news-inner
clock09:00 calendar-gray 12 Avqust 2016 view-gray241 dəfə oxunub
view-gray241 dəfə oxunub

"Behzat Ç"-nin ən yaxşı türk serialı olmasının 10 səbəbi

Kulis.az “Behzat Ç” serialına baxmaq üçün 10 səbəb” yazısını təqdim edir.

1. Bir roman qəhrəmanıdır Behzat. Hətta iki roman qəhrəmanıdı: “Hər təmas iz qoyur” və “Son qazıntı”. Bəlkə buna görə də ekranlarda yad görünür. Bizim alışmadığımız tiplərdəndir. Qəzetlərin ancaq idman səhifələrini oxuyur. Müttəhimləri, əmrində çalışan polisləri döyür. Hər zaman sərxoşdur. Bəzən zorakılığı patoloji səviyyəyə yüksəlir. Amma həm də bir ruh insanıdır, dostu üçün hər cür fədakarlığı edir. Ziddiyyətlərdən doğulub. Və bu ziddiyyətlərlə yaşayır. Qızının qatilini belə… Nəsə. Süjetdən danışmayaq. Serialın uğurunun ilk səbəbi Behzatın özüdür. Həyata qarşı törədilən cinayətlər bürosunun rəhbəri Behzat Ç. Soyadı isə hər zaman naməlum qalır.

2. Serialın əsas gücü isə bəlkə də onun ifrat dərəcədə realist olmağındadır. Tamaşaçı bir çox hallarda seriala baxdığını da unudur. Bəlkə elə bu səbəbdən ki, serial qapanmaq təhlükəsi yaşayanda ilk dəfə olaraq insanlar küçəyə çıxaraq etiraz aksiyası keçirtdilər. Bəzən bizə çox adi gələn dialoqlar, insanların məişət qayğıları və obrazlar o qədər realistdir ki, tamaşaçı beləcə də düşünür: Məgər bu bizim həyatımız deyilmi?

3. Üçüncü səbəb isə Harundur. Bir az sadəlövh, hadisələrə gec reaksiya verən adamdı Harun. Və sevdiyi qadına görə ingilis dili kursuna getməklə böyük fədakarlığı da olub. “Beni kimse sevmedi, abi” nidası hələ də qulağımızda səslənir.

4. Behzat Ç “Kurdlar vadisi” və “Arka sokaklar” kimi bəzən dərin dövlətə də gedib çıxır. Lakin burda superqəhrəmanlıq nağılları yoxdur. Dedik axı, hər şey gerçəkdir. Və arı yuvasına çöp soxanların aqibəti heç zaman dəyişmir. Behzat elə gerçəyin özüdür.

5. Behzat həm də dostluq haqqında balladadır. Cinayət şöbəsinin komissarları Harun, Akbaba, Hayalet hər nə qədər bir-biriləri ilə savaşsalar belə bir-birləri üçün ən böyük fədakarlıqları da edə bilirlər.

6. Serialın bütün qəhrəmanları travmatikdir. Akbaba hələ də uşaq vaxtı zorlanan sevgilisini unuda bilmir. Hayalet uşaq ikən bilmədən atasını polisə satıb. Behzat isə... Onun dərdi dillə yox, sazla deyiləsidir. Serial ərzində iki dəfə ruhi xəstəxanaya düşməsini desəm bəlkə də mənzərəni qismən yarada bilərəm.

7. Ercüment Çözer: Multimilyoner iş adamı və adicə manyak. Necati İşlerin ruh verdiyi bu rol da ziddiyyətlidir. Bəzən Behzata yaxşılıqlar da edir, amma mahiyyətcə manyakdır. Amma dərindən baxanda görürsən ki, o da Behzat kimi dəlidir, bir az başqa cürə dəli olsa belə.

8. Behzat Ç İstanbuldan kənarda çəkilən dizilərin ən populyar olanıdır. Və əslində bir Ankara nağılıdır. Seriala baxdıqdan sonra Ankara bizə bir başqa cürə doğma, bir başqa cürə əziz olur. Və Behzat Ç də Ankaranın simvollarından biridir.

9. Serialın ən yaxşı cəhəti isə zarafatlardır. Bəzən çox mənasız zarafatlar də edirlər. Bəzən isə uğurlu. Amma hər zarafat güldürür. Çünki onlar bizim evin adamı qədər doğmadırlar.

10. Behzat Ç serialı insanın nə qədər mürəkkəb bir varlıq olduğunu göstərir. Sevgiləri, xəyanətləri, ağrıları, gülüşləri və qısası insana aid olan hər şey elə bu diziyə də aiddir. Və buna görə də vazkeçilməzdir.

BONUS: Behzat Ç replikaları

- Seviyorum, merkez, seviyorum.

-Her kes mutlu olacak diye bir şey yok ki. Biz de mutsuz olalım.

-Dünyanın ekseni kaydı Behzat. 12 cm yerinden oynadı, sen bana 1 cm bile yaklaşmadın.

-Ben cinayet oldum, abi.

-Ben iyi bir adam olamadım. Ama kimsenin de adamı olmadım.

news-inner-user
Qan Turalı

228 məqalə

Oxşar xəbərlər

Xəbər lenti

Əruz vəznində yazılmış ən gözəl təbiət şeiri - Mətn
17:01 11 İyul 2020
Kəramət Böyükçöl: "Məşhurluğumun arxasında dura bilmirəm" - Video
16:29 11 İyul 2020
Özgə adam - Xəyyam Rəfilinin hekayəsi
15:42 11 İyul 2020
Polşa fondu Bakıda müsabiqə elan etdi
14:51 11 İyul 2020
İcazə verək, insanlar Allahlarıyla dalaşsın - İlqar Kamil yazır...
14:07 11 İyul 2020
Qarajda yaşayan Əməkdar artistin ürək parçalayan son sözü - Maraqlı Faktlar
13:15 11 İyul 2020
Məktublarda gizlədilmiş sevgilər - Malik Atilayın yeni şeirləri
12:08 11 İyul 2020
Sadəcə, Şahin
11:18 11 İyul 2020
Orxan Pamuk Qərbə yarınır - Şəhriyar yazır...
10:21 11 İyul 2020
Tofiq azərbaycanlı qızı ləkələyir, rus qızıyla evlənir – Məşhur filmin pərdəarxası
08:59 11 İyul 2020
"Sabir Rüstəmxanlı ilə Sirus Təbrizlini atam bu otaqda barışdırdı" - Sabir Əhmədlinin evindən reportaj
21:01 10 İyul 2020
Türkiyəli aktyor ölümlə təhdid olunur
18:17 10 İyul 2020
Əti, sümüyü var, qanı yoxdur – Həmkarları İlham Əzizi tənqid edir...
17:29 10 İyul 2020
Berqmanın filmi əsasında serial çəkilir
16:39 10 İyul 2020
Azərbaycanlı müğənni koronavirusdan sağaldı
15:50 10 İyul 2020
Əliağa Vahidi ölümdən qurtaran dostu - Maraqlı faktlar
15:07 10 İyul 2020
Dördbucaqlı qətl hadisəsi – Əli Şirin Şükürlü yazır
14:20 10 İyul 2020
“Çəkməli pişik” onlayn göstəriləcək
13:39 10 İyul 2020
"Heç yerə çıxarda bilmirik" - Vaqif Bayatlıdan xəbər var
12:52 10 İyul 2020
Süni şöhrətə qaçan gənc şair və Allahın “cangüdənləri” – Sərdar Amin yazır...
12:15 10 İyul 2020