news-inner
clock15:00 calendar-gray 09 İyun 2016 view-gray251 dəfə oxunub
view-gray251 dəfə oxunub

Ay dolu, mən dəli! – GÜNEYDƏN ŞEİRLƏR

Kulis.az güneyli soydaşımız Aydın Arazın şeirlərini təqdim edir.

***

Bir avtobusdur şair,

Sözcük daşıyır…

Hər sözcük bir müsafir,

və şeirlər duraqlardırlar.

Hər şeir bir sözcüyün sonu…

Hey… mənim yasaq sözcüyüm,

sevdiyim,

QAL!

Duraqsız müsafirim,

Səni ömür boyu daşıyacağam.

***

Ay dolu,

mən dəli!

Gecənin sümükləri

səhərə qalmaz!

***

Kiçik adında həyat nişanələri var

Su,

Hava,

Bitki var

Kiçik adın

Yer kürəsi kimi bir yer olmalı

Cazibəylə dolu.

***

Mədh edirəm səni

Qızarırsan

İlkin alma kimi

Vəsvəsə oluram yeni bir günaha.

Yalnızlıq

Yalnızlıq

Ayın ən aysız gecələri kimi bir şeydir...

Acı çəkmək deyil,

Çəkməyə acı tapmamaqdır yalnızlıq.

Xalqın üçün yediyin şillənin izində,

Xalqının tüpürcəyidir üzündə.

Yazdığım şeirdə sözcük tapa bilmirəm

Bax siqaramın qüllab vurmadan tükənməyinə!

Yalnızlıq - yəni qapını döyənlər

Üzür istəyirlər yanlış gəldiklərinə görə,

Və həyat yoldaşın başqasını gəzdirə beynində

Sən ilə bir yataqda yatarkən!

Yalnızlıq elə budur

Göndərdiyin məktubların qayıtması,

Məzarlıqda

Atanın qəbrini tapa bilmədiyindir yalnızlıq.

Polislərin səni tutmadıqları

Şeir yazammadığın çağlardır yalnızlıq

Bax

Ən aysız gecələrin birisində

Siqarama qüllab vurmadan tükənirəm!...

Aramızda

Aramızda
Yapdığımız Çin divarı,
Aramızda
Yapmadığımız Berlin divarı,

Aramızda Araz.


Aramızda sarı güllər budağı
Aramızda - hər nə ayırır bizi
biri-birimizdən!

***

Qurumuş qızılgüllər
Xalça çəkilmiş divarda

Tərsə asılı
(yuxarıdakı sətirləri yozumlayıram)
Sevgi işgəncədir.

***

Susma...
oyan!
və susuz kağızların dodağına
şeir çilə, şair!
Tanrını qonaq çağır iş otağına
və yaz -
Yaz ki, anlamlar göyündə adaxlansın!
Sözcüklərin toyu başlansın!
Yaz və
yurdsuzluğunu çək yelin üzünə.

Torpaq kimi dol gecənin gözünə
Sonra tanrının şərəfinə,
Neçə şeir qoş burax havaya!

***

Dünya dolanır başıma
Dünyanın əziziyəmmi mən?!
Yoxsa sərxoşam.

***

Mənə sarı gəlmə,

Qorx!

Baxma gözlərimə,

Beynimdə bomba yerləşdiriblər sanki…

Elektrik gözlərim tərpənsə əgər

Partlaram birdən.

Mənə sarı gəlmə,

Əllərini vurma saçlarıma,

Bəlkə bir dinamitin zaminidirlər.

Yanımda çox durma saatlı bir bombayam bəlkə,

hər ləhzə təhlükəm artır mənim.

Get!

Qal - getmə,

götürmə ayaqlarını,

iş işdən keçib daha

getsən mina kimi partlayacam...

Yoxam

Sanki yoxuymuşam heç

Nə səsim qalıb,

Nə sözüm.

Kimsə xatırlaya bilmir məni

dırnaqucu qədər,

Sevdiklərim də, sevildiklərim də.

İncitdiyim, qırdığım cam

Yuvalarına su tökdüyüm qarışqaların da

yaddaşından pozulmuşam mən.

Yazdığım məktublar

poçt qutusunun qucağında itir,

Göndərdiyim mesajlar

uğursuzca yolda qalır,

Telefon nömrəm silinib yer üzündən.

