Qalib Həsənoğlu
Sevdim
Məni ellər qınamasın,
Bildiyim adamı sevdim.
Sevincimi, kədərimi,
Böldüyüm adamı sevdim.
Bir söz alınca dilindən,
Canım çıxar qəm əlindən.
Bivəfalar cədvəlindən,
Sildiyim adamı sevdim.
Gələndə ayrılıq dəmi,
Quruyarmı gözün nəmi?
Həsrətindən dəli kimi,
Güldüyüm adamı sevdim.
Kəs, ey Tanrım, hicranı kəs,
Hicranına yoxdur həvəs.
Görüşünə qaranəfəs,
Gəldiyim adamı sevdim.
Min dağ düzər, bir dağ üstə,
Əldə ayna bulaq üstə.
Hər baxanda, ayaq üstə,
Öldüyüm adamı sevdim.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər