Şəkillərdə yaxşı düşür uşaqlıq – LAYİHƏ
Kulis.Az “Şəkillərdə yaxşı düşür uşaqlıq” layihəsində məşhurların uşaqlıq şəkilləri və bununla bağlı xatirələrini təqdim edir.
Həmid Herisçinin uşaqlıq fotosu
Bəzi çox nadir fotoların öz dərin mistikası olur. Əvvəlcə görmürsən həmin möcüzəni. İllər keçir... günlər ötür... bir gün qəfil izahsız bir güc səni çəkib gətirir bu fotonun hüzuruna. Bu dəfə, həəə... tam başqa cür görürsən həmin tanış fotonu. Görürsən bu fotoda adi məntiq qanunları büsbütün pozulub. Misal üçün bu fotodakı kimi.
Onu 1987-ci ildə Moskvada lentə almışam. Neçə illərdən sonra bu fotoya baxıb orda öz kölgəmi aşkarladım. Ordakı kölgəmin 10 yaşı var... Şəkil üzərinə müəmmalı bir heykəlin uzun kölgəsi də düşüb. Sonralar bu kölgədə Feliks Djerjinskinin (NKVD rəhbəri-red.) heykəlini tanıdım. Düşündüm öz-özümə - "Niyə bir balaca nöqtədə, fotoda üç insan görüşüb - atam, mən, Feliks Djerjinski?” Sonra gördüm ki, bu fotonun bir başqa gizli qəhrəmanı da var - atamın əlindən buraxmadığı qara çanta. Şəkildə başqa sirlər, başqa insanlar, kölgələr də mövcuddur. Həmin sirləri indi siz tapın...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər