writer1

Rəfiqə Məmmədova

Məqalə sayı

55
clock10:46 calendar-gray 20 İyun 2016 view-gray688 dəfə oxunub
view-gray688 dəfə oxunub

Pozğun kimdir: Enrikenin fanatı, yoxsa...

Dünən dünya şöhrətli müğənni Enrike Aqilesiyas Formula-1 çərçivəsində keçirilən konsert proqramı ilə Bakıdakı fanatları ilə görüşdü.

Konsertin başlamasından bir saat keçmədi ki, bütün sosial şəbəkələrdə balaca, cılız qızcığazın ifaçının üstünə atılma səhnəsinin əks olunduğu video paylaşılaraq müzakirəyə qoyuldu.

Videoda azyaşlı qız uşağı səhnəyə atılaraq öz kumirini qucaqlayır. Müğənni isə bütün dünya ölkələrində verdiyi çoxsaylı konsertləri zamanı yaşadığı və artıq adət etdiyi bu rəftarı görər-görməz fanatına sarılır. Onları ayırmağa gələn boynuyoğun mühafizəçilər müğənni ilə xeyli söz güləşdirir, Enrike balaca fanatını onlara vermir.

Bu xoşagələn, səmimi mənzərənin müzakirə olunduğu səhifələrə nəzər saldım. Elə bildim, gənc nəsil bu balaca qızın böyük cəsarətini dəstəkləyəcək, ona təriflər yağdıracaq. Əvəzində ağlasığmaz tənqidlər, iyrənc təhqirlər gördüm.

Cəmiyyətimizin özündən fərqli və daha cəsarətli insanlara qibtə ilə yanaşdığını bilirdim, amma azyaşlı, emosional qızcığazın ailə üzvlərini, mənliyini, nəslini, varlığını bu qədər təhqir edə biləcəyimiz ağlıma gəlməzdi.

İctimai qınaq budurmu? Niyə bizim ictimai qınağımız bu qədər şikəst və xəstədir?

“Azərbaycan qızına yaraşmaz” yazan adamın profilinə girirəm. Bəyəndiyi səhifələr içində “Azərbaycan xanımı adına ləkə olan” bütün müğənnilərin səhifələri var. Niyə? Məgər qeyrət anlayışı sürüşkəndir? Şəkil dəyişə bilir? Kumirinin qucağına atılan uşağa pozğun deməyə necə dilləri gəlir?

Adını bilmədiyim o kiçik qız, yəqin ki, uşaqlıqdan Enrikenin mahnılarını dinləyir. O qız, yəqin ki, illərdir kumirinin Bakıya gələcəyi xəyalı ilə yaşayır. Enrikeyə toxunmaq, onunla təmasda olmaq o qızın balaca dünyasının ən böyük arzusu olub. İndi siz ona nə qədər iyrənc damğalar vursanız da onun vecinə deyilsiniz. Çünki o, öz arzusunu reallaşdırıb. Sizsə, öz arzularınızı kənara qoyub başqalarının həyata keçən arzularının paxıllığını çəkirsiniz.

Bu, ictimai qınaq deyil, bu ictimai natamamlıqdır!

Yıxılana balta çalmazlar deyib atalar. Burda yıxılan – çox olsanız da, sizsiniz – oxumadığınız bədii kitablarla, tamamlamadığınız təhsillə, sahib olmadığınız dünyagörüşünüzlə, cılız və çərçivəli kiçik dünyalarınızla.

Allah köməyiniz olsun.

REKLAM

Yazarın digər yazıları

Xəbər lenti

Şəhla Nihandan qısa hekayə: Parallaks
15:46 22 Aprel 2021
Kişi olun, rüşvət almayın daha – Günün şeiri
14:54 22 Aprel 2021
Qatıq satan gəlməyib - Üzeyir Əlizadə yazır
14:23 22 Aprel 2021
Üzülməyin, Hüseynbala müəllim!
13:37 22 Aprel 2021
“Oskar” mərasimində qonaqlar maskasız olacaq
12:57 22 Aprel 2021
Bığına görə töhmət aldı, həbsdən qorxub Gəncədən qaçdı, arvadından sonra evlənmədi – Xalq artistindən maraqlı faktlar
12:30 22 Aprel 2021
Qismətdən yeni kitab sürprizi - Yaxında
11:45 22 Aprel 2021
Hüseynbala Mirələmovla kiçik bir xatirəm və məlum video söhbəti
11:03 22 Aprel 2021
Müharibəyə sevinən qadın
10:30 22 Aprel 2021
Niyə bu gün Azərbaycanda Üzeyir Hacıbəyovlar doğulmur? – Aqşin Yenisey yazır...
09:00 22 Aprel 2021
Düzgün yaşamaq riyakarlıq, düzgün düşünmək axmaqlıqdır – Dahi yazıçıdan aforizmlər
21:00 21 Aprel 2021
Bakı Dövlət Sirki yenidən təşkil olunur
19:00 21 Aprel 2021
Kamal Sunal adına muzey açılacaq
18:38 21 Aprel 2021
Fuentesin kitabı onlayn təqdim olunacaq
18:18 21 Aprel 2021
“Can Azərbaycan” müsabiqəsinin virtual sərgisi açılıb
17:42 21 Aprel 2021
Mənim qadınım, sən varsan deyə... - Çağdaş ərəb şeiri
17:01 21 Aprel 2021
Azərbaycanlı aktyor vəfat etdi
16:13 21 Aprel 2021
Kann film festivalının açılışında bu film nümayiş olunacaq
15:32 21 Aprel 2021
Nazir Anar Kərimov koronavirusa yoluxub
14:42 21 Aprel 2021
Anarla Seymur Baycanın oxşarlığı
14:02 21 Aprel 2021