news-inner
clock08:30 calendar-gray 22 İyul 2016 view-gray1004 dəfə oxunub
view-gray1004 dəfə oxunub

17 yaşında ailə quran məhbus müğənni: Dəniz Səki

Bir qadın üçün sevdiklərindən, doğmalarından uzaqda, özü də dörd divar arasına bağlı qalmaq ən böyük cəzadır.

O, indi həyatının ən çətin günlərini yaşayır. İndi onun ən böyük arzusu azadlığa çıxmaqdır: - Azadlığa çıxanda göy üzünə doğru qışqıracam, avazım çatdığı qədər hayqıracam. Sonra çəmənləri öpəcəm, burada insan torpağa, çəmənə, göy üzünə həsrətdir. Bura beton bir həyatdır. Sevdiklərimə doğru qaçacam, sarılacam. Dənizdən ötrü darıxmışam, dənizin sahili boyunca gəzmək istəyirəm. “Haydut” adlı itim var, onun üçün darıxmışam. Dostlarımla adam kimi söhbət etməkdən darıxmışam - deyir...

Söhbət Türkiyənin məşhur müğənnisi Dəniz Səkidən gedir.

Həyatı

Dəniz Səki 1970-ci il iyulun ilk günündə İstanbulda dünyaya göz açıb. 11 yaşlı Dəniz internat məktəbinə göndərilib və orta təhsilini Çamlıca qız liseyində alıb. TRT-nin İstanbul bürosunda aparıcılıq imtahanlarına qatılaraq, qalib olub.

Onu müğənni kimi 1993-cü ildə bəstəkar Melih Kibar kəşf edib. Dəniz Türkiyənin məşhur müğənniləri Kənan Doğulu, Fərda Anıl Yarkın, İzel, Yaşar, Əməl Müftüoğlu, Ege, Zuhal Olcay kimi sənətkarların vokalistliyini edib.

1995-ci ildə onun musiqi karyerası üçün böyük şans yaranıb. “Pop şou - 95” yarışına qatılan Dəniz, öz sözlərindən ibarət mahnısı ilə qələbə qazanıb. Bir il sonra "Heç kim deyiləm” albomu işıq üzü görüb. Albomdakı mahnıların söz və musiqisi Yıldız Tilbəyə məxsusdur.

1999-cu ilin dekabrında söz və musiqilərinin əksəriyyətinin özünə aid olduğu “Anlattım” adlı albomu işıq üzü görüb.

2001-ci il dekabrın 12-də ”Şəffaf” albomunu çıxarıb, daha sonra “Unudar” və “Yakamoz” adlı musiqilərə kliplər çəkdirib. 70-ci illərin Türk pop musiqisinin ən populyar seçmə musiqilərindən olan dördüncü “Aşkların ən gözəli” albomunu 27 avqust 2003-cü ildə yayımlayıb. Beşinci “Eşq Dənizindəki” albomunda olan 14 mahnının 13-nün sözü özünə aiddir.

“Sahici” albomunda yenə əksəriyyəti özünə aid olan mahnılar yer alıb. Bu albomun ilk klipi qardaşı Sərdar Səkinin rejissorluğu ilə “Axmaq” musiqinə çəkilib. Albomun adı ilə eyni olan “Sahici” mahnısına çəkilən klip isə o dövrün sevilən işlərindən olub.

“Zarafat deyil” və “Zirvə” musiqilərinə rəsmlərdən və video görüntülərindən ibarət yeni klipi hazırlansa da, sənətçi həbsxanada olduğu üçün musiqi hitlərində yer almayıb.

Bundan başqa bir neçə filmə çəkilib.

2011-ci ildə “Söz yaşlarım” adlı albomunu yayımlayıb. Həmin il Yavuz Bingöllə 5 seriyalı musiqi proqramında çıxış edib. “Söz yaşlarım” adlı albomun ilk klipi Sərdar Səkinin rejissorluğu ilə “Suya həbs etdim” musiqisinə çəkilib. Musiqi bir çox televiziya seriallarında səsləndirilib. O, həbsxanada olsa da, hazırda sezon finalında olan məşhur serial “Eşkiya dünyaya hökmdar olmaz” serialında rol alıb.

Həbsxana günləri

Dəniz Səki Türkiyə jandarmının narkotiklərə qarşı keçirdiyi əməliyyat nəticəsində tutulub. İstanbul Ağır Cinayətlər Məhkəməsində keçirilən prosesdə müğənni daha sonra sərbəst buraxılıb. Bir müddət sonra məhkəmədə Dəniz haqqında qərar dəyişdirilərək ona 7 il yarım iş oxunub. 24 fevral 2010-cu ildə Dəniz Seki Bakırköy Qadın və Uşaq həbsxanasına köçürülüb.

Dəniz Səki 218 gün sonra, yəni həmin ilin 2 noyabrında məhkəmənin qərarı ilə həbsdən azad edilib. Həbsxanadan əlində Quran ilə çıxan müğənni: “Dəyişdim, yeni, tərtəmiz, həqiqətən təmizlənmiş bir Dəniz Səki görəcəksiniz " deyib.

Ancaq həbsxana divarları yenə də bu qadını rahat buraxmır. Bu dəfə o, narkotik ticarətində ittiham edilir. Müğənni 6 ay gizlənə bilsə də, 2014-cü il noyabrın 15-də gizləndiyi evdə tutulub. O, 16 noyabrda həbsxanaya göndərilib. Birinci prosesdə ona 6 il 3 ay cəza nəzərdə tutulsa da, növbəti proseslərdə cəza 4 il 2 aya endirilib.

Həbsxanada müğənninin səhhətində ciddi problem yaranıb. Dəniz sağ yumurtalığında şiş olduğu üçün dövlət xəstəxanasında əməliyyat olunub. Müğənninin 2017-ci ildə azadlığa çıxması gözlənilir.

Şəxsi həyatı

Dəniz Səki 17 yaşında olanda atasının təzyiqləri onu o qədər bezdirib ki, xilas yolunu ailə qurmaqda görüb. Ancaq təəssüf ki, bu evlilik uzun çəkmir və il yarım sonra boşanır.

1989-cu ildə oyuncaq fabrikinin sahibi ilə evlənib. Müğənninin bu evliliyi də uğursuz alınıb və onlar 3 il sonra boşanıb. Müğənni bir müddət yumorist Okan Bayülgənlə eşq yaşayıb və Okanın xəyanəti ilə münasibətləri bitib. O, musiqiçi Hüsnü Şənləndirici ilə də eşq yaşayanda Hüsnü ailəli və 2 uşaq atası idi. Onların münasibəti 2008-ci ildə ayrılıqla nəticələnib.

2013-cü ildə Dəniz, turizmlə məşğul olan Faruk Salmanla nişanlanıb. Nişanlısı onu həbsxana müddətində tərk etməyib, mümkün olduqca onun yanına gedir, dəstək olur.

Dəniz Səki həbsxanadan “Hürriyət” qəzetinə müsahibə verib

- Həbsxanada bayramlar necə keçir?

- Burada bayramlar çox kədərli keçir. Analar, uşaqlar, göz yaşlarına boğulur. Bayrama hazırlanan qadınların makyajı pozulur. Edip Cansevərin “Baxmayın ətrafımda çox insan olduğuna, başdan-ayağa yalnızam əslində” dediyi kimdi...

- Həbsxanada gitara çaldığınızı öyrəndik...

- Düzdür. Hətta ilk vaxtlarda məhkumlar elə bildi ki, mən gitara kursları verirəm. Amma kurs vermirəm, öyrənirəm. Burada teatr, dram kursları var. Bəzən mahnı oxuyuram, şeir yazıram. Günümün çox hissəsini orada keçirdirəm.

- Musiqi dinləyə bilirsiniz?

- Ən böyük həsrət çəkdiyim şeylərdən biri budur. Çox təəssüf ki, dinləyə bilmirəm. Burada televiziyada musiqi kanalı olaraq ancaq Kral TV var.

- Sizin yerinizdə kim olsa, mütləq xaricə qaçardı. Siz niyə etmədiniz?

- Günahı olan qaçar. Günahsız olduğuma o zaman da inanırdım, indi də inanıram. Mən bir müddət məhkəmənin qərarını gözlədim. Gizləndiyim 6 ay boyunca bu işin sonu olmadığını düşündüm. Həmin aylar polisdən yox, həbsxanadan qaçdım. Çünki buraya ikinci dəfə girməyin ölümdən betər olacağını bilirdim. Amma buna rəğmən qaçmadım. Çünki günahsız idim. Ölkəmi tərk etmək mənə yaraşmazdı. Mən nə eləmədiyimi çox yaxşı bilirəm. Günah işləyib-işləməmək əlinizdədir, amma məhkum olmanız əlinizdə deyil. Burada hüquq və ədalət arasında olan fərqi düşünürəm. Həbsxanada olan bir adam üçün çöl ilə əlaqə qurmaq məktub deməkdir, ziyarətçi deməkdi. Mənə həm çöldən, həm də həbsxanalardan məktub gəlir. Hamısına çalışdığım qədər cavab verirəm. Həbsxanalardan gələn məktublara ruh yüksəkliyi ilə cavab verməyə çalışıram.

- Maddi vəziyyətiniz necədir?

- Keçən ilin noyabrından burdayam (bu müsahibə 2015-ci ildə götürülüb – G.M.) Ondan qabaq da 7 ay yarım qalmışam. Ümumilikdə, 1 il yarımdır həbsxanadayam. Amma bu 7 illik bir müddətdir. 7 ilimi oğurladılar. Həyatımın ən qiymətli 7 ilini. Bu müddətdə maddi və mənəvi tərəfdən çökdüm.

- Albom gəlirləriniz, yığdığınız pullar necoldu?

- Bu an ailəm və nişanlım Faruk var. Sağ olsunlar, onlar həmişə yanımda oldular, mənə dəstək verdilər. Bilirsiniz, albom gəliri deyə bir şey yoxdur. Sənətkar səhnəyə çıxanda pul qazanır. Mən çıxa bilmirəm və buna görə də qazanmıram. İki evim var idi, onu da satmaq məcburiyyətində qaldım.

- Sənət əhli vəfasızdır. Məşhurlardan ziyarətinizə gələn var?

- Xeyli sənətçi gəlib. Gülben Ərgən, Demet Akalın, Əməl Müftüoğlu gəldi. Sağ olsun Gülbən Ərgən dost çıxdı. Dörd-beş dəfə yanıma gəldi.

Oxşar xəbərlər

Xəbər lenti

Məşhur şairin qızı: “Atamın ölümünü məndən gizlədilər, amma...” - Müsahibə
21:00 16 İyun 2021
Pakistanda prospektlərdən birinə Nizami Gəncəvinin adı verilib
19:00 16 İyun 2021
Azərbaycan və Gürcüstan arasında ədəbi memorandum imzalandı
18:30 16 İyun 2021
Kamal Abdullanın romanı Almaniyada çap olunub
17:40 16 İyun 2021
Hansı kitabları oxumamalıyıq? - Vacib məsləhət
17:01 16 İyun 2021
Ərdoğan Milli Məclisdə Bəxtiyar Vahabzadənin şeirini dedi - Video
16:24 16 İyun 2021
Stalinin əlindən qaçdı, Məkkədə yaşadı, üç arvad aldı - Leninin müsəlman qardaşı
15:33 16 İyun 2021
Rüşvət alan kişilərin arvadları haqda 10 cümlə
14:45 16 İyun 2021
Nizamiyə həsr olunan müsabiqənin qalibləri bilindi
14:02 16 İyun 2021
Dayısı Rəşid Behbudov onu səhnəyə həsrət qoydu, küsüb Azərbaycandan getdi, anası ölənəcən yolunu gözlədi – Qürbətdə can verən müğənnimiz
13:11 16 İyun 2021
Tarix bizi Şuşada gözləyirdi – Aqşin Yenisey yazır...
12:39 16 İyun 2021
Vaqif İbrahimoğlunun 32 il sonra reallaşan xahişi
12:30 16 İyun 2021
Fərid Hüseyn Nizamidən mühazirə oxuyub
11:59 16 İyun 2021
Aləmi bürüyən ədəbiyyat ətri
11:30 16 İyun 2021
Seda Sayan Mehmet Ali Erbili təcavüzdə ittiham etdi
10:56 16 İyun 2021
Anar, Çingiz Abdullayev, Vaqif Səmədoğlu Monteneqro dilində…
10:05 16 İyun 2021
İlhamiyyə Rza: “Həmid efirdə lap ağ eləmişdi” – Müsahibə
09:01 16 İyun 2021
SSRİ-də yay istirahəti - Nostalji fotolar
21:00 15 İyun 2021
Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021