onunla qucaqlaşıb hal-əhval tutmadan, dincəlməyinə macal vermədən evin kişisi kimi oğlunun ailə üçün məsuliyyət daşıdığını deyir.

Qadını qızının hissləri, nə istədiyi maraqlandırmır. O, düşünür ki, möhkəm, xoşbəxt ailənin təməli daha çox yaxşı cehizin üzərində qurulur.

Müəlliflərin qabartdığı ikinci aktual məsələ qadına qarşı zorakılıq, qadın haqlarıdır. Universitetin hüquq fakültəsində oxuyan, vəzifəli şəxsin övladı olan Pənahdan ötrü qadın məqsədinə çatmaq üçün vasitədir. Pənahın işdə bir qadınla şəxsi zəmində problemləri var, həmin qadından xilas olmaq üçün ona təcili ailə qurmaq lazım gəlir. Və o, Əntiqəni qurban seçir.

Əntiqənin də, Rövşənin də anası düşünür ki, qız zorlanıbsa, bu vəziyyətdə yeganə günahkar onun özüdür. Hətta Rövşənin anası qızı Sayyada daha onunla görüşməməyi, dostluğu bitirməyi tələb edir. Amma o, rəfiqəsini atmayacağını deyir.

Əntiqənin anası (Zemfira Sadıqova) qızının dərdini bölüşmür, ona dayaq olmur, əksinə onu qınayır, sərt davranır və dörd divar arasında çürüyəcəyini deyir.

Müəlliflər yuxarıda qeyd olunan problemləri adət-ənənələrə, mental düşüncəyə bağlayırlar.

Sovet hakimiyyəti dövründə qadın haqları, qadın azadlığı qismən həllini tapsa da, mental düşüncə səbəbindən qadına münasibət köklü dəyişməyib. Yəni qadın təhsil ala, işləyə bilər, amma onun əsas problemləri dəyişməz olaraq qalır: zorakılığa məruz qalmış qadın qurban da, zərərçəkmiş də olsa, yenə də tək günahkar odur.

Müasir dövrümüzdə də bir çox ailələrdə belə qeyri-sağlam fikir hakimdir, qətllərin, ailədə münaqişələrin baş verməsinin əsas motivlərindən biri də budur.

Təsadüfi deyil ki, filmdə Pənah cəzasız qalır, ədalət məhkəməsi qarşısında cavab vermir, hətta onu cinayətinə görə məsuliyyət daşıması kiminsə ağlına gəlmir.

Ümumiyyətlə, “Evin kişisi”ndə lirik xətt güclüdür, sosial problemlər lirizmin fonunda küncə sıxışdırılır.

Amma hər halda sonda gənclər adət-ənənəyə, mentallığa yox deyir. Səyyadın nişanlısı (Əliabbas Qədirov) adət ənənlərə qarşı gedərək nişanlısı ilə sadə nikahla kifayətlənir. Rövşən isə sonda Əntiqəyə qayıdır, amma onun qayıdışının kökündə qadını anlaması yox, sevgisi dayanır.

Bu film operator Kənan Məmmədovun kinoda ilk işidir. Çəkilişlər Şəki və Yardımlıda aparılıb.

Oxşar xəbərlər

Xəbər lenti

Yapon caz ifaçısı Azərbaycan ordusuna pul köçürdü
15:29 23 Oktyabr 2020
Beynəlxalq Türk Mədəniyyəti və İrsi bəyanat yaydı
14:52 23 Oktyabr 2020
Allahı danan müəlliminin başına stul çırpdı, ömür boyu övladı olmadı, qızlığını xalası oğluna qısqandı - Xalq artistindən maraqlı faktlar
14:15 23 Oktyabr 2020
Facebookda yayılan təhlükəli döyüş videoları
13:34 23 Oktyabr 2020
Köçkünlük statusu – Sevinc Elsevər yazır...
12:47 23 Oktyabr 2020
Dağıdılan, dəyişdirilən, yer üzündən silinən abidələrimiz
12:04 23 Oktyabr 2020
“Bitls” qrupunun keçmiş üzvündən yeni albom
11:18 23 Oktyabr 2020
Qanın alın yazısı yox idi - Aqşindən yeni şeir
10:41 23 Oktyabr 2020
Fərid Hüseynin yeni kitabı çıxdı
10:15 23 Oktyabr 2020
"Qurban olum Azərbaycan" mahnısının söz yazarı vəfat etdi
09:40 23 Oktyabr 2020
Gərək o sirrin üstünü açmayaydım - Bircənin romanı
09:00 23 Oktyabr 2020
Azərbaycan beynəlxalq musiqi festivalında təmsil olunacaq
18:41 22 Oktyabr 2020
Məşhur muzeylərin eksponatlarını dağıtdılar
18:04 22 Oktyabr 2020
Kuklada uşaqlar üçün tamaşa
17:23 22 Oktyabr 2020
Arvadına kölə kimi baxan varlı ər – Hekayə
16:44 22 Oktyabr 2020
Britaniyalı rəssamın əsəri 9.8 milyon dollara satıldı
16:01 22 Oktyabr 2020
Ərtoğrul məktubunda Üzeyir bəydən nə xahiş etmişdi? - Hüseyn Cavidin 24 yaşında ölən yeganə oğlu
15:22 22 Oktyabr 2020
İti qovum, qurdu qovum, səni qovmayım – Təzə atalar sözləri
14:38 22 Oktyabr 2020
Zəngilanlı müğənni: "Torpağını üzümə sürtəcəm"
13:56 22 Oktyabr 2020
Hamımız vətənə oxşayırıq - Xanım İsmayılqızından qələbə şeirləri
13:18 22 Oktyabr 2020