news-inner
clock16:41 calendar-gray 23 İyun 2016 view-gray249 dəfə oxunub
view-gray249 dəfə oxunub

Tanınmış yazıçılarımız nə yazır? - SORĞU

Kulis.Az tanınmış yazarlara “Nə yazırsınız?” sualı ilə müraciət edib. Cavabları təqdim edirik.

Səfər Alışarlı

- Bu tipli suallara verdiyim səmimi açıqlamalardan sonra bir qayda olaraq ya əlimdəki yaradıcılıq işlərini yarımçıq buraxmalı oluram, ya da üstündə düşündüyüm ideyalardan birdəfəlik imtina edirəm. Ona görə belə deyim: həmişə nə yazırdımsa, elə onu yazmaqda davam edəcəyəm. Hazır mətnlərim var, amma onları çap eləmək istəmirəm. Yay yaradıcılıq üçün gözəl fəsildir. Oturanda ayaqların üşümür, otağın soyuqluğu səni narahat eləmir, bu yaşda hətta çimərliyə belə getmək istəmirsən. Otur, yaz da...

Nərmin Kamal

- İki fayl açıqdır bu dəqiqə kompüterimdə. Birində Seymur Baycan haqqında bir məqalə yazıram, o birində ayaqqabı haqqında hekayə. Birini sabah, birini iki-üç günə saytlara verəcəm.

Nəriman Əbdülrəhmanlı

- Adətim üzrə yay aylarında bədii yazılar yazmıram, ancaq hazırlıqla məşğul oluram, gəzməyə ehtiyac duyuram. Bir neçə hekayə üçün oturmaq məqamının yetişməsini gözləyirəm. Bir də ki, nə vaxtdan bəri hazırlaşdığım irihəcmli bir romanı güman ki, payız aylarında bitirəcəyəm.

İlqar Fəhmi

- Hələ ki, çoxcildliyin son dörd kitabının redaktəsiylə məşğulam. Səkkiz kitab çıxıb artıq, yayda dördü də çıxacaq... Ondan sonra iki kinoroman var əlimdə, onları yekunlaşdırmalıyam... Ümumiyyətlə, son vaxtlar kinoroman, kinopovest janrları məni çox çəkir. Kino ilə nəsrin qovuşağında maraqlı bir üslubdur, zənnimcə daha aktiv təbliğ eləməyə ehtiyac var bu janrları. Çünki indiki dövr vizuallığı sevir...

Pərviz Cəbrayıl

- Belə demək mümkünsə, heç nə; arabir roman üçün qeydlər, hərdən bir-iki status, dostların inboksuna, düşəndə şeir, qıtlıq olanda xəbər yazıram. Əsasən isə xəbər redaktə edirəm. Bu qədər ürəkaçan mənzərə...

Rəbiqə Nazimqızı

- Şeir yazıram üç-beş gündən bir, esse üçün ilham hiss eləmirəm. Hərçənd, həmişə mənim üçün ən rahatı bu olub, yenə cari işlər və tərcümələrlə məşğulam... Nəsrə keçmək fikrim yoxdur J

Murad Köhnəqala

- Bu dönəmdə əsasən, Lent.az saytı üçün araşdırma yazıları və gündəm köşələri yazıram. Araşdırmalar çox vaxt aparır, ağır başa gəlir. Beləcə, sayt yazılarına köklənmişəm. Adətən, irihəcmli bədii yazılarımı sürətlə yazıb canımı qurtarıram. İsti havalarda ləng işlədiyimə görə hazırda böyük janrlara girişmək səbrim yoxdu. Bəzi planlarımı payıza saxlamışam...

Cavid Zeynallı

- 4 hekayənin süjetini özümlə gəzdirirəm. Qeydlərim də var. Hələ ki, heç birinə başlaya bilməmişəm. Bir yarımçıq hekayəm də var, dörd-beş aydır bitmir ki, bitmir. Daha doğrusu, yaza bilmirəm. Ya tənbəllikdən, ya vasvasılıqdandır. Gələn yaza bir hekayə kitabı çıxarıb, nəsrin bir müddət daşını atacağam. Ssenari yazmaq məni daha çox maraqlandırır. Bir qısametrajlı bədii filmin, bir sənədli filmin ssenarisini yazmışam. Növbədə gələcək üçün tammetrajlı film ssenarisi var. Son illərdə çəkilən bəzi filmlərin ssenari problemi məni, belə demək mümkündürsə, daha da həvəsləndirir. Hətta "Günəşi gözləyənlər"i ssenari kimi işləmək istəyirəm. Nə isə, kino ədəbiyyatdan daha maraqlıdır. Ssenari yazmaq hekayə, roman yazmaqdan daha ləzzətli və zövqvericidir. Ədəbiyyatın, nəsrin gələcəyindən ağlım bir şey kəsmir, bir az praqmatik olmaq və özümü kinoda sınamaq istəyirəm. Bu qədər sadə.

Könül Həsənqulu

- Son aylar məktublar yazmağa başlamışam. Müxtəlif mövzulardan ibarət olan məktublar obrazlaşmış real personaja ünvanlanır. Ara-sıra yazdığım yeni şeirlər isə ayrıca bir silsiləyə aiddir. Bu silsilənin adını məşhur bir əsərin adı ilə oxuculara təqdim etməyi düşünürəm. Qeyd edim ki, bu mətnlərimin (məktubların və silsiləyə aid şeirlərin) internet yayılmasından yayınnmağa çalışıram. Onları oxuculara kitab şəklində və ya ədəbiyyat dərgilərində təqdim edəcəyəm.

