writer1

Mirmehdi Ağaoğlu

Məqalə sayı

537
clock13:11 calendar-gray 10 İyun 2016 view-gray67 dəfə oxunub
view-gray67 dəfə oxunub

Vatsapın öldürdüyü qızlar

İki gün əvvəl intihar hadisəsi baş verib. Pirallahı rayonunun Gürgən qəsəbəsində yaşayan 14 yaşlı Səbinə Əhmədli özünü asıb.

Səbəb: Qızcığazın anası onun telefonunu yoxlayarkən kiminləsə yazışmasını tapıb və qızını bərk danlayıb. Dərsdən evə qayıdan Səbinəni anası qapı arxasında saxlayıb, evə buraxmayıb. Məhz bu psixoloji sarsıntının təsiri altında 14 yaşlı qız özünü öldürərək həyatına son qoyub.

Bu yaxında Emrah Serbesin “Erken kaybedenler” adlı hekayələr kitabını oxudum. Kitabda yeniyetməlik dövrünə girən oğlan uşaqlarından bəhs olunur. Serbes yeniyetməlik yaşı çətinliklərini yaşayan oğlan uşaqlarının problemlərini, psixoloji durumlarını mükəmməl verib. Bu yaşda uşaqlar problemli olurlar, təkcə fizioloji deyil, psixoloji olaraq da böyüyürlər, dəyişirlər. Onlarla olduqca həssas davranmaq lazımdır.

Son illərdə həyatımız ağlagəlməz dərəcədə dəyişib. Mobil telefonlar var, internet var, sosial şəbəkələr var. Ünsiyyət formaları dəyişib. İnsanlar bir-birinə əlçatan olub. Məsələn, əgər yüz il əvvəl bir qızın bir oğlanla ünsiyyət qurmasını, danışmasını düşünmək hardasa mümkünsüz idisə, indi Vatsap, Feysbuk var və oğlanlarla qızlar istədiyi an, rahat ünsiyyət qura bilirlər.

Bəs bütün bu zahiri dəyişikliklərin fonunda daxilən dəyişə bilmişikmi? Yenilənə bilmişikmi? Bu yeni həyat tərzinə adekvat yanaşma tapa bilmişikmi?

Bu günün 14 yaşlı qızı əlli il əvvəlinki deyil.

İl olub 2016. Bizim qız uşağına, ümumiyyətlə övlad tərbiyəsinə münasibətimiz hələ də dəyişməyib, 100 il əvvəl necə idisə o cür də qalıb. Hələ arada nadancasına öyünürük də: “Babalarımız uşağı belə tərbiyə edirdi”.

Cibimizdə son model telefon, beynimizdə fayton dövrünün təfəkkürü. Bu təfəkkürlə, bu yanaşmayla faciələrə gedirik.

14 yaşlı qızına mobil telefon verməyi rəva bilən ana, özünə bir az da əziyyət verib uşaq tərbiyələndirmənin müasir yönləri barədə bir-iki məqalə oxusaydı, bu faciə yaşanmazdı.

Təkcə həyatımız sürətlə dəyişmir, nəsillər də sürətlə dəyişirlər. Əgər ötən əsrdə bir-birindən 20 il fərqlə doğulan iki nəsil arasında böyük fərq yox idisə, indi belə deyil. İndi 1990-cı ildə doğulanlarla 2000-ci illərdə doğulanlar arasında köklü fərqlər var. Z nəsli adlanan bu yeni generasiya artıq küçələrdə deyil, sosial şəbəkələrdə formalaşır. Alimlər bu mövzuda araşdırmalar aparırlar, nəsillərin düşüncəsini, psixologiyasını öyrənirlər.

Bu yeniliklərdən xəbərdar olmasaq, uşaqlarımıza yanaşmamız mobil telefon erasını nağıl bilən babalarımızdan o yana keçməsə hələ çox faciələr yaşayacağıq, hələ çox balalarımızı bada verəcəyik.

Paylaş

REKLAM

Yazarın digər yazıları

Xəbər lenti

Xristianlığa meyl edən gənclərimiz - Əsəd Cahangir yazır...
21:00 20 Avqust 2019
Aktyorumuz beynəlxalq mükafat aldı
18:47 20 Avqust 2019
Maestro Niyazinin xatirəsi anılıb
18:06 20 Avqust 2019
Oxuduğuma görə məni döyürdülər
17:34 20 Avqust 2019
AYB sədrliyinə namizəd olan gənc: “Bizə təhdid mesajı gəlib”
16:33 20 Avqust 2019
Xan Şuşinski birinci arvadının istəyi ilə özündən 30 yaş cavan qız almışdı – Maraqlı Faktlar
15:34 20 Avqust 2019
Məşhur sovet rejissoru xəstəxanaya yerləşdirildi
14:16 20 Avqust 2019
Filmimiz daha bir beynəlxalq uğura imza atıb
13:38 20 Avqust 2019
Qızlar 14 yaşında ərə getsin! – Ayxan Ayvaz yazır...
12:33 20 Avqust 2019
Anardan Firudin Qurbansoya etiraz gəldi
12:01 20 Avqust 2019
Ədəbiyyat insanı əqli inkişafdan saxlayır
11:22 20 Avqust 2019
"İmtahan" serialının Eldarı insult keçirdi
10:25 20 Avqust 2019
Atalığının döyə-döyə öldürdüyü Murad
10:21 20 Avqust 2019
Yeni beynəlxalq teatr festivalı təsis olunub
09:32 20 Avqust 2019
“Hamilə qadın görəndə ikrah hissi keçirirəm”
09:00 20 Avqust 2019
Brodski: sürgündə xanımı ilə, mühacirətdə xanımsız
21:00 19 Avqust 2019
Qazaxda Xalq şairi Mirvarid Dilbazinin xatirəsi anılıb
18:52 19 Avqust 2019
“Sonuncu Pərdə” filminin ilk tizeri yayılıb - Video
18:31 19 Avqust 2019
“Sosium” yenidən APA TV-nin efirində
17:44 19 Avqust 2019
Cinə inanan adam Nəsimini anlaya bilməz – Yazarlardan Firudin Qurbansoya sərt cavab
17:07 19 Avqust 2019