news-inner
clock16:16 calendar-gray 28 İyun 2016 view-gray240 dəfə oxunub
view-gray240 dəfə oxunub

O adam olmasaydı di Kaprio Oskar almayacaqdı...

Rejissor Alexandro İnyarittunun “Sağ qalmış” filmi bu il üç nominasiyada Oskar alsa da tənqidlər ondan yan keçmədi.

Bu filmdəki roluna görə nəhayət çoxdan arzuladığı Oskarı alan Leonardo di Karpionun rolu isə daha çox tənqidlərə məruz qaldı. Hətta sosial şəbəkələrdə “Ayı Oskara Di Kapriodan çox layiq idi” yazanlar da tapıldı.

“Sağ qalmış” filmi xəz dəri əldə etmək istəyən dəstəyə dağ bələdçiliyi edən Hyu Qlassın qışda vəhşi təbiətdə sağ qalmasından bəhs edir. Qrassı ayı yaralayır və dəstə onu ölmək üçün meşədə buraxır. Lakin o, ölmür, üstəlik sağalıb oğlunun qisasını da alır.

Film Maykl Pankın 2002-ci ildə yazdığı eyni adlı roman əsasında Alexandro İnyarittu və Mark L. Smit tərəfindən ssenariləşdirilib.

Çoxlarına filmin süjeti inandırıcı gəlməyə bilər. Axı necə ola bilər ki, ayının ölümcül yaraladığı bir adam sağ qalsın, üstəlik o qarlı-şaxtalı şəraitdə, günlərlə ac-susuz hərəkət edərək gəlib dəstəyə qoşulsun, öldürülmüş oğlunun qisasını alsın!

İlk baxışdan inandırıcı gəlmir. Amma filmin baş qəhrəmanı Hyu Qlass tarixi şəxsiyyət olub.

1783-1833-cu illərdə yaşayan Hyu Qlass ovçuluq, dağ bələdçiliyi edirmiş. Deyilənə görə, irland miqrant ailəsində doğulub.

Gənclik illərindən dənizçiliklə məşğul olan Qlass təqribən 1816-cı ildə dəniz quldurlarına əsir düşür. İki il sonra dəniz quldurlarından xilas olmağı bacaran Qlass açıq dənizdə iki mil üzərək Texasa çıxır, burda pauni hindu qəbilələri tərəfindən yaxalanır. Hindular onu qəbilələrinə qəbul edib vəhşi təbiətdə yaşamaq qaydalarını öyrədirlər. Bir neçə il paunilərin arasında qalan Qlass hətta onların Amerika hökuməti ilə danışıqlarında iştirak edir.

1822-ci ildə xəz dəri kampaniyasının yaradıldığını öyrənən Qlass dağa heyvan ovlamağa gedən ekspedisiyaya qoşulur. 1823-cü ildə mayor Endryu Henrinin başçılıq etdiyi heyət Qrand-River çayı ilə üzü yuxarı hərəkət edir. Ekspedisiya düşərgə saldığı zaman Qlass meşədə giləmeyvə yığırmış. Bu vaxt bir dişi ayı iki balası ilə ona hücum edir. Tüfəngdən atəş açmağa macal tapmayan Qlassı ayı ölümcül yaralayır. Bununla belə ovçu ona bir neçə bıçaq zərbəsi vura bilir və üstəlik hay salıb kömək çağırır. Yoldaşları köməyə gəlib ayını öldürsələr də Qlass artıq huşsuz vəziyyətdə imiş.

Ekspedisiyanın rəhbəri mayor Henri belə qərar gəlir ki, bu cür yara almış insan iki gündən artıq yaşaya bilməz. Buna görə də Qlass öləndən sonra dəfn etmək üçün iki könüllünü onun yanında qoyub ekspedisiyaya hərəkət əmri verir. Könüllülər Con Fitscerald və Cim Bricer idi. Ekspedisiya gedəndən sonra onlar Qlass üçün qəbir qazıb ölməyini gözləyirlər. Beş gündən sonra düşmənçilik elədikləri arikara hindu qəbilələrinin onları tapacağından qorxuya düşən Fitscerald Briceri yola gətirir ki, Qlassı burda qoyub ekspedisiyanın ardınca getmək lazımdır. Ovçunun gec-tez onsuz da öləcəyini düşünən könüllülər onun şəxsi ləvazimatını, üstəlik tüfəngini, tapança və bıçağını özləri ilə götürürlər. Mayorla görüşəndə onlar Qlassın öldüyünü deyirlər.

