news-inner
clock11:59 calendar-gray 12 Avqust 2016 view-gray321 dəfə oxunub
view-gray321 dəfə oxunub

Anam evdən getdiyi gün – Aqşin Evrənin uşaqlıq fotosu

Şəkillərdə yaxşı düşür uşaqlıq – LAYİHƏ

Kulis.az“Şəkillərdə yaxşı düşür uşaqlıq” layihəsində məşhurların uşaqlıq şəkilləri və bununla bağlı xatirələrini təqdim edir.

Aqşin Evrənin uşaqlıq fotosu.




Burda 3 yaşım var.

Bu şəkil albomumuzda salamat qalan yeganə ailəvi şəklimizdir. Həmişə anamla atam dalaşanda anam şəkilləri qayçı ilə iki yerə ayırırdı. Yəni şəkildə ayrılırdılar. Tez-tez albomu açıb şəkillərə baxırdım, hamısında ayrı idilər, bircə bundan başqa.

Bu fotonun mənim üçün bir əhəmiyyəti də ondan ibarətdir ki, burada atamın sağ əlinin barmaqlarını görürəm. Atamın sağ əli bircə bu şəkildə bütövdür. Ağdam döyüşlərində yaralanandan sonra onun sağ əlinin barmaqlarına ancaq bu fotoda baxa bilirik. Vallah, dəfələrlə oturub bu fotoya hansısa maraqlı cizgi filminə baxırmış kimi baxmışam.

Albomda bircə bu foto qayçı görməyib. Ancaq mənə elə gəlir ki, bu şəkil onsuz da çəkildiyi gün kəsilib, onsuz da yarımçıqdır. Məncə, elə anam da məhz buna görə kəsməmişdi bu şəkli.

Bircə bu şəkildə ayrılmamışdılar... Sonra elə oldu ki, onlar təkcə şəkillərdə yox, həyatda da ayrıldılar...


Və sonra:

Qapının ağzında ayaqqabının biri azaldı
Atam “əcəb evimiz genişləndi e” deyib təsəlli doldurdu cibimizə
Anam evdən getdiyi gün bizi atıb çölə çıxdı ev
Həsrət qaldıq evimizə...


...Bir də çox sevinirəm ki, atam bu fotoda mənim əlimdən sağ əli ilə tutub. Bu, mənə nəsə müdhiş rahatlıq, hüzur verir. Nə vaxtsa mən atamla sağ əllə görüşmüşəm, salamlaşmışam!

Yadıma gəlir, atam əlini həmişə suya (sonralar öyrəndim ki, “marqanis” imiş) qoyurdu. Dəfələrlə anamdan soruşurdum ki, onun əlinə nə olub? Demirdi, ya da əzilib deyirdi. Bir dəfə dedi ki, “bax, əgər dibçəkdəki gülə su verməsək, o da böyüməz. Atan uşaqlıqda əlini yumadığı üçün onun barmaqları çıxmayıb. Əgər sən də həyətdə oynayandan sonra əlini yumasan, barmaqların atankı kimi balaca qalar”.


Yadıma gəlmir, onun bu möhtəşəm yalanına inanmışdım, ya yox. Amma nə yalan deyim, neçə dəfə ağlımdan keçmişdi atamın əlini suya qoymaq. Hətta o yaralı əlini marqanisə qoyanda elə bilirdim ki, bunu məhz əlinin böyüməsi üçün edir.

Sonra nələrsə oldu, tarixə çalın-çarpaz iki dağ çəkmiş XX əsr bitdi, böyüdük, atam bizə döyüş yolunu, yaralanmasını, dəfələrlə ölümün əlindən qaçıb yaxa qurtarmasını danışdı.

Böyüdük... Başa düşdük ki, atalar övladlarından həmişə ikiəlli yapışırlar. Tək əlləri olsa belə.

news-inner-user

19989 məqalə

Oxşar xəbərlər

Xəbər lenti

Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
21:00 21 Sentyabr 2021
Pekində beynəlxalq film festivalı başlayıb
18:55 21 Sentyabr 2021
Gənc yazarın ilk şeirlər kitabı nəşr edildi
18:15 21 Sentyabr 2021
Aqşin Yenisey: “Bu, milli biabırçılıqdır” – Müsahibə
17:47 21 Sentyabr 2021
Seviş mənimlə, gecədir! – Məlihə Əzizpurun şeirləri
17:30 21 Sentyabr 2021
Ailə dəyərləri, qadın azadlığı və fahişəlik
16:44 21 Sentyabr 2021
Bizi zibilə salanlar - Sevda Sultanova yazır...
15:50 21 Sentyabr 2021
Rejissor öz ölümündən film çəkdi
15:10 21 Sentyabr 2021
Məktəb oxumayan yazıçı Nobeli necə aldı?
14:12 21 Sentyabr 2021
Fotoqraflar arasında müsabiqə elan olundu
13:02 21 Sentyabr 2021
Qardaşının ölümünü ondan gizlədilər, həkimlər övlad qadağası qoydu, “Ağlama, Zaur” şeirini yazdı - Anar Təhminəni onun həyatından götürmüşdü?
12:10 21 Sentyabr 2021
Şəhid anasının əli ilə veriliş bağlayan Tolik
11:33 21 Sentyabr 2021
Səməd Vurğuna görə ianə toplanır – Foto
11:01 21 Sentyabr 2021
Laçında teatr açmaq istəyən aktyor – Müzakirə
10:33 21 Sentyabr 2021
Çingiz Abdullayev Vətən müharibəsindən hekayə yazdı – Mətn
10:05 21 Sentyabr 2021
Məşhur müğənni əməliyyat olundu
09:31 21 Sentyabr 2021
Toy gecəsi mahnıya görə döyülən gəlin – Yeni hekayə
09:01 21 Sentyabr 2021
Vyetnam prezidenti ilə dostluq edən, 4 qardaşını vaxtsız itirən, Türkan Şorayı filmə çəkən Xalq artistimiz - Maraqlı faktlar
21:00 20 Sentyabr 2021
Qarabağda 15 tarix-memarlıq abidəsi pasportlaşdırılıb
18:59 20 Sentyabr 2021
Pikassonun əsərləri Fransa hökumətinə bağışlanacaq
18:31 20 Sentyabr 2021