Azərbaycan Dövlət Musiqili Teatrında Xalq Yazıçısı Elçinin məşhur hekayələri əsasında hazırlanan “Baladadaşın toy hamamı” ikihissəli musiqili lirik komediyası növbəti dəfə səhnəyə qoyulacaq.
Teatrın mətbuat xidmətindən verilən xəbərə görə, tamaşanın nümayişi iyunun 25-də, saat 19-da baş tutacaq.
Teatrla kinonun sintez edildiyi, adət və ənənələrimizin, xüsusilə Bakı kəndlərinin özünəməxsus koloritinin ustalıqla əks olunduğu səhnə əsəri ilk premyera günündən bəri tamaşaçıların böyük marağına səbəb olub. Mövsümün ən çox tələb olunan tamaşaları sırasında olan səhnə əsəri Xalq Artisti Cənnət Səlimovanın quruluşunda təqdim olunacaq.
Tamaşanın bəstəkarı Firudin Allahverdi, quruluşçu dirijoru Fəxrəddin Atayev, quruluşçu rəssamı Xalq Rəssamı Tahir Tahirov, baletmeysterləri Yelena və Zakir Ağayevlər, musiqi rəhbəri Əməkdar İncəsənət Xadimi Nazim Hacıəlibəyovdur.
Tamaşada səslənən mahnıların sözləri Vüqar Əbdülova məxsusdur.
Tamaşada rolları Xalq Artisti Fatma Mahmudova, Əməkdar artistlər Çingiz Əhmədov, Nahidə Orucova, aktyorlar Möylə Mirzəliyev, Ülviyyə Əliyeva, Gülçöhrə Abdullayeva, Fərid Rzayev və başqaları ifa edəcəklər. /azərtac/
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər