news-inner
clock17:10 calendar-gray 02 Avqust 2016 view-gray586 dəfə oxunub
view-gray586 dəfə oxunub

Yazarlarımızın sevdikləri aktyor və aktrisalar – SORĞU

Bu gün Milli Kino günüdür. Kulis.az bu münasibətlə yazarlardan ən sevdiyi aktyor və aktrisaları soruşub. Cavabları təqdim edirik.

Anar: “İndi birinin adını çəkəcəm, o birisi inciyəcək. Ona görə də deyə bilmərəm”.

Aqil Abbas: “Sual çətindir. İndi bilmirsən kimi deyəsən? Birini deyəcəksən, o birisinə ayıb olacaq. Ancaq aktyorlardan Həsən Məmmədov, Fuad Poladov, Rasim Balayevin adını çəkə bilərəm. Bunları bir-birindən ayırmaq da olmaz, hərəsinin öz yeri var. Aktrisalardan da Leyla Bədirbəyli, Nəcibə Məlikova, Nəsibə Zeynalova, Hökümə Qurbanova, Gülzar Qurbanova ən çox sevdiyimdir”.

Elçin Hüseynbəyli: “Həsən Məmmədov çox sevdiyim aktyordur. Aktrisalardan Nəcibə Məlikovanın adını çəkə bilərəm. Son vaxtlara gəlsək, Vaqif Mustafayevin “Yoxlama” filmində Əjdər Həmidovun rolu xoşuma gəldi. Rejissor tapşırığını, mənə elə gəlir ki, doğru yerinə yetirmişdi. İndiki aktrisalardan isə xatırlamıram. Çox qəribə səslənsə də, Hüseyn Cavid haqqında çəkilən “Cavid ömrü” filmində Dilarə Əliyevanın ifa etdiyi rolu çox bəyəndim. Yeni ampluada onu görmək mənə xoş təsir bağışladı”.

İlqar Fəhmi: “Müasirlərimizdən Fuad Poladov və Sənubər İsgəndərli sevdiyim aktyorlardır. Həm istedad, həm də peşəkarlıq səviyyəsi onlarda yüksək dərəcədə vəhdət yaradır. Hər ikisiylə işləmişəm deyə, onların işə necə peşəkar münasibət bəslədiyini özüm görmüşəm... İndiki sənətkarlarda ən zəif cəhət budur məncə. Gənclərdə istedad var kifayət qədər, amma işə peşəkar münasibət zəifdir”.

Aqşin Evrən: “İnarə Quliyevanı “Alma almaya bənzər” filmində bütün film boyu sevirəm (orada müəllimə rolunu ifa edir). O həm qadın, həm də aktrisa kimi daha çox film olub, nəinki aktrisa. “Qayınana”da Afət rolunu oynayıb. Bir də Həmidə Ömərova ilə Leyla Şıxlinskaya – onların gözəlliyi elə canlı aktrisa idi. Aktyorlardan isə Rasim Balayev. Onun “Bəbək” filmindəki andı - çıxışı ilə monqollara (!) üç dəfə yürüş eləyib intiqam almaq olar. Üstəlik, Rasim Balayev 6 il ara ilə Babək kimi döyüşkən və Nəsimi kimi sülhsevər iki obrazı çox ustalıqla canlandırıb. Əgər aktyor tarixi şəxsiyyəti xalqa sevdirə bilibsə, demək, o, maksimum şəkildə işinin öhdəsindən gəlib”.

Rəbiqə Nazimqızı: “Əlabbas Qədirov və Şahmar Ələkbərov. Yaşayanlardan Elşən Rüstəmov və Hikmət Rəhimov. Xanımlardan Zemfira Nərimanovanın fanatı olmuşam hər zaman. Bir də, təbii ki, istisnasız olaraq, YUĞ-un bütün aktyor və aktrisalarını sevirəm. Bir də Həsən Əblucun səsinin dəlisiyəm...”