Qismət

- Asta-asta roman yazıram, sonra "Ədəbi cərəyanlar" adlı kitabın üstündə işləyirəm. İstilərdə yazmaq olmur. Fikrimdə yeni esse silsiləsi var, bu yay onunla bağlı materialları oxuyub bitirmək istəyirəm.

Etimad Başkeçid

- Bir neçə ay əvvəl başladığım kitabı yazıram. Bakıda yaşadığım 14 il ərzində şahidi olduğum situasiyaları ümumiləşdirib, şəxsiyyətini dövrə uyğunlaşdıra bilməyən adamın psixoloji portretini yaratmağa çalışıram. Burada sağ qalmaq, yaşamaq üçün insanların nə qədər əcaib, qeyri-adi yollara baş vurduğunu, modern əlbisədə arxaik varlıqların şabaşı təsvir olunur. Kitabın fəlsəfi zəmini barədə isə hələlik danışmaq istəmirəm. Bundan başqa, əlimdə iki tərcümə işi var, onları sifarişçilərə vaxtında çatdırmaq üçün səy göstərirəm.

Natiq Məmmədli

- Mən absurd teatrı estetikasında bir pyes yazmışam. Hazırda onun redaktəsi ilə məşğulam. Beş pərdəli absurd oyundur. İşçi adı da belədi “ Dumana bürünmüş”

Mübariz Örən

- Hal-hazırda uzun hekayə (povest) üzərində işləyirəm. Qəribə taleyi oldu bu hekayənin. İtmiş bir mətnin bərpası zamanı həcmcə, mahiyyətcə böyüyüb, genişlənib uzandı. Mətnin başına gələn faciə əsərin qəhrəmanının da başına gəldi. Hələ də baş-əl-ayağını yığa bilmirəm, allah axırın saxlasın.

Aqşin Yenisey

- Heç vaxt tətilə getməmişəm, yəqin ki, bu yay da belə olacaq. Məkanı dəyişmək mənə heç bir yenilik vermir, əksinə, əlimi işdən soyudur. Ya da mənim zövq ala biləcəyim tətil üçün çox pul lazımdır. 500 manatla gedib Tiflisdə avaralanmaq mənə görə elə avaralanmaqdır. Bundansa Bakıda qalıb kitabı vasitəsilə bir yazıçı ilə Həmid Herisçi demiş, intertekstual əlaqəyə girmək daha əfzəldir. İki ilə yaxındır ki, vaxt tapdıqca bir neçə yazı üzərində işləyirəm, yəqin ki, elə onları davam etdirəcəyəm.

news-inner-user

20025 məqalə

Oxşar xəbərlər

Xəbər lenti

Vərəmə yoluxdu, amerikalı ilə evləndi, Hollivudda güllələndi - Azərbaycanlı müğənninin faciəsi
16:36 25 Sentyabr 2021
İngilis müğənni "Gəl, ey səhər"i oxudu - Video
15:17 25 Sentyabr 2021
Oğlundan imtina edən, işə pijamada gedən, iki dəfə dəfn olunan azərbaycanlı alim
13:59 25 Sentyabr 2021
Yazıçı "Qanun" nəşriyyatını qanunsuzluqda ittiham etdi: "Bu hadisə Şahbaz Xuduoğlunun adına ləkə salır"
13:12 25 Sentyabr 2021
“Traviata” operası nümayiş olundu
12:09 25 Sentyabr 2021
Azərbaycan beynəlxalq kitab yarmarkasında iştirak edir
10:55 25 Sentyabr 2021
Sevginin intihara apardığı qadın
09:00 25 Sentyabr 2021
“Yusif Vəzir Çəmənzəminli və Şumer qaynaqları” kitabı çapdan çıxıb
18:07 24 Sentyabr 2021
Teatr və kinoteatrlar açılır - Qərar
17:53 24 Sentyabr 2021
Yağış düşdü sahildəki daşlara - Musa Yaqubdan seçmə şeirlər
17:30 24 Sentyabr 2021
Fərid Hüseynin yeni kitabı çap olundu
16:49 24 Sentyabr 2021
“Səs Azərbaycan” başlayır: Münsiflər kim olacaq? - Foto
16:05 24 Sentyabr 2021
Akademikin yeni kitabı təqdim olundu
15:20 24 Sentyabr 2021
Dükanlara borclu qalan Xalq artistimiz: O, yerişini də itirmək üzrədir...
14:30 24 Sentyabr 2021
Yazıçımızın kitabı Sankt-Peterburqda çıxdı
13:45 24 Sentyabr 2021
Qızları güldürməkçün sənin kimi xaç çəkərdik - Azərbaycanlı şair Roma Papasına şeir yazdı
13:01 24 Sentyabr 2021
Rusdilli olmaq başqa, rus dilini bilmək başqa: Özünə hörmət etməyən kimlərdir?
12:15 24 Sentyabr 2021
Ana dilini bilməyən nankorlara - Günün şeiri
11:38 24 Sentyabr 2021
Musa Yaqub xanımının məzarı üstündə şeir oxuyur - Video
11:01 24 Sentyabr 2021
Qızı ilə rusca danışan Elgiz
10:30 24 Sentyabr 2021