Yoxam - ölülər kimi yox

(ki onların elanı məzar daşı olar)

Döşləri su ilə dolu buludlar kimi yox!

Bağrı çatlamış quru zəmilər kimi də deyiləm

(heç nəyi gözləməyirəm – hətta məsələn yağışı da).

Nə gözlənilən bir müsafir kimiyəm,

Nə də gözlənilməz bir vay xəbəri kimi.

Yoxam -

Və bu olduqca çaştırıcıdır,

Boylu olmayan qadını çaşdıran bir sancı kimi.

Xəyanət

Xəyanət

ərəbcədə bir sözcükdür,

latınca yazılanda xəşin1 və qorxunc bir

şeyə bənzəyir!

Xəyanət

Xarxaxar xırıldayır beynimdə!

Ölüm halında çəkilən nəfəslərdir

xırıltısı!

Hərdən bir kişinin çiynində

yabancı bir qadının tüküylə girir evə,

Hərdən bir qadının soyuqluğuyla uzanır

yataqda.

Xəyanət kişidir, xəyanət qadındır!

Xəyanət təkcə bu deyil!

Zindan qoruqçuya ilk

Gülümsəməyindən də başlana bilər

ilqarın belini sındıran bir

sözcük

(il qar)

sənə çox yaxındır “o”

ürəyində deyil,

ürəyinin imtidadında2,

arxanda bir sancıdır,

bir qəmə yeri!

Kəsilməz qandır axır arxandan

Sinənin üstünə bir cızıq düşmədən

Öldürür də - ölmüyür də.

Xəyanət

ərəbcə bir sözcükdür,

latınca yazılanda...

Onsuz da qorxuncdur "xəyanət"

1-sərt, qaba (ərəb)

2-uzunluq (burada ürəyin boyu)

news-inner-user

19538 məqalə

Oxşar xəbərlər

Xəbər lenti

Mirzə Cəlilin nəvəsi Fransadakı səfirliyimizdə olub
18:54 05 Avqust 2021
Qəbələ Musiqi Festivalı başa çatdı
18:14 05 Avqust 2021
Yaxınları Rafiq Tağını ziyarət etdi - Foto
18:07 05 Avqust 2021
Tanınmış yazıçı ilə görüş keçiriləcək
17:30 05 Avqust 2021
Axına qarşı üzmədən nəyəsə nail olmaq qeyri-mümkündür
17:01 05 Avqust 2021
Azərbaycanda etdiyi bu rəqsə görə Rafet El Romanı topa tutdular - Video
16:14 05 Avqust 2021
Rafiq Tağının qardaşı: “Anam qətlə yetirildiyini bilmirdi, ona qurban demişdi” – Müsahibə
15:21 05 Avqust 2021
Yaponiyada alovlanan olimpiya məşəli və Türkiyədəki meşə yanğınları
14:43 05 Avqust 2021
Nobelli şair məhkəməni uddu
14:01 05 Avqust 2021
"Çocuklar duymasın"ın Havuçu yanğınsöndürənlərə qoşuldu - Fotolar
13:12 05 Avqust 2021
Başı kəsilən Sevinci necə xilas edə bilərdik?
12:26 05 Avqust 2021
Əri evə başqa qadın gətirdi, efirə çıxarmaq üçün ona əxlaqsız təkliflər etdilər, iki uşağıyla ac-susuz qaldı – Səfil həyatı yaşayan xanəndəmiz
12:02 05 Avqust 2021
Flora Kərimovanı hədəfə alanların əsl siması – Sevda yazır...
11:01 05 Avqust 2021
Azərbaycanda yeni musiqi aləti yaradıldı - Foto
10:31 05 Avqust 2021
44 müəllifdən 44 ən yaxşı hekayə - Yeni layihə
10:01 05 Avqust 2021
Kosmik raketlərdən bəhs edən peyğəmbər hədisi – Zamin yazır...
09:00 05 Avqust 2021
Xalq artisti Rafiq Hüseynovun film kimi həyatı - Maraqlı faktlar
21:00 04 Avqust 2021
Amerikalı vokalçının “Qarabağ Azərbaycandır” klipinin təqdimatı keçirilib
18:45 04 Avqust 2021
Yanğın “Rəcəb İvedik”in evinə yaxınlaşdı – Qalmaqal düşdü
18:01 04 Avqust 2021
Onda mən də doyunca ağlaram - Güneydən hekayə
17:20 04 Avqust 2021