Qlass isə ölmür. Özünə gələndə görür ki, nə şəxsi ləvazimatı, nə silahı, nə də qida ehtiyatı var. Üstəlik, ayağının biri sınıb, kürəyindəki yaraların dərinliyi qabırğasına çatırmış. Ən yaxın yaşayış məntəqəsi olan Fort Kayova isə 320 km cənub-şərqdə imiş.

Qlass bu yolun çox hissəsini sürünərək qət edir. Yürüş zamanı giləmeyvə və bitki kökləri ilə qidalanır. Bir dəfə bizon cəmdəyi yeyən iki canavarı qovaraq ət yeməyə nail olur. Yolda ona hindu qəbilələri də kömək edirlər.

Qlass xilas olandan sonra Bricceri bağışlayır, Fistcerald isə orduya qoşulduğu üçün ondan qisas almaq mümkün olmur. Sağalandan sonra yenidən bələdçiliklə məşğul olan Qlass 1833-cü ildə iki yoldaşı ilə birlikdə arikara hindu qəbilələri tərəfindən öldürülür.

news-inner-user

19004 məqalə

Oxşar xəbərlər

Xəbər lenti

Qonşuda bir gözəl vardı... - Ramiz Əzizbəylinin şeirləri
11:01 13 İyun 2021
Azad Qaradərəlinin yeni kitabı çap olundu
18:30 12 İyun 2021
Məşhur aktrisalar eyni filmdə
17:23 12 İyun 2021
Filmi qorxudan başqa ölkədə çəkdilər: Ölüm fətvası verilən yazıçının romanı necə ekranlaşdı?
16:30 12 İyun 2021
Bu roman yazılmalı deyildi – Seymur öz romanından yazır...
15:40 12 İyun 2021
Aleksandr Sokurov yeni filmindən danışdı
14:20 12 İyun 2021
Ramil Əhmədin Orxan Pamukla bağlı kitabı çap olundu
12:55 12 İyun 2021
İsa Hüseynovun qızı: “Uşaqları olmadığı üçün anamı ondan boşatdırmaq istəyirmişlər” - Müsahibə
12:30 12 İyun 2021
Məşhur filmin ikinci adı bəlli oldu
11:39 12 İyun 2021
Respublika Gənclər Kitabxanası Belinskiyə həsr olunmuş silsilə materiallar hazırlayıb
10:12 12 İyun 2021
“Almanı atdım xarala” mahnısındakı gizli məna nədir? – Unudulmaz mahnılar
09:03 12 İyun 2021
Kamal Abdullaya "Şərəf" ordeni təqdim edildi
18:42 11 İyun 2021
Nizami haqda yeni monoqrafiya - Rus dilində
18:01 11 İyun 2021
Atası anasını öldürməsin deyə, evdəki bıçaqları gizləyən qızcığaz
17:25 11 İyun 2021
Vaqif Səmədoğlu medalı sahiblərinə təqdim edildi
16:44 11 İyun 2021
Mikayıl Müşfiqə aid olduğu bildirilən qalıqlarla bağlı araşdırmaya fasilə verildi
16:02 11 İyun 2021
Xəyanət etməyən azərbaycanlı kişilərin problemi
15:14 11 İyun 2021
Rejissorumuz beynəlxalq mükafat aldı
14:36 11 İyun 2021
Atamı öldürən səbəb - Alpay Azər yazır
13:45 11 İyun 2021
Bu gün Kulisdə premyeradır – Qaçırmayın!
13:01 11 İyun 2021