Cavid Zeynallı: “Bu suala cavab verməkdə çətinlik çəkirəm. Yəni sənət və sənətkar sevgisi nisbidir. Bu gün səni heyrətləndirən aktyor və aktrisa, sabah adi görünə bilər. Ümumi şəkildə desəm, sənətini qiymətləndirdiyim, dəyər verdiyim insanlar var. Bir neçəsinin adını çəkə bilərəm. Rasim Balayev, Nurəddin Mehdixanlı, Fuad Poladov, Fəxrəddin Manafov, Firəngiz Mütəllimova, Sabir Məmmədov, bir qədər sonrakı nəsildən Münəvvər Əliyeva, Gülzar Qurbanova, Rasim Cəfər, lap gənclərdən Hikmət Rəhimov, Tural Baxış, Murad İsmayıl və başqaları. Təbii ki, bu siyahının özü də nisbidir və sabah hansısa filmdə rast gəldiyim sənətçi məni heyrətləndirə, sevdirə bilər. Deməli, onda siyahı daha da genişlənəcək”.

Könül Həsənqulu: “Milli kinolarımızı zövqlə izləyirəm. Müasir kinomuzda fikir verirəm ki, daha çox gözəl aktrisalara və yaraşıqlı, əksərən də idmançı bədən quruluşuna malik aktyorlara üstünlük verilir. Vizuallığa meylin artması nəticədə obrazlılığı öldürür. Mən bunun tərəfdarı deyiləm. Bir izləyici kimi oyunçuların görünüşündə bədiilik axtarıram həmişə. Məhz fransız filmləri bu baxımdan olduqca uğurludur.

Ümumiyyətlə, tək kino deyil, incəsənətin müxtəlif sahələrində, xüsusilə təsviri incəsənətdə şəxsən mən qəhrəmanın gözəlliyini deyil, əsərin gözəlliyini görmək istəyirəm. “Gözəllik” sözü də burada birbaşa mənasından yayına və nisbi anlayış ola bilər.

oşladığım aktyorlar qocaman aktyor Fuad Poladov, gənclərdən isə Rasim Cəfərdir, aktrisalardan isə Nübar Novruzovadır. Novruzovanın sənəti, obraz yaratmaq istedadı, onun, təbiətin bir qadına bəxş edə biləcəyi bütün gözəlliyini kölgədə qoyur”.

news-inner-user

19029 məqalə

Oxşar xəbərlər

Xəbər lenti

SSRİ-də yay istirahəti - Nostalji fotolar
21:00 15 İyun 2021
Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021
Gənc rejissora görə Kürdəxanı həbsxanasına getdi, ən açıq səhnələrə çəkilən aktrisa kimi tarixə düşdü - Onu Təhminə roluna niyə layiq görmədilər?
12:15 15 İyun 2021
Saçım sığalının dadını bilməz...
11:46 15 İyun 2021
Milli Qurtuluş Günü münasibətilə konsert proqramı təqdim edildi
11:22 15 İyun 2021
Cavanşir Yusiflinin ən çox sevdiyi 10 roman - Siyahı
10:58 15 İyun 2021
Heç utanırsan, Ayxan?
10:35 15 İyun 2021
Füzulidə kitab sərgisi açılıb
09:53 15 İyun 2021
Ankarada Yunus Əmrənin 700 illiyi keçirilib
09:47 15 İyun 2021
Azərbaycanlı yazıçı koronavirusdan vəfat edən anası haqda hekayə yazdı – Mətn
09:01 15 İyun 2021
Aşıq Ədalətin oğlu: “İkimiz də ağlaya-ağlaya bir-birimizə baxırdıq” – Müsahibə
21:00 14 İyun 2021
Reza Deqatinin Əfqanıstanda çəkdiyi fotoşəkillər sərgilənib
18:54 14 İyun 2021
"Yüz ilin adamları”: Toğrul Nərimanbəyov – Yeni veriliş
18:33 14 İyun 2021