news-inner
clock10:00 calendar-gray 06 İyul 2016 view-gray361 dəfə oxunub
view-gray361 dəfə oxunub

Eşşək uçmağı öyrənib, amma... - MOLLA NƏSRƏDDİNİN TƏZƏ LƏTİFƏLƏRİ

Kulis.Az Xoca Nəsrəddinin Anadoluda məşhur olan ancaq bizdə o qədər də yayılmayan bir neçə lətifəsini təqdim edir.

Bir nəfər bazarın qabağında axşam gəzintisinə çıxan Xoca Nəsrəddinə yanaşıb qızıl pul uzadaraq onu xırdalamasını xahiş edir. Xoca cibində bir qəpik olmadığını deyə bilmir, bəhanə axtararaq “Vaxtım yoxdu, tələsirəm” – söyləyib getmək istəyirsə də adam əl çəkmir. Axır ki, Xoca: “Ver görüm, nə edə bilirəm” – deyib qızıl pulu ondan alır, o üz-bu üzə çevirib deyir:

- Qardaşım, bu altun nəsə əskikdi eee...

Adam da yaman inadkar çıxır və əl çəkmir:

- Eybi yox, nə qədər əskikdirsə, o qədər xırdala!

Xoca özündən çıxır:

- Bura bax, a kişi, bu qızıl pul o qədər əskikdir ki, özündən bir dənə də olsa güclə tamamlanar.

***

Teymurləng boş vaxtlarında əsgərlərinə nizə atdırırmış. Bir gün oyuna Xoca Nəsrəddini də dəvət edir və münasib bir heyvana minib gəlməsini tövsiyə edir. Xoca nizə atmağın nə olduğunu, necə oynandığını bilmədiyi üçün kotan sürdüyü öküzünün boynuna minərək meydançaya gəlir. Hamı ruzigar qanadlı atların belində ikən Xocanın belə ağır bir heyvanın belində gəlməsi Teymurləngi çaşdırır:

- Xoca – deyir – nizə oynatmaq üçün sürətlə qaçan, çevik heyvanlara minmək lazım olduğu halda sən niyə bu tənbəl öküzlə gəlmisən?

Xoca Nəsrəddin boynunu bükərək deyir:

- Qibleyi-aləm, son illər necədir bilmirəm, amma bu öküz buzov vaxtı elə qaçardı ki, ona at deyil, quş da çatmazdı.

***

Bir gün Xoca Nəsrəddin eşşəyini çaparkən belindən yıxılır. Bunu görən uşaqlar qışqırıb onu lağa qoyurlar:

- Aaa!!! Xoca Nəsrəddin eşşəkdən yıxıldı! Xoca Nəsrəddin eşşəkdən yıxıldı!

Xoca Nəsrəddin heç nə olmamış kimi ayağa qalxıb üstünü çırpır:

- Bir şey olmaz, uşaqlar, onsuz da düşəcəkdim.

***

Xoca Nəsrəddin bir gün eşşəyinə minəndə eşşək qəfil qaçmağa başlayır. Xoca, dur, deyir, toqquş, deyir amma eşşək dayanmır. Xocanın bu halını görən qonşusu deyir:

- Xocam, bu nə təlaşdı belə, hara gedirsən?

Əlacsız Xoca cavab verir:

- Qonşu, eşşəyin çox vacib işi çıxıb, ora tələsirik.

***

Xoca Nəsrəddinin eşşəyi dəlilik elədiyinə görə onu satmağa qərar verir və bazara aparır, heyvan dəllalına verib evə gəlir. Eşşək yoxlamaq üçün ona yaxınlaşanların birinin qolunu dişləyir, birinə qoşa təpik atır. Dəllal eşşəyi geri qaytarıb Xoca Nəsrəddinə təhvil verir:

- Bu heyvanı heç kim almaz, dəlidir.

Xoca Nəsrəddin gülür:

- Onsuz da mənim məqsədim bu eşşəyi satmaq deyildi, məqsədim o idi ki, Məhəmməd hümməti onun əlindən nələr çəkdiyimi görsün.

***

Bir gün Xoca Nəsrəddinin tarlasına bir öküz girir və xeyli zərərə verir. Xoca əlinə çomaq alıb vurmaq istəyəndə öküz qaçıb aradan çıxır. Başqa bir gün şəhərə gedəndə Xoca həmin öküzü arabaya qoşulan görür, əlinə bir zopa alıb düşür öküzün üstünə. Öküzün yiyəsi gəlib qışqırır:

- A kişi, neynirsən, heyvancığazın nə günahı var?

Xoca Nəsrəddin:

- Sən qarışma, günahının nə olduğunu öküz özü çox yaxşı bilir.

***

Xoca Nəsərddinin evinə oğru girir. Xoca oğrunu görüb bir küncdə gizlənir. Oğru evdəki bütün əşyaları yekə bir çuvala doldurub çıxanda, Xoca onun dalınca düşür. Xeyli gedəndən sonra arxasınca adam gəldiyini fərq edən oğru çevrilib soruşur:

- Gecənin bu vaxtı məni niyə təqib edirsən?

Xoca:

- Təqib eləmirəm. Evimizdəki hər şeyi çuvala yığıb apardığına görə, elə bildim sizə köçürük.

***

Xoca bir gün eşşəklə dağa oduna gedir. Gələndə yüklü eşşək hündür xəndəkdən yıxılır. Uçurumdan aşağı eşşəyin dalınca üzgün-üzgün baxan Xoca deyir:

- Eşşək ki, eşşək! Uçmağı öyrəndi, qonmağı yox!

news-inner-user

19140 məqalə

Oxşar xəbərlər

Xəbər lenti

Bu il neçə əsər əqli mülkiyyətdə qeydiyyatdan keçirilib? - Açıqlama
17:15 25 İyun 2021
Kanadalı silah ustasının Xalça Muzeyinə bağışladığı xəncərlərin təqdimatı olub
16:33 25 İyun 2021
Türklər Bakıda filmə başlayır: "Kurtlar vadisi"nin aktyorları da çəkiləcək
15:44 25 İyun 2021
Lent.az-ın baş redaktoru: “Biz redaksiyanın içində də rəqabət aparırıq” – Müsahibə
15:00 25 İyun 2021
Nizami ili çərçivəsində beynəlxalq elmi-praktik konfrans keçirildi
14:19 25 İyun 2021
Qız oxusucu ilə öpüşmək istəyən yazar, təqdimatına üç sevgilisi gələn şair, küsüb gedən aparıcılar – İmza günündən reportaj
13:40 25 İyun 2021
Bakida narkomaniyaya qarşı sərgi açıldı
13:01 25 İyun 2021
Bir yaşında atasını itirdi, anasıyla eyni gündə səhnəyə çıxdı, Cəfər Cabbarlı onun haqqında yazı yazdı - "Bəxtiyar" filminin Gülbacısı...
12:18 25 İyun 2021
30 qəpiyə xoşbəxt olmaq istəyirsiz?
11:44 25 İyun 2021
Berqmanın sevimli aktrisası Fəxri Oskar alacaq
11:13 25 İyun 2021
Teatr rəhbərləri ilə görüş keçirildi
10:36 25 İyun 2021
Lent.az 13 yaşını qeyd edir
10:11 25 İyun 2021
O gecə bibim mənə matəm libası tikdi – Bircə yazır…
09:00 25 İyun 2021
Onu repressiyadan Mirzə İbrahimov xilas etdi – Abdulla Şaiq haqqında maraqlı faktlar
21:00 24 İyun 2021
BMT-nin nümayəndəsi Bakıdakı erməni kilsəsində olub
19:02 24 İyun 2021
Nişanını qaytarıb qohumu ilə evləndi, sevgilisi damarlarını doğradı, arvadı ona görə özünü öldürdü – Video
18:15 24 İyun 2021
Nüsrət Kəsəmənlinin oğlu Şuşaya görə medal aldı
17:40 24 İyun 2021
Cinsi yolla çoxalma sona çatır: Seksdən qurtuluş
17:30 24 İyun 2021
Azərbaycanlı prodüser iş yerində öldü
16:47 24 İyun 2021
Xalq şairinin kitabı təqdim edildi
16:44 24 İyun